Сиёсат
Шавкат Мирзиёев Тошкент вилоятига ташриф буюради
Жума куни Шавкат Мирзиёев Тошкент вилоятига ташриф буюради. Ташриф давомида президент транспорт, энергетика ва туризм соҳаларида амалга оширилаётган ишлар билан танишади.
Шавкат Мирзиёев Бўстонлиқдаги Ugam River туристик мажмуасини бориб кўрди
Президент Бўстонлиқ туманида барпо этилаётган Ugam River туристик мажмуаси билан танишди. У соҳа мутасаддиларига ҳудуд тарғиботини кенгайтириб, бундай масканларга сайёҳларни жалб этиш бўйича кўрсатмалар берди.
Вазирлик ва идораларда жамоавий спорт турлари бўйича клублар ташкил этилади
Президент қарори билан 2025/2026 ўқув йилидан барча давлат олийгоҳларида жамоавий спорт турлари бўйича клублар ташкил этилади. Шунингдек, вазирлик ва идораларда ҳам спорт клублари фаолияти йўлга қўйилади.
Конституциянинг ҳар бир моддасини ўрганиш муқаддас бурч ва мезонга айланиши керак — президент
Конституция — «халқимизнинг ҳуқуқий тафаккури, хоҳиш-иродасининг ёрқин тимсоли», деди президент Конституция куни билан табригида. «Бу ноёб қомуснинг ҳар бир моддасини ўрганиш, уларга ҳурмат, меҳр ва эътибор билан муносабатда бўлиш барчамиз учун муқаддас бурч ва мезонга айланиши керак», — деди у.
Иқтисодиёт
Президент Бўстонлиқдаги «Чорвоқ дарвозаси» лойиҳаси билан танишди
Шавкат Мирзиёев Бўстонлиқ туманига ташриф буюриб, «Чорвоқ дарвозаси» лойиҳаси билан танишди. 25 гектар майдондаги сайёҳлик мажмуасида 16 та кўп қаватли уй, 3 та меҳмонхона, 2 та супермаркет, шунингдек, Чирчиқ дарёси устидан шишали кўприк қуриш режа қилинмоқда.
«Ўзавтосаноат» раҳбари — маҳаллийлаштириш, миллионта иш ўрни яратиш ва ривожланиш стратегияси ҳақида
«Ўзавтосаноат» раҳбари 2030 йилга бориб маҳаллийлаштириш ҳисобига импортни 500 млн долларга қисқартириш ва миллиондан ортиқ иш ўрни яратишни режа қилаётганини маълум қилди. «Шунча йилдан бери давлат қўллаб келмоқда, унинг ривожида салмоғимизни кўпайтириш бўйича вазифалар қўйилган», — деди у.
Туркманистон Ўзбекистонга газ экспортини кўпайтиради
Президент Шавкат Мирзиёев ва Туркманистон халқи миллий етакчиси Гурбангули Бердимуҳамедов туркман табиий газини Ўзбекистонга етказиб бериш ҳажмини оширишга келишиб олди. Томонлар, шунингдек, яқин келажакда амалга оширилиши кутилаётган қўшма газ лойиҳаларини ҳам муҳокама қилди.
Тошкент ҳокими қишда кўчаларни қор ва муздан тозалайдиган махсус техникалар тайёргарлигини текширди
Тошкент шаҳри ҳокими Шавкат Умурзоқов қишда кўчаларни қор ва муздан тозалашга мўлжалланган 305 та махсус техника имкониятлари билан танишди. 80 та қор тозаловчи, 24 та қум-туз сепувчи, вакуумли супурувчи машиналар шулар жумласидан.
Жамият
Дам олиш кунлари айрим жойларда қор ёғади
Шанба ва якшанба кунлари Ўзбекистоннинг айрим ҳудудларида қор ёғади. Ҳаво ҳарорати кечаси ва кундузи 0…-10 даража атрофида бўлади. Баъзи жойларга туман тушади.
Навоийда сифатсиз ишлар сабаб болалар боғчаси қурилиши тўхтатилди
Навоий вилояти Кармана туманида қурилиш жараёнидаги ишлар сифатсиз экани ва талабга жавоб бермаслиги сабаб 120 ўринли болалар боғчаси қурилиши тўхтатилди. Қоидабузарликлар билан бажарилган ишлар бузилди.
Тошкент ва Хўжакент оралиғидаги темирйўлга туташ майдонлар 2025 йилги реновация дастурига киритилади
Президент янги электропоездда Тошкентдан Хўжакентга сафар қилиб, темирйўлга туташ майдонларни 2025 йилги реновация дастурига киритиш бўйича топшириқ берди. У йўналишдаги эгри қисмларни тўғри қилиб қайта қуриш орқали кунлик экспресс поездлар қатновини кўпайтириш кераклигини таъкидлади.
Бухоро вилоятида 23 ёшли талаба қиз уксус ичиб, ўз жонига қасд қилди
Бухоро вилоятининг Муҳандислик институтида 4-босқич талабаси олийгоҳ ётоқхонасида уксус ичиб, ўз жонига қасд қилди. Ҳолат бўйича Бухоро шаҳар прокуратураси суриштирув ўтказмоқда.
Видео: «Аския» бозори экобозорга айлантирилади. Бу ҳақда аҳоли қандай фикрда?
Яккасарой туманидаги «Аския» бозорини қайта қуриш режалаштирилмоқда. 150 млн долларлик лойиҳада экобозор, яшил ҳудуд ва меҳмонхона барпо этилиши кўзда тутилган. Реконструкция вақтида бозор фаолиятини давом эттиради. «Газета.uz» сотувчилар ва харидорларнинг бу ўзгаришлар ҳақидаги фикрларини ўрганди.
Ноябрда Ўзбекистон бўйлаб жами 97 млрд сўмлик газдан ноқонуний фойдаланиш ҳолатлари аниқланди
«Энергетика хавфсизлиги ойлиги» доирасидаги тадбирларда 2,9 мингта ҳолатда табиий газдан ноқонуний фойдаланилгани аниқланди. Уларда 97,1 млрд сўмлик газ қайта ҳисоб-китоб қилинди. «Ҳудудгазтаъминот» ходимлари, шунингдек, 23 та газ баллонлари «бункер»и фаолиятига чек қўйди.
Тошкент шаҳар соғлиқни сақлаш бош бошқармаси ва Эндокринология марказига янги раҳбарлар тайинланди
Тошкент шаҳар соғлиқни сақлаш бош бошқармаси бошлиғи бўлган Анвар Алимов Республика эндокринология маркази директори вазифасини бажарувчи этиб тайинланди. Бош бошқармага эса Ботирбек Исабеков раҳбар в.б. бўлди.
Чирчиқ дарёсидаги оролчада қолиб кетган эркак қутқариб олинди
Тошкент вилояти Қибрай туманида дарё ўртасидаги оролчада қолиб кетган эркак ФВБ ходимлари томонидан қутқарилди. У отга миниб, дарёдан ўтаётганда, жониворнинг оёғи тойиб, сувга йиқилган.
Конституция куни арафасида 483 маҳбус, жумладан, 25 хорижлик афв этилди
Президент фармони билан жазо муддатини ўтаётган ва қилмишига чин кўнгилдан пушаймон бўлган 483 нафар шахс афв этилди. Уларнинг 107 нафари жазодан тўла озод этилди, 275 нафари — шартли. Афв этилганлар орасида 25 нафар чет эл фуқароси, 104 нафар вояга етмаганлар мавжуд.
Ўзбекистон ЙҲҚга 3D пиёдалар ўтиш жойлари киритилди. Энди йўллар хавфсизроқ бўладими?
Ўзбекистон Йўл ҳаракати қоидаларига 3D «зебра» ва 3D баланд пиёдалар ўтиш жойлари, шунингдек, янги «Баланд пиёдалар ўтиш жойи» йўл белгиси киритилди. «Газета.uz» бу борада мутахассисларнинг фикрларини ўрганди.
Дам олиш кунлари Тошкентда қаерларга бориш мумкин? (7−9 декабрь)
Жеки Чан иштирокидаги «Панда операцияси», BTS RM ҳақидаги фильм ва яна тўртта кинопремьера, асал ярмаркаси, стенд-ап шоу, кўргазмалар, спектакллар, ижодий маҳорат дарслари ҳамда уч кунлик байрам таътилида бўлиб ўтадиган бошқа тадбирлар — Afisha.uz жамланмасида.
Камбағалликни қисқартириш ва бандлик вазирига биринчи ўринбосар тайинланди
Халқ банки бошқарув раисининг биринчи ўринбосари бўлган Зафар Азимов камбағалликни қисқартириш ва бандлик вазирига биринчи ўринбосар этиб тайинланди.
Тошкентда Matiz ёниб кетди
Юнусобод туманида Matiz бетон тўсиққа урилганидан сўнг бутунлай ёниб кетди. Ҳодиса оқибатида тан жароҳат олганлар йўқ.
Президент Угамдаги кичик ГЭС иши билан танишди
Президент Угам дарёси бўйидаги кичик ГЭСда бўлди. Унинг қуввати 1,48 МВтни ташкил этади, бу йилига 11,8 млн кВт/соат электр энергияси ишлаб чиқариш имконини беради. Ҳозирда дарёда иккита кичик ГЭС ишламоқда, аммо сув оқимидан такрор фойдаланиш орқали бундай станциялар сонини 10 тага етказиш мумкин.
Омбудсманга маҳкумлардан 10 ой давомида тазйиқ ҳолатлари юзасидан 158 та шикоят келиб тушган
10 ой давомида омбудсманга озодликдан маҳрум этиш жойларида ҳуқуқ-тартибот идоралари томонидан турли тазйиқлар юзасидан 158 та шикоят келиб тушган. 14 та шикоят бўйича терговга қадар текширув тайинланган, 3 таси бўйича жиноят ишлари қўзғатилган ва 10 нафар ходим интизомий жавобгарликка тортилган.
Янги йил муносабати билан Тошкентдан Самарқандга қўшимча «Афросиёб» қатнови йўлга қўйилади
Йўловчиларга қулайлик яратиш учун 15−31 декабрь ва 3−12 январь кунлари Самарқанд — Тошкент — Самарқанд йўналишидаги «Афросиёб» электропоездининг қўшимча қатнови йўлга қўйилади. «Темирйўлэкспресс» ҳаракат жадвалини ҳавола қилди.
Президент Бўстонлиқда қурилаётган капсула меҳмонхонасини кўздан кечирди
Бўстонлиқ туманида капсула шаклидаги уйлардан иборат дам олиш маскани қурилмоқда. Президент Бахмал, Шаҳрисабз ва Бойсунда ҳам шундай капсулалар ўрнатиш кўпроқ сайёҳларни жалб қилиш, бу ҳудудларга қизиқишни ошириш имконини беришини таъкидлади.
Жаҳон
Саудиянинг транспорт шедеври — Ар-Риёд метросидан фоторепортаж
Ар-Риёдда 1 декабрь куни метро ишга тушди. Ҳозирча унинг 39 бекатдан иборат уч линияси ишлаяпти, бир ой ичида яна 46 бекатдан иборат қолган уч йўналиши ҳам ишга тушади. Айрим бекатлари транспорт иншооти эмас, музейни эслатувчи тизимдан «Газета.uz» мухбири Шоҳруҳ Ҳайдаров фоторепортаж тайёрлади.
Макрон «яқин кунларда» Францияга янги бош вазир тайинлашга ваъда берди
Франция президенти Эммануэль Макрон «яқин кунларда» янги бош вазир тайинлашни ваъда қилди. У ўзининг истеъфога чиқишини истисно этди ва сиёсий инқироз учун айбни ўта ўнг ҳамда сўл партияларга тўнкади.
«Президент Асадга Сурия тақдирини бирга ҳал қилишни таклиф этдик, лекин ижобий жавоб олмадик» — Эрдоған
Туркия етакчиси Эрдоған Сурия президенти Башар Асадга исён билан боғлиқ вазиятни биргаликда тартибга солишни таклиф қилгани, аммо ижобий жавоб олмаганини айтди. «Идлиб, Ҳама, Ҳомс ва, албатта, мақсад Дамашқ. Мухолифатнинг юриши, умид қиламизки, муаммоларсиз давом этади», — деди у.
Жанубий Кореянинг ҳукмрон партияси президент истеъфосини қўллаб-қувватлади
Жанубий Кореядаги ҳукмрон партия етакчиси президент Юн Сок Ёль ҳарбий ҳолат эълон қилиб, хавфсизлик хизматларига таниқли сиёсатчиларни, жумладан, мухолифат вакилларини ҳибсга олишни буюргани маълум бўлгач, ҳокимиятдан четлатилиши керак, деб ҳисобламоқда.
Руминияда президентлик сайловининг биринчи тур натижалари бекор қилинди
Руминия Конституциявий суди «жараённинг тўғрилиги ва қонунийлигини таъминлаш учун» президент сайловининг биринчи тур натижаларини бекор қилди. Янги сайлов санасини ҳукумат белгилайди. ОАВ Россия сайловга аралашгани ва биринчи тур ғолибининг тарғиботи учун кенг кўламли кампания ўтказганини ёзмоқда.
Бизни ўқиётганингиз учун раҳмат!
