SpaceX ва Tesla асосчиси Илон Маск тарихда соф капитали 400 миллиард доллардан ошган биринчи одам бўлди, деб ёзмоқда Bloomberg.
Бу натижага эришишда сўнгги катализатор SpaceX акцияларининг сотилиши бўлди, қарор Bloomberg Billionaires Index`га кўра, Маскнинг соф капиталини тахминан 50 миллиард долларга — 439,2 миллиард долларгача оширди.
Forbes ҳозирча Маскнинг бойлигини 367,5 миллиард доллар даражасида қайд этмоқда. У ҳамон журнал миллиардерлари рейтингида биринчи ўринда қолмоқда.
Bloomberg`нинг таъкидлашича, 2022 йил охирида Маскнинг капитали 200 миллиард доллардан кўпроққа қисқарганди, бироқ сўнгги пайтларда у ўсишни бошлади ва, айниқса, Дональд Трампнинг АҚШдаги сайловлардаги ғалабасидан кейин кескин ўсди.
Маскнинг яна бир компанияси SpaceX ҳозирда 350 миллиард долларга баҳоланмоқда, бу уни дунёдаги энг қиммат хусусий стартапга айлантиради, деб таъкидлайди Bloomberg.
Дональд Трамп сайловда ғалаба қозонганидан сўнг Илон Маск ва республикачилар праймеризи учун президентликка номзодини кўрсатган миллионер Вивек Рамасвами АҚШ ҳукуматининг янги самарадорлик департаментига раҳбарлик қилишини эълон қилди.
Президентлик кампанияси даврида Маск, Америка оммавий ахборот воситалари ёзганидек, Трамп атрофидаги «муҳим шахс»га айланди. У Трампга маблағ тарафлама ёрдам берди, у билан кўп вақт ўтказди ва маълумотларга кўра, унинг кадрлар бўйича қарорларига таъсир қила бошлади. NBC нашрининг ёзишича, Маск сайловдан кейин бир ҳафта давомида вақтини деярли Трампнинг Флоридадаги Мар-а-Лагодаги қароргоҳида ўтказган, бу эса сиёсатчининг атрофидагиларни ғазаблантира бошлаган.
