2030 йилда футбол бўйича Жаҳон чемпионати учта қитъанинг олтита давлатида, 2034 йилда эса ягона номзод бўлган Саудия Арабистонида ўтказилади. Бундай қарор ФИФАнинг Цюрихдаги навбатдан ташқари конгрессида эълон қилинди.
Sports.ru Арабистондаги турнир қишда ўтказилишини тахмин қилмоқда. Австралия ҳам 2034 йилги Жаҳон чемпионатига даъвогарлик қилган, аммо охир-оқибат ариза беришдан бош тортган.
Бундан ташқари, ФИФА 2030 йилги футбол бўйича жаҳон чемпионати уч қитъада ўтказилишини узил-кесил тасдиқлади. Кўпгина ўйинларга Испания, Португалия ва Марокаш мезбонлик қилади, яна учта ўйин — илк бор ўтказилган жаҳон чемпионатининг 100 йиллиги шарафига — Парагвай, Уругвай ва Аргентинада бўлиб ўтади (илк ЖЧ 1930 йилда Уругвайда ташкил этилган).
https://twitter.com/FIFAcom/status/1866885684461543819?ref_src=twsrc%5Etfw%7Ctwcamp%5Etweetembed%7Ctwterm%5E1866885684461543819%7Ctwgr%5E%7Ctwcon%5Es1_c10&ref_url=
Саудия Арабистони ҳукумати бир неча бор инсон ҳуқуқлари бузилиши ва қатағонларда, шунингдек, режим танқидчиларини, жумладан, журналист Жамол Қошиқчини ўлдиришда иштирок этишда айбланган. Мутахассисларнинг фикрича, мамлакат ўз имижини ўзгартириш учун спортга сармоя киритмоқда.
Маълумот учун, 2026 йилдан жаҳон чемпионатларида 48 та жамоа иштирок этади.
