Ижтимоий тармоқларда Тошкент вилоятининг Пискент туманида янги турмуш қурганлар тўйининг эртасига ис газидан заҳарланиб вафот этгани ҳақида хабарлар тарқалди.
Бош прокуратура матбуот хизматининг «Газета.uz»га маълум қилишича, 15 декабрь куни Пискент туманидаги Бирлик маҳалласида бирга яшаган 1995 йилда туғилган эркак ва 1997 йилда туғилган аёл вафот этган.
Терговга қадар текширув доирасида суд-тиббий экспертизаси тайинланган. Унинг дастлабки хулосасига кўра, ўлимга номаълум модда билан заҳарланиш, ички органларнинг веноз тўлақонлиги, шунингдек, мия ва ўпка шишиши сабаб бўлган.
Мазкур ҳолат юзасидан Пискент тумани прокуратураси томонидан терговга қадар текширув ишлари давом эттирилмоқда.
