17 декабрь куни тушдан кейин Фарғона шаҳри марказидаги автомобилларга пропан ва бензин қуйиш шохобчасида портлаш содир бўлди.
Соат 14:14 да Фарғона вилояти Фавқулодда вазиятлар бошқармаси ёнғин қуршаб олингани ва соат 15:26 да эса ўчирилгани ҳақида хабар берди.
Фото: Фарғона вилояти ФВБ.
Ижтимоий тармоқларда фуқаролар ёнаётган одамни ўчириш учун ўт ўчиргичдан фойдаланаётгани акс этган сурат ва видеолар тарқалмоқда.
Фойдаланувчилар, шунингдек, ёнаётган машиналар ҳамда йўл бўйлаб оқ тутун тарқалгани, сўнгра у аланга олгани тасвирланган кадрларни ҳам жойлаштирган.
