Тошкентда Алишер Навоий номидаги Ўзбекистон Миллий кутубхонаси олдидаги майдонда бош арчанинг ўрнатилиши якунланди, деб хабар берди пойтахт ҳокимлиги матбуот хизмати.
Арчанинг баландлиги 33 метр, юлдузи билан бирга эса 35 метр. У 33 мингта ўйинчоқ ва умумий узунлиги 14 минг метр бўлган 3500 та арча чироқлари билан безатилган.
Майдонда яна тўртта кичик арча, 300 дан ортиқ декоратив элементлар ва чиқишлар учун катта саҳна ўрнатилган.
«Газета.uz» пойтахтнинг барча туманларидаги арчалар жойлашган манзилларни эълон қилганди. Уларнинг аксарияти 25 декабрдан 10 январгача очиқ бўлади.
