Марказий банк 24 декабрдан бошлаб хорижий валюталарнинг ўзбек сўмига нисбатан янги қийматини белгилади.
АҚШ доллари курси кунлик савдолар якунига кўра 8,93 сўмга ошиб, 12 902 сўмни ташкил этди.
Душанба куни банклар долларни 12 830 сўмдан 12 855 сўмгача (Anor Bank) сотиб олиб, аҳолига 12 895 сўмдан 12 955 сўмгача сотди.
Декабрь ойи бошидан буён валюта биржаларидаги савдолар ҳажми (валюта сотиб олиш ва сотиш) 2,49 миллиард долларни ташкил этди, бу ноябрнинг шу даврига (2,32 миллиард доллар) нисбатан 7,2% ёки 167,5 миллион долларга кўп.
Умуман олганда, йил бошидан буён сўм атиги 4,56% — 12338,77 сўмдан 12 902 сўмга (+563 сўм) қадрсизланди. Таққослаш учун: 2023 йилнинг шу даврида девальвация 10,2% ни (+1144,38 сўм) ташкил қилганди.
Эслатиб ўтамиз, аввалроқ иқтисодчи олим Миркомил Холбоев Ўзбекистон миллий валютаси девальвацияси сабабларини таҳлил қилган эди.
