Санкт-Петербургда ўзи билан бирга яшаган аёлни ўлдирганини тан олган ўзбекистонлик эркакка нисбатан жиноят иши қўзғатилди, деб хабар берди Россия Тергов қўмитаси.
Тергов маълумотларига кўра, эркак 10 декабрь куни Россияни тарк этиб, Ўзбекистонга жўнаб кетган ва ҳуқуқ-тартибот органларига 9 декабрь куни ўзи билан бирга яшаган ўзбекистонлик аёлни ўлдиргани ҳақида ариза билан мурожаат қилган.
У жасадни яширган жойнинг аниқ манзилини айтган. У ерга тергов-тезкор гуруҳи юборилган.
Уйнинг ертўласини кўздан кечириш чоғида кўмилган чемодан топилган, унда зўравонлик билан ўлдирилган аёлнинг жасади бўлган.
Россия Жиноят кодексининг 105-моддаси 1-қисми (Қотиллик) бўйича жиноят иши қўзғатилди.
