Ўзбекистон футбол ассоциацияси ҳамда Ўзбекистон профессионал футбол лигаси муассислигида Ўзбекистон футзал федерацияси ташкил этилди, дея хабар бермоқда федерация матбуот хизмати.
26 декабрь куни федерациянинг тақдимот маросими ўктазилди. Унда ЎФА президенти Абдусалом Азизов сўзга чиқиб, футзал бўйича ФИФА Жаҳон чемпионатида Ўзбекистон муваффақиятсиз иштирок этгани ва бу футзални ривожлантириш зарурлигини кўрсатиб берганини айтди.
Абдусалом Азизов.
Унинг таъкидлашича, мазкур масала ассоциацияда кўп маротаба ўрганиб чиқилган.
Тадбирда 2025 йилдан эътиборан фаолиятини бошлайдиган Ўзбекистон футзал федерацияси президенти этиб тадбиркор, BMB Holding кузатув кенгаши раиси Бекзод Акмалович Маматқулов номзоди маъқулланди.
Бекзод Маматқулов.
Шунингдек, O‘zsanoatqurilishbank бошқарув раиси Азиз Акбаржонов Азизжон ўғли федерация вице-президенти, BMB Holding ходими Маъруфжон Абдуллаев эса бош котиб этиб тайинланди.
Маълумот учун, Ўзбекистон футзал ассоциацияси 2004 йилда очилган ва 2017 йилда тугатилган.
