Тошкент метрополитенига яна янги тўрт вагонли 3 та метро поездлари олиб келинди. Бу ҳақда метрополитен матбуот хизмати хабар қилди.
Ушбу поездлар белгиланган йўриқномага асосан, 9−10 кун давомида техник синовдан ўтказилиб, сўнгра йўловчиларга хизмат қилиши учун йўналишларга чиқарилади.
Таъкидланишича, 2025 йил январь-февраль ойларида яна 6 та метро поезди олиб келиниши режаланган.
Метрополитен 2024 йил 31 декабрда ҳам 3 та «Метровагонмаш» (Россия) заводида ишлаб чиқарилган поезд олганини эълон қилганди.
