Президент топшириғига кўра, 2025 йилда Тошкент шаҳри учун қўшимча 1000 та автобус харид қилиш режалаштирилмоқда. Бу ҳақда 11 январь куни «Ўзбекистон 24» телеканалига берган интервьюсида транспорт вазири Илҳом Маҳкамов маълум қилди.
2023 йил октябрь ойида Тошкент ҳокимлиги Хитойнинг BYD компанияси билан 2000 та K9UD eBus электробус харид қилиш бўйича шартнома имзолаган эди. BYD шунингдек, пойтахтда электробус йиғишни бошлашни режалаштирган.
Бундан ташқари, вазирнинг сўзларига кўра, йил охиригача автобус бекатларида QR-кодли бир марталик қоғоз чипталарни харид қилиш учун 675 дона инфокиоск ўрнатилади. Улар 1 январь куни саёҳат қилиш учун салонда нақд пул қабул қилиш бекор қилинганидан кейин пайдо бўлганди.
Энди йўловчилар саёҳат учун транспорт карталари ва АТТО иловаси, контактсиз банк карталари, тўлов иловалари ва QR-чипталари ёрдамида тўлаши мумкин.
«Умуман олганда, 1 февралга қадар Тошкент шаҳрида жамоат транспортини ривожлантириш бўйича қарор лойиҳаси ишлаб чиқилади, шунингдек, янги дастур қабул қилиниши кўзда тутилган, — деди Илҳом Махкамов.
Транспорт вазирлиги маълумотларига кўра, бугунги кунда инфокиоскларнинг умумий сони 5100 тани ташкил этади, шундан 769 таси автобус бекатларида ўрнатилган.
Автобусларда нақд пул қабул қилиш бекор қилинганидан кейин 1 январдан 10 январгача (2024 йил 1−10 январга нисбатан) автобусларда кунлик қайд этилган йўловчилар оқими 43,5 фоизга — 871 минг кишидан 1,19 миллион кишига (2024 ва 2025 йиллар 10 январлари) ошган, даромад эса 36 фоизга ўсган — 8,5 дан 11,5 миллиард сўмга.
2024 йил охирида Тошкент шаҳридаги автобус парки 1901 тага кўпайди, бу 2022 йилга (1485 та) нисбатан 28 фоизга кўп. Бундан ташқари, таъкидланишича, сўнгги икки йил ичида бекатларда кутиш вақти икки баробар қисқарган — 22 дақиқадан 10−12 дақиқагача.
