Александр Сергеевич Огородников Беларуснинг Ўзбекистондаги янги элчиси этиб тайинланди. Давлат раҳбари Александр Лукашенко 14 январь куни бу ҳақда қарор қабул қилди.
У 1970 йил 23 июнда Минскда туғилган. 1993 йилда Минск радиотехника институтини «Микроэлектроника ва яримўтказгичли қурилмалар» мутахассислиги бўйича тамомлаган. 2007 йилда Беларусь давлат иқтисодиёт университетининг магистратурасини «Иқтисодиёт ва халқ хўжалигини бошқариш» мутахассислиги бўйича тамомлаган.
Элчи тайинловга қадар — 2022 йил май ойидан буён cаноат вазирининг биринчи ўринбосари лавозимида ишлаб келаётганди.
Ушбу лавозимда Александр Огородников 2018 йил апрелидан буён ушбу лавозимда ишлаб келган Леонид Маринич ўрнини эгаллайди.
Номзоднинг тайинланиши сабаблари ҳақидаги саволга жавоб берар экан, Беларусь президенти администрацияси раҳбари Дмитрий Крутой МДҲ мамлакатлари билан алоқаларни мустаҳкамлаш вазифасини эслатди. «Сизнинг вазифангиз ўлароқ, ташқи савдомизнинг икки асосий йўналишидан — Россия ва Хитойдан ташқари — биз МДҲ мамлакатлари билан муносабатларимизни мустаҳкамлашимиз керак эди. Улар орасида катта учлик — Қозоғистон, Озарбайжон ва Ўзбекистон алоҳида ажралиб туради», — дея тушунтирди у.
«Президент Мирзиёев билан муносабатларимиз яхши. Лекин улар билан ишлаш керак. Ишончим комилки, у ерда катта фаолият майдони бор», — деди Беларусь етакчиси.
