Сиёсат

Фото: Шавкат Мирзиёев Ислом Каримов ҳайкали пойига гулчамбар қўйди

Шавкат Мирзиёев Тошкентдаги Ислом Каримов ҳайкали пойига гулчамбар қўйди. Маросимда Олий Мажлис палаталари, Президент администрацияси ва ҳукумат вакиллари, зиёлилар ва шаҳар жамоатчилиги ҳам қатнашди. Фото.

Мирзиёев Вашингтондаги аэропортда юз берган авиаҳалокат юзасидан Трампга таъзия йўллади

Ўзбекистон президенти АҚШнинг Вашингтон шаҳридаги аэропортда авиаҳалокат юз бериши оқибатида бир неча ўнлаб инсонлар ҳалок бўлгани юзасидан Дональд Трампга таъзия йўллади.

Иқтисодиёт

Payme онлайн тўлов тизимлари бозорида устун мавқега эга деб топилди

Рақобат қўмитаси Payme`ни онлайн тўлов тизимлари бозорида устун мавқега эга оператор сифатида эътироф этди. Бунга компания томонидан тақдим этилган хабарнома асос қилиб олинган.

Alibaba Cloud Ўзбекистонда ҚҚС тўловчиси сифатида рўйхатдан ўтди

Давлат солиқ қўмитаси Alibaba Cloud компанияси Ўзбекистонда ҚҚС тўловчиси сифатида рўйхатдан ўтганини маълум қилди. У Ўзбекистонда рўйхатдан ўтган 65-чет эл интернет компанияси бўлди. Компания Alibaba Group`нинг шуъба корхонаси бўлиб, онлайн бизнес учун булутли ҳисоблаш хизматларини тақдим этади.

Ўзбекистон 2027 йилдан картошкага эҳтиёжни тўлиқ ички имконият ҳисобидан қоплашни режа қилмоқда

Ўзбекистон 2027 йилдан бошлаб картошкага бўлган эҳтиёжни ички имконият ҳисобидан қопламоқчи. Бу ҳақда президент билан учрашувда маълум қилинди. 2025 йилда картошкачиликни ривожлантириш учун 400 млрд сўм йўналтирилади. Ўтган йилда мамлакатда ушбу маҳсулот деярли 40 фоизга қимматлаган.

Жамият

Ўзбекистонда 1 февралдан нималар ўзгаради?

Тезюрар ва ётоқли поездларнинг билетлари нархи кўтарилади, Тошкент вилоятида иссиқлик таъминоти ва иссиқ сув тарифлари нархи ошади, автотураргоҳларнинг камида 5 фоизи электромобилларни қувватлантириш станцияси билан жиҳозланиши шарт бўлади — 2025 йил 1 февралдан нималар ўзгаради?

Ўзбекистонда февраль ойида об-ҳаво қандай бўлади?

Февраль 6−7 кун давом этадиган қуруқ об-ҳаво билан бошланади. Ҳарорат кечалари 0…-5 даража, кундуз кунлари +3…+15 даража атрофида бўлади. Сўнгра ой охиригача кечаси −13…+7, кундузи 0…+15 градусгача ўзгариб туриши кутилмоқда. Иккинчи ва учинчи ўн кунликларда ёмғир, қор ёғиши мумкин.

Сўровнома: Ислом Каримов даврида нима яхши-ю, нима ёмон эди?

30 январь — Ўзбекистон биринчи президенти Ислом Каримов таваллуд топган кун. Ўзбекистонни 1989 йилдан 2016 йилгача, яъни вафотига қадар бошқарган Ислом Каримовнинг раҳбарлик даврини ўзбекистонликлар қандай хотирлайди? «Газета.uz» пойтахт кўчаларида бўлиб, аҳолига бир қанча саволлар билан юзланди.

Тошкентнинг Шота Руставели кўчасидаги 22-уй маданий мерос объектлари рўйхатига киритилади

Пойтахтнинг Шота Руставели кўчасидаги 22-уйни Моддий маданий мерос объектлари миллий рўйхатига киритиш режа қилинмоқда. Бу ҳақда Маданий мерос агентлиги ижтимоий тармоқларда унинг бузилиш эҳтимоли ҳақидаги тарқалган хабарларга жавобан маълум қилди.

Ўзбекистонда ҳуқуқбузарлик содир этиш эҳтимоли юқори бўлган шахслар рўйхати шакллантирилди

ИИВ Ўзбекистонда ҳуқуқбузарлик содир этиш ёки ундан жабрланиш эҳтимоли юқори бўлган 800 мингдан ортиқ шахс рўйхати шакллантирилганини маълум қилди. Вазирлик вакили фуқаролар нима мақсадда бундай рўйхатга киритилганига изоҳ бериб, уларга фақат ёрдам кўрсатилишини таъкидлади.

Тошкент вилоятидаги боғчада илонлар билан томоша кўрсатганлар жаримага тортилди

Пискент туманидаги 7-сонли давлат боғчасида кобра илонлари билан томоша кўрсатилди. Суд томоша уюштирган икки шахсга жарима жазоси қўллади. Туман мактабгача ва мактаб таълими бўлими раҳбари ўринбосари уларнинг дастури билан тўлиқ танишиб чиқмагани учун ишдан олинди.

Бухоро вилоятида Cobalt ҳайдовчиси ЙПХ ходимини уриб кетди

Бухоро вилоятининг Жондор туманида ЙПХ ходимлари томонидан тўхтатилган Cobalt ҳайдовчиси тўсатдан ҳаракатланиб, улардан бирини уриб кетди. Воқеа юзасидан ҳокимият вакилига қаршилик кўрсатиш моддаси бўйича жиноий иш қўзғатилди.

Халқаро автомобиль транспорти соҳасида профессионал ҳайдовчиларни тайёрлаш ўқув маркази ташкил этилади

Ўзбекистонда Халқаро автомобиль транспорти иттифоқи билан ҳамкорликда юк ва йўловчиларни ташиш соҳасида малакали кадрлар ва профессионал ҳайдовчилар тайёрловчи минтақавий ўқув маркази ташкил этилади. Ўқув жараёнлари Европа таълим стандартлари асосида ишлаб чиқилган ўқув режага мувофиқ олиб борилади.

Жиззахда автобус йўл тозаловчи машина билан тўқнашди

Шароф Рашидов туманида ичида йўловчилари бўлган автобус йўлларни тозаловчи махсус транспорт воситаси билан тўқнашди. Ҳодиса оқибатида уч кишига биринчи тез тиббий ёрдам кўрсатилди.

Ўзбекистонда дорихоналарнинг гиёҳвандлик воситаларини бериш тартиби белгиланди

Гиёҳвандлик воситаларини дорихоналар орқали бериш тартиби белгиланди. Низомга кўра, улар дорихона мудири, фармацевт ёки унинг ассистенти томонидан шифокорнинг махсус пушти рецепти асосида берилади. Шифокор фақат 1 номдаги гиёҳвандлик воситасини етти кунлик эҳтиёждан ошмаган ҳолда ёзиши керак.

Алкоголь маҳсулотларини ишлаб чиқариш тартиби белгиланди

Ҳукумат қарори билан этил спирти ва алкоголь маҳсулотларини ишлаб чиқариш тартиби тасдиқланди. Низомга кўра, алкоголь маҳсулотларини чет элда ишлаб чиқарилган истеъмол этил спирти ҳамда техник этил спиртидан фойдаланган ҳолда ишлаб чиқариш тақиқланади.

Халқаро ва давлат аҳамиятидаги йўллар бўйларида Service point ва Service area объектлари қурилади

Ўзбекистондаги халқаро ва давлат аҳамиятидаги автомобиль йўллари бўйларида Service point — автомобилларга ёқилғи қуйиш ҳамда электромобилларни қувватлантириш станциялари, умумий овқатланиш объектлари, дўконлар, техник сервис пунктлари, санитария-гигиэна шохобчалари ташкил этилади.

Ердан юқори даромад олаётган деҳқонларга ер солиғининг 90 фоизи кэшбек сифатида қайтариб берилади

Ўзбекистонда бир сотихда 5 млн сўмдан юқори расмий даромад олаётган деҳқонларга ер солиғининг 90 фоизи кэшбек сифатида қайтариб берилади. Аксинча, томорқасига экин экмаганлардан ер солиғи оширилган миқдорда ундирилади. Шунингдек, деҳқонлар ва экспортчиларни боғлайдиган маркетплейс ташкил этилади.

Тергов жараёнида шахснинг ҳуқуқ ва эркинликларини ҳимоя қилиш кучайтирилади

Тергов фаолиятида шахснинг ҳуқуқ ва эркинликларини ишончли ҳимоя қилиш кафолатлари янада кучайтирилади. Қонун билан тинтув ўтказиш тўғрисида илтимоснома қўзғатиш ҳамда уни кўриб чиқиш асослари белгиланди.

Ўзбекистонда вейпларни импорт қилиш ва сотишни тақиқлаш тўғрисидаги қонун депутатлар томонидан бир овоздан қабул қилинди

Ўзбекистон депутатлари электрон сигареталарни (вейплар) мамлакатга олиб кириш ва уларнинг муомаласини тақиқлаш ҳақидаги қонунни қабул қилиб, уни Сенатга юборди. Парламент аъзолари ҳужжатни иккинчи ва учинчи ўқишда ҳеч қандай саволларсиз, бир овоздан маъқулладилар.

Жаҳон

Аҳмад ал-Шараа Суриянинг янги президенти бўлди

Суриянинг амалдаги раҳбари Аҳмад ал-Шараа (ал-Жўлоний) мамлакат президенти деб эълон қилинди. Хавфсизлик хизмати ва армия тарқатиб юборилди. Шараа миллий конференция, инклюзив ҳукумат ва якуний сайловларни ўз ичига олган сиёсий ўтишни бошлашга ваъда берди.

АҚШда самолёт ҳалокатга учради. Бортдагиларнинг барчаси вафот этган бўлиши мумкин

American Airlines`нинг Bombardier CRJ700 самолёти 60 нафар йўловчи билан ҳалокатга учради. У Вашингтоннинг Рейган номидаги миллий аэропорти яқинида АҚШ армияси вертолёти билан тўқнашиб, Потомак дарёсига қулаб тушди.

Туркияда қалбаки алкоголдан вафот этган ўзбекистонлик сони 23 кишига етди

Туркияда қалбаки спиртли ичимлик истеъмол қилиш оқибатида вафот этган ўзбекистонликлар сони 23 нафарга етди. Уларнинг орасида икки нафар аёл ҳам бўлган.

ҲАМАС уч исроиллик ва беш хорижликни озод қилди

ҲАМАС Исроил билан ўт очишни тўхтатиш тўғрисидаги битим доирасида гаровдаги уч исроилликни ва беш нафар таиландлик фуқарони озод қилди. Бунга жавобан Исроил 110 нафар фаластинлик маҳбусни озод қилиши керак.

Бизни ўқиётганингиз учун раҳмат!