Тошкент метрополитени вагон паркига яна янги 3 та поезд олиб келинди. Бу ҳақда метрополитен матбуот хизмати хабар қилди.
Қайд этилишича, ушбу ҳаракат таркиблари белгиланган йўриқномага асосан, 7−10 кун давомида техник синовдан ўтказилиб, сўнгра хизмат кўрсатиш учун йўналишларга чиқарилади.
Метрополитен хабар қилишича, 2025 йилнинг февраль ойи давомида яна шу турдаги 3 та метро поездлари олиб келиниши режаланган.
Метрополитен 2024 йил 31 декабрь ва 2025 йил 11 январь куни ҳам 3 тадан метро поездлари олиб келган эди. Поездлар «Метровагонмаш» (Россия) заводида ишлаб чиқарилган.
