Куала-Лумпурдаги музокаралар якунида Ўзбекистон президенти Шавкат Мирзиёев ва Малайзия бош вазири Анвар Иброҳим Стратегик шериклик йўлида икки томонлама ҳамкорликни чуқурлаштириш тўғрисида қўшма баёнотни имзолади.
Шунингдек, қуйидаги ҳужжатлар қабул қилинди:
- Маҳсулотларнинг «ҳалол» стандартларига мувофиқлигини баҳолаш соҳасида ҳамкорлик тўғрисида битим;
- Божхона ишида ҳамкорлик ва ўзаро ёрдам тўғрисида битим;
- Олий таълим соҳасида ҳамкорлик тўғрисида битим;
- Соғлиқни сақлаш соҳасида ҳамкорлик тўғрисида битим;
- Маданият соҳасида ҳамкорлик тўғрисида битим;
- Суд-экспертлик фаолияти соҳасида ҳамкорлик тўғрисида битим;
- Академик-дипломатик ҳамкорлик тўғрисида битим;
- «Ақлли» шаҳарларни ривожлантириш соҳасида ҳамкорлик тўғрисида баённома;
- 2025−2026 йилларда коррупцияга қарши курашиш соҳасидаги шерикликни чуқурлаштириш бўйича қўшма режа.
Эслатиб ўтамиз, аввалроқ Ўзбекистон президенти ва Малайзия бош вазири 2025−2026 йилларни ўзаро шерикликни инновацион ривожлантириш даври деб эълон қилишга келишиб олганди. Ташқи ишлар вазирларининг стратегик мулоқоти учун платформа яратилади, имтиёзли савдо тўғрисидаги битим ва саноат кооперацияси дастури ишлаб чиқилади.
