2024 йил давомида Ўзбекистонга қиймати 224,8 миллион АҚШ долларига тенг бўлган 24 095 та электромобиль олиб кирилди. Бу ҳақда Статистика агентлиги хабар берди.
Энг кўп электромобиллар қуйидаги давлатлардан импорт қилинган:
- Хитой — 23 982 та
- Қозоғистон — 51 та
- Гонконг — 17 та
- Германия — 15 та
- БАА — 13 та
- АҚШ — 10 та.
2023 йилда январь-октябрь ойларида 22 490 та электромобиль импорт қилинганди. 2022 йилда 2180 дона, 2021 йилда эса 809 дона электромобиль олиб келинган.
Аввалроқ Ҳукумат 1 майдан электромобиллар учун утилизация йиғимини оширишни тасдиқлаганди. У машина ишлаб чиқарилган йилга қараб 45 млн сўмдан 78,5 млн сўмгача бўлади.
Электромобилларни импорт қилишда акциз ва божхона тўловлари, шунингдек, автомобиль йиғимлари ундирилмайди. Электр ёки гибрид транспорт воситаларида йўловчи ташувчи такси ҳайдовчилари 2030 йилгача лицензия тўловидан озод қилинган. Қувватлантириш станциялари ўрнатган тадбиркорларга ҳам йил бошидан буён имтиёзлар берилган.
