Бангладеш пойтахти Дакка шаҳрида ўтказилаётган ампутантлар футболи бўйича Осиё чемпионатида Ўзбекистон терма жамоаси гуруҳ босқичини 100 фоизлик натижа билан якунлади. Жамоа мусобақа финалига йўл олди, деб хабар берди Миллий паралимпия қўмитаси.
Ўзбекистон илк турда Индонезияни 8:1, иккинчи турда Непални 13:0 ҳисобида мағлубиятга учратди. Учинчи турда футболчилар мезбон Бангладешга қарши майдонга чиқди ва жавобсиз уч тўп киритди — 3:0.
11 февраль куни Ўзбекистон гуруҳ босқичининг сўнгги турида Ироқни ҳам 3:0 ҳисобида ютди ва бу орқали 100 фоизлик натижани қайд этди.
Терма жамоа 12 февраль куни Осиё чемпионатининг ҳал қилувчи финал учрашувида Индонезия терма жамоасига қарши майдонга тушади.
