Google Maps сервиси харитадаги Мексика кўрфазини АҚШлик фойдаланувчилар учун расман Америка кўрфази деб ўзгартирилди, деб хабар бермоқда CNN.
Топонимнинг қайта номланиши АҚШ президенти Дональд Трампнинг 2025 йил 20 январдаги фармойиши асосида амалга оширилди. Икки ҳафта олдин Google Трампнинг фармонига амал қилишини тасдиқлади, чунки компания «ўзгаришлар ҳукуматнинг расмий манбаларида янгиланганда уларни қўллашнинг узоқ йиллик амалиётига» амал қилади.
«АҚШда Maps`дан фойдаланувчилар Америка кўрфазини, Мексикадагилар Мексика кўрфазини кўради. Қолган барча эса иккала номни ҳам кўради», — дейилади корпорация баёнотида.
Кўрфазнинг номи дунёнинг бошқа мамлакатларида яшовчи фойдаланувчилар учун қандай кўринишга эга?
Трамп биринчи марта 7 январь куни Мексика кўрфазининг номини ўзгартириш режаларини эълон қилганди. «Биз Мексика кўрфазининг номини катта ҳудудни қамраб олган Америка кўрфазига ўзгартирмоқчимиз. Америка кўрфази, қандай чиройли ном. Ва бу ўринли», — деганди у ўшанда.
Бунга жавобан Мексика президенти Клаудия Шейнбаум Шимолий Американи, жумладан, АҚШни «Мексика Америкаси» деб қайта номлашни таклиф қилган — бу минтақанинг дастлабки хариталарида ишлатилган тарихий ном. «Мексика Америкаси», — деди Шейнбаум Шимолий Америка тасвирланган 1607 йилги харитани кўрсатиб.
Reuters агентлигининг таъкидлашича, Мексика кўрфази номининг ўзгариши халқаро миқёсда тан олиниши даргумон.
