Ўзбекистоннинг энг йирик рақамли банкларидан бири бўлган TBC Bank ва payme етакчи тўлов хизматини ўз ичига олган Марказий Осиёдаги етакчи рақамли банк экотизимларидан бири бўлган TBC Uzbekistan бугун 2024 йилнинг тўртинчи чораги ва ўн икки ойи учун МҲХС бўйича йиғма молиявий натижаларни эълон қилди.

TBC Uzbekistan рақамли банкинг экотизими Лондон фонд биржасида савдо қиладиган TBC Bank Group PLC таркибига киради.

2024 йил TBC Uzbekistan тарихида рекорд йили бўлди: барча асосий операцион ва молиявий кўрсаткичлар бўйича сезиларли ўсиш қайд этилди ва янги рекордларга эришилди.

Умумий операцион даромад

Компаниянинг умумий операцион даромади 2024 йилда 1,9 триллион сўмгача кўтарилди (2023 йилга нисбатан 108% ўсиш), TBC Bank Group умумий операцион даромадининг 15% TBC Uzbekistan’га тўғри келди.

2024 йил учун соф фойда рекорд даражадаги 514 миллиард сўмгача кўтарилди (ўтган йилнинг шу даврига нисбатан 91% ўсиш). 2024 йилнинг тўртинчи чораги якунлари бўйича TBC Bank Group соф фойдасининг 8% TBC Uzbekistan’га тўғри келди. Капитал рентабеллиги (ROE) 2024 йилда 26,9% ни ташкил этди.

Мижозлар базасининг ўсиши

2024 йил 31 декабрь ҳолатига кўра, TBC Uzbekistan’да 18,4 миллион ноёб фойдаланувчи рўйхатдан ўтган (ўтган йилнинг шу даврига нисбатан 37% ўсган), бу эса компанияни нафақат Ўзбекистонда, балки Марказий Осиёда ҳам рақамли банкингнинг энг йирик экотизимлари қаторига киритади. Ойлик фаол фойдаланувчилар сони (MAU) 5,9 миллион деб қайд этилди (2023 йилга нисбатан 38% ўсиш).

Портфелнинг жадал ўсиши

2024 йил 31 декабрь ҳолатига кредит портфели 8,07 триллион сўмгача кўтарилди (ўсиш ўтган йилнинг шу даврига нисбатан 112% ни ташкил этди). Компания Ўзбекистон бозоридаги улушини оширишда давом этмоқда: 2024 йил 31 декабрь ҳолатига кўра, компаниянинг таъминланмаган истеъмол кредитлари сегментидаги улуши 16,4% ни ташкил этди (2023 йил якунларига кўра — 13,9%). TBC Uzbekistan’нинг TBC Bank Group натижаларига қўшган ҳиссаси ортиб бормоқда: 2024 йил 31 декабрь ҳолатига кўра, гуруҳ портфелидаги таъминланмаган истеъмол кредитлари умумий ҳажмининг 50% TBC Uzbekistan’га тўғри келди.

Жисмоний шахслар омонатларининг юқори ўсиш суръатлари

Депозитлар ҳажми 2024 йил 31 декабрь ҳолатига кўра, 4,8 триллион сўмгача ошди (ўтган йилнинг шу даврига нисбатан 82% ўсиш), бу Ўзбекистондаги бундай депозитлар умумий ҳажмининг 3,6% ини ташкил этади. 2024 йил 31 декабрь ҳолатига кўра TBC Bank Group жисмоний шахслар депозитлари портфелининг 11% TBC Uzbekiston’га тўғри келди.

Бошқа муҳим воқеалар:

  1. 2024 йилда TBC Bank Uzbekistan бир қатор янги маҳсулот вертикалларини ишга туширди: TBC Uzbekistan рақамли банк экотизимига кириш учун асосий нуқтаси бўладиган Salom Card флагман дебет картаси ва Ўзбекистонда қайта тикланадиган лимитга эга биринчи TBC кредит маҳсулоти бўлган Osmon Card тақдим этди. Шунингдек, TBC Uzbekistan мамлакатдаги биринчи кичик ва ўрта бизнес ва якка тартибдаги тадбиркорлар учун тўлиқ рақамли банк хизмати бўлган TBC Business’ни ишга туширди.
  2. 2024 йилда улгуржи молиялаштириш доирасида TBC Bank Uzbekistan 105 миллион АҚШ долларини, шу жумладан, инвестицион бошқарув менежери Tripple Jump орқали Global Gender-Smart Fund (GGSF), responsAbility Investments AG, BlueOrchard ва Европа тикланиш ва тараққиёт банкидан (ЕТТБ) жалб этди. Янги маблағлар банкка жамғарма манбаларини диверсификация қилишни давом эттириб, кредит портфелини янада ошириб, TBC’га Ўзбекистонда молиявий хизматлардан фойдаланиш имкониятларини кенгайтиришга имкон беради. Шунингдек, компания капиталга акциядорлардан 75 миллион АҚШ доллари ва корпоратив облигациялар чиқариш билан қарзни молиялаштириш орқали 13 миллион АҚШ долларини жалб этди.
  3. 2024 йилда компания сунъий интеллект (AI) асосидаги технологияларни ишлаб чиқишда сезиларли ютуқларга эришди. TBC ўзининг Speech Tech моделини яратди ва мижозларга яқинлашиб келаётган тўловни эслатувчи қўнғироқлар учун сунъий интеллектга асосланган овозли агентларни ишга туширди. 2025 йил январь ҳолатига кўра, овозли агентлар кредит тўловларини кечиктиришнинг дастлабки босқичида қўнғироқларнинг 40% дан ортиғига ишлов берди ва операцион самарадорликни сезиларли даражада оширди. 2025 йил январь ойида TBC савдо учун ўзбек тилидаги ўзининг катта тил моделини ишга туширди. Уни бу йил мижозларни қўллаб-қувватлаш соҳасида, шу жумладан, иловалардаги виртуал ёрдамчилар учун ва бошқа соҳаларда қўллашни бошлашни режалаштирилмоқда.
  4. 2024 йилда TBC Uzbekistan янги молиявий маҳсулотларни ишлаб чиқишни тезлаштирадиган, хизматларни бозорга чиқариш вақтини қисқартирадиган ва умуман олганда тўлов операциялари самарадорлигини оширадиган процессинг марказини ишга тушириш орқали муҳим инфратузилма чегарасига эришди. Шунингдек, компания энг йирик халқаро тўлов тизимлари бўлган Visa ва Mastercard билан стратегик шартномалар имзолади, бу эса мижозларнинг халқаро тўловлар ва ўтказмаларни амалга ошириш имкониятларини кенгайтиради.

tbc bank, реклама

«2024 йил биз учун муҳим йил бўлди: биз асосий кўрсаткичлар бўйича рекорд даражадаги ўсишга эришдик, бир қатор янги маҳсулот вертикалларини ишга туширдик ва сунъий интеллектга асосланган технологияларни жорий этишда сезиларли ютуқларга эришдик. Биз даромадли ўсишни давом эттирдик ва мижозлар базасини кенгайтирдик: бизнинг экотизимимизда аллақачон 18,4 миллион рўйхатдан ўтган ноёб фойдаланувчилар бор, бу Ўзбекистон аҳолисининг деярли ярмига тўғри келади.

Асосий бизнес йўналишларимиз ўсиб борар экан, биз бир қатор янги маҳсулот вертикалларини ишга тушириш орқали маҳсулот қаторини кенгайтиришга инвестиция киритдик: Salom Card дебет картаси, Osmon Card кредит картаси ва кичик ва ўрта бизнес учун TBC Business хизмати. Ушбу маҳсулотлар бизнинг экотизимимиз доирасида синергиялар учун янги имкониятлар яратади, шунингдек, қўшимча даромад манбалари учун пойдевор қўяди, бу бизга Марказий Осиёдаги етакчи рақамли банк экотизими сифатидаги позициямизни мустаҳкамлаш имконини беради. Биз мамлакатда сунъий интеллектга асосланган рақамли келажак банкини яратиш учун энг янги технологияларни фаол синовдан ўтказмоқдамиз ва улардан фойдаланмоқдамиз, ҳозирда биз дастлабки натижаларга эришдик. 

Бизнинг миссиямиз — фойдаланишда оддий, тушунарли ва ёқимли молиявий маҳсулотларни яратиш орқали одамлар ҳаётини осонлаштириш. Бизнинг муваффақиятимизнинг асоси — 3000 дан ортиқ аъзони ўз ичига олган фантастик жамоа, мен бизнесимизга қўшган ҳиссаси учун уларнинг ҳар бирига миннатдорчилик билдираман. Биз Ўзбекистонда келажак рақамли банкини яратаётганимиздан ҳамда мамлакат ва минтақада молиявий ва технологик бизнеснинг янги қиёфасини шакллантиришга кўмаклашаётганимиздан фахрланамиз», — деди TBC Uzbekistan бош директори Ника Курдиани.

Реклама ҳуқуқлари асосида.