Давид Котариа Грузиянинг Ўзбекистондаги янги элчиси этиб тайинланди. У 19 февраль куни ташқи ишлар вазири Бахтиёр Саидовга ишонч ёрлиғи нусхаларини топширди, деб хабар берди ТИВ матбуот хизмати.
Вазир Давид Котариа билан учрашувда уни лавозими билан табриклади ва мамлакатлар ўртасидаги икки томонлама алоқаларни кенгайтириш йўлларини муҳокама қилди.
«Ташқи ишлар вазирлиги жаноб элчини Ўзбекистонда самарали дипломатик миссиясини амалга оширишда ҳар томонлама қўллаб-қувватлашга тайёрдир», — деб ёзди у Telegram’даги каналида.
Аввалроқ Канада ва Испания ҳам Ўзбекистондаги янги элчиларини тайинлаганини ёзгандик.
