Сайлов-2021
Президент сайловларида овоз бериш. Қўлланма
Сайлов участкасини қандай аниқлаш мумкин? Сайлов бюллетени қандай тўлдирилади ва уни суратга олиш мумкинми? «Газета.uz» сайлов куни қандай ва қаерда овоз бериш мумкинлиги ҳақидаги саволларга жавоб беради.
Қарийб 422 минг фуқаро сайловда муддатидан олдин овоз берди
Марказий сайлов комиссияси маълумотига кўра, 14−20 октябрь кунлари президентлик сайловларида муддатидан олдин овоз бериш жараёнларида жами 421 618 нафар фуқаро қатнашди.
«Биз ёқиш учун ширин гапларни гапирмоқчи эмасмиз» — Алишер Қодиров мигрантларни солиққа тортиш таклифига изоҳ берди
Алишер Қодиров мигрантлардан солиқ ундириш борасидаги таклифи юзасидан изоҳларга муносабат билдирди. У мамлакат ҳалигача меҳнат ресурсларини хорижга экспорт қилишга мажбур эканлигини таъкидлаб, меҳнат мигрантларини бунга тайёрлаш кераклигини айтди. «Ўзбекистон фуқароси нафақат ўзининг қорни, балки Ўзбекистон, деб яшаши керак», — дея таъкидлади президентликка номзод.
«Одамлар мени тушунмаётган пайтда ғалабадан умидвор бўлишим мумкинми?» — Алишер Қодиров
«Миллий тикланиш» партияси номзоди тошкентлик сайловчилар учрашувда ғалабадан умидвор эмаслигини, бироқ, одамлар албатта ўзгаришини таъкидлади. «Одамлар мени тушунмаётган пайтда ғалабадан умидвор бўлишим мумкинми? Афсус билан айтиш керак, агар одамлар мени тушунмаётган бўлса менга овоз бермайди», — деди Алишер Қодиров. У сайлов кампанияси бошида президент сайловларида ғалаба қозониш ниятида эканлигини маълум қилганди.
«Газ келажак авлодга мерос, уни ҳар хил шартномалар билан сотиб юбормаслик керак» — Шавкат Мирзиёев
ЎзЛиДеП номзоди Шавкат Мирзиёев жиззахлик сайловчилар билан учрашувда мамлакат саноатида табиий газга талаб катталигини таъкидлади. «Газ келажак авлодга қоладиган бойлик, ҳар хил шартномалар билан сотиб юборавериш керак эмас», — деди давлат раҳбари.
«Менга 80 трлн сўм эмас, бир инсоннинг ҳаёти муҳимроқ» — президент коронавирус пандемияси давридаги харажатлар ҳақида
Шавкат Мирзиёев коронавирус пандемияси даврида аҳолининг саломатлигини сақлаш учун 80 трлн сўм сарфланганини маълум қилди. Давлат раҳбари аҳолини коронавирусга қарши эмланишга чақирди. Унинг айтишича, душанба куни мамлакатга гриппга қарши вакцина ҳам олиб келинмоқда.
Мирзиёев — Ортиқхўжаевни ҳоким этиб тайинланишининг сабаби ва Тошкентнинг келажаги ҳақида
Шавкат Мирзиёев Жаҳонгир Ортиқхўжаев тадбиркорлик орқали шаҳарни ривожлантириш учун Тошкент ҳокими этиб тайинланганини маълум қилди. Унга кўра, келгуси беш йилда шаҳардаги савдо майдонлари 10 баробарга ошириш, 44 та йирик савдо ва кўнгилочар марказлари ишга туширилиши ва «Ўзэкспомарказ» ҳудудида Тошкент халқаро молиявий маркази барпо этилиши режалаштирилган.
Фото: Тошкент сайловдан олдин
Келаётган якшанба, 24 октябрь куни президент сайлови ўтказилади. Сайловдан олдинги пойтахт қиёфаси — «Газета.uz» фоторепортажида.
«Пандемия даврида кўп давлатлар „эгоист“ бўлиб кетди» — Шавкат Мирзиёев
Шавкат Мирзиёев Тошкент шаҳри сайловчилари билан учрашувда пандемия даврида энг кучли давлатлар ҳам қийин вазиятга тушиб қолганини айтди. Унинг айтишича, «кўп давлатлар „эгоист“ бўлиб кетди». «Қўшниларимиз билан муносабатларни кузатиб турибсиз. Афғон муаммоси бизни жиддий ўйлантиради», — дейди президент.
ЎзЛиДеП номзоди пойтахтдаги тирбандликларни ҳал этиш бўйича ўзининг таклифларини билдирди
Президентликка ЎзЛиДеП партиясидан номзод Шавкат Мирзиёев Тошкент шаҳридаги тирбандликларни бартараф этиш учун кўчаларда 21 та йўл ўтказгичлар, 6 та метро бекати атрофида ҳамда марказий кўчаларда 80 та кўп қаватли автотураргоҳлар қуришни таклиф қилди. «Йўл ҳаракатини „ақлли тартибга солиш“ тизими жорий этилади», — деди у. Кўчаларни таъмирлашга эса 3,2 трлн сўм ажратилиши таъкидланди.
Президент сайлови тарихида биринчи теледебат. Унда номзодлар вакиллари иштирок этади
19 октябрь куни Ўзбекистон президенти сайловлари тарихида илк маротаба теледебат намойиш этилади. Унда президентликка номзодларнинг вакиллари қатнашади. Теледебатни соат 17:00да «Ўзбекистон24», «Ўзбекистон», «Ёшлар», «Маҳалла» ва «Маданият ва маърифат» каналлари орқали кўриш мумкин.
«Президент бўлсам, мигрантлар солиққа ҳеч қачон тортилмайди» — Шавкат Мирзиёев
ЎзЛиДеП номзоди ва амалдаги президент Шавкат Мирзиёев «Миллий тикланиш» партияси номзоди Алишер Қодировнинг мигрантларни солиққа тортиш ҳақидаги таклифини танқид қилиб, «бу солиққа тортиладиган даромад эмаслигини» айтди. «Ишонтириб айтмоқчиманки, агар мен шу юртда раҳбар бўлиб ишласам, улар ҳеч қачон солиққа тортилмайди… Ҳам ўзини, ҳам оиласини боқаётган юртдошларимизга, фақат раҳмат айтиш керак», — деди у.
«Мигрантлар ҳам мамлакат тараққиёти учун солиқ тўласин» — Алишер Қодиров
«Миллий тикланиш» партиясидан президентликка номзод Алишер Қодиров сайловчилар билан мулоқотда мигрантлардан ҳам солиқ ундириш таклифини билдирди. «Келинглар энди яна ҳам ватанпарварроқ бўлайлик, мигрантлар ҳам ўзининг солиғини мамлакат тараққиёти учун тўласин», — деди у.
Афғонистондан Америкагача: Хориждаги ўзбекистонликлар қайси давлатларда овоз бера олиши маълум бўлди
Афғонистондан Америкагача — МСК қайси хорижий мамлакатларда ўзбекистонликлар учун сайлов участкалари ташкил этилишини маълум қилди. Таъкидланишича, хориждаги сайловчилар дипломатик ваколатхонларда тузилган участкаларда рўйхатга олинади ҳамда сайлов ўтказилиш жойи ва вақти ҳақида хабардор қилинади.
«Қонун бузилиши кузатилмаяпти». МСК — номзодларнинг сайловолди тарғиботи ва амалдаги вазифаси аралашиб кетиши ҳақида
МСК раиси ўринбосари Баҳром Қўчқоров номзодларнинг сайловолди ташвиқоти ва амалдаги вазифаси бўйича фаолияти аралашиб кетмаётганлиги ҳақида фикр билдирар экан: «Қонун бузилиши кузатилмаяпти», — дея таъкидлади. Унинг қўшимча қилишича, МСК зарур ҳолатда ўзининг фикрларини билдираяпти ва номзодларнинг штаблари билан иш олиб бормоқда.
207 та сайлов участкаларида видеокузатув олиб борилади
Президент сайловини онлайн кузатиш мақсадида 207 та туман ва шаҳарлардаги сайлов участкаларида жами 414 та кузатув камералари ўрнатилади. Ушбу участкалардаги овоз бериш жараёни saylov21.uz портали, МСК биноси ва матбуот марказида, шунингдек «Ўзбекистон24» телеканалида онлайн трансляция қилинади.
«Қашқадарё аҳолиси ҳалигача пахтани букилиб, қўл меҳнати билан теради» — Шавкат Мирзиёев
ЎзЛиДеПдан президентликка номзод Шавкат Мирзиёев қашқадарёликлар ҳалигача пахтани қўл меҳнати билан теришига эътибор қаратди. Номзод ўз дастурида кейинги беш йилда 40% қишлоқ хўжалиги техникаларини янгилаб, механизация даражасини 90%га етказиш режалаштирилганини таъкидлади. Шунингдек, у қишлоқ хўжалиги техникаси хариди учун субсидиялар кўламини ҳам кўпайтиришни таклиф қилди.
«Президентликка номзодлар ўртасида рақобатли кураш кузатилмади». ЕХҲТ ДИИҲБнинг оралиқ ҳисоботи
ЕХҲТнинг Демократик институтлар ва инсон ҳуқуқлари бўйича бюроси Ўзбекистон президенти сайловини кузатиш миссиясининг оралиқ ҳисоботини эълон қилди. Миссия хулосалари: шу пайтгача номзодлар ўртасида рақобатли кураш бўлмади, сайловолди кампанияларида доминант мавзулар йўқ ва бошқалар.
«Диплом мутлақо керак эмас ҳозир. Касб керак!» — Шавкат Мирзиёев
ЎзЛиДеПдан президентликка номзод Шавкат Мирзиёев сурхондарёлик сайловчилар билан учрашув чоғида ҳозирги кунда ёшларга диплом эмас, касб кераклигини таъкидлади. «Билим керак! Сурхондарёга керак бўлган йўналишлар керак!», — деди у. Мирзиёев «насиб қилса, беш йилдан кейин Сурхондарёда бошқача жойларда учрашишини» таъкидлади.
Қўлланма: сайлов участкасини аниқлаш ва уни ўзгартириш
24 октябрь куни президент сайловларида қайси сайлов участкасида овоз беришингиз мумкинлигини биласизми? Сизга бириктирилган сайлов участкасини ўзгартириш мумкинми? «Газета.uz» фуқаролар учун сайлов участкасини аниқлаш ва уни ўзгартириш бўйича қўлланмани тақдим этади.
Қўшимча имкониятлардан фойдаланиш учун сайтда рўйхатдан ўтинг