Сайлов-2024
30 январь куни эълон қилинган энг муҳим янгиликлар дайжести
Биринчи президент ҳайкали пойига гулчамбар қўйган Мирзиёев, устун мавқега эга деб топилган Payme, Ўзбекистонда ҚҚС тўловчи сифатида рўйхатдан ўтган Alibaba Cloud, ҳуқуқбузарликка мойиллиги бор шахслар рўйхати ва бошқалар — «Газета.uz»нинг кунлик дайжестида.
Қонунчилик палатасининг янги чақириқ депутатларининг ўртача ёши ошди
Ўзбекистон парламенти қуйи палатаси янги сайланган депутатларининг ўртача ёши 3 ёшга — 49,5 ёшгача ошди. Ёши энг катта партия ЎзХДП, энг кичиги эса «Миллий тикланиш» бўлди. Аёллар улуши 32 фоиздан 38 фоизга ўсди.
Сенат аъзолари 7−12 ноябрь кунлари сайланади
Қорақалпоғистон Жўқорғи Кенгеси, вилоятлар ва Тошкент шаҳар кенгашлари 7−12 ноябрь кунлари ўз депутатлари орасидан Сенат аъзоларини сайлаш бўйича мажлислар ўтказади. Эндиликда сенаторлар сони 100 эмас, 65 нафарни ташкил қилади.
«Халқимиз сизларнинг янги ғоя ва ташаббусингизни катта умид билан кутмоқда». Президент — сайланган депутатларга
Шавкат Мирзиёев Навоий вилоятида ўтказилган йиғилишда 27 октябрда ўтган парламент сайлови ҳақида гапирди. «Халқимиз сизларнинг янги ғоя ва ташаббусингизга катта умид ва ишонч билан қарамоқда. Эл-юртимиз янги парламент ва маҳаллий кенгашлар аъзоларидан кўп нарсани кутмоқда», деди президент.
МСК Олий Мажлисга янги сайланган депутатларни рўйхатга олди
Якшанба кунги сайловлар натижасида парламент қуйи палатаси ва маҳаллий кенгашлар таркиби деярли 60 фоизга янгиланди. Қуйи палата депутатларининг 38 фоизини аёллар ташкил этди (Ўзбекистон тарихидаги энг юқори кўрсаткич). Унга илк бор 3 нафар, кенгашларга эса — 138 нафар ногиронлиги бор шахс сайланди.
МСК ягона сайлов округи бўйича сайлов натижаларини тасдиқлади
Марказий сайлов комиссияси ягона сайлов округи бўйича Қонунчилик палатасига депутатлар сайлови натижаларини тасдиқлади ва сиёсий партиялар ўртасида 75 депутатлик мандатини тақсимлади.
«Сайловчилар юқори сиёсий етукликни намоён қила бошлади» — МДҲ миссияси
МДҲнинг Ўзбекистондаги депутатлик сайловини кузатиш миссияси раҳбари Сергей Лебедев сайловлар очиқ, рақобат ва адолатли ўтганини айтди. Унинг таъкидлашича, сайловчилар сиёсий етуклик кўрсатиб, номзодларнинг ваъдаларини бажара олиш-олмаслигини тўғри баҳолай бошлаган.
Вазирлар депутатга айланадими? Марказий сайлов комиссияси раиси жавоб берди
МСК раиси Зайниддин Низамходжаев пропорционал сайлов тизими бўйича партиялар рўйхатида номзоди илгари сурилган вазирлар депутатга айланиши ёки йўқлиги ҳақидаги саволга жавоб берди. Унинг айтишича, бу номзодларнинг ўз ихтиёрида бўлиб, улар 5 кун ичида МСКга ўз қарори тўғрисида ариза бериши керак.
Марказий сайлов комиссияси раҳбари сайлов участкаларида кузатилган айрим камчиликлар натижаларга таъсир қилмаслигини таъкидлади
Сайлов куни участка сайлов комиссияларида айрим камчиликлар қайд этилди: паспортнинг телефондаги расми асосида овоз бериш имконияти, кабиналарда бир вақтда бир неча киши бўлгани ва бошқалар. Зайниддин Низомхўжаевнинг айтишича, ҳолатлар ўрганилди ва улар сайловнинг умумий натижасига таъсир қилмайди.
ЎзЛиДеП Олий Мажлис Қонунчилик палатасида энг кўп ўрин олди
Ўзбекистонда 27 октябрь куни бўлиб ўтган депутатлик сайловларининг дастлабки натижалари эълон қилинди. Унга кўра, Олий Мажлис Қонунчилик палатасида ЎзЛиДеП — 64 та, «Миллий тикланиш» — 29 та, «Адолат» — 21 та, ХДП — 20 ва Экопартия эса 16 та ўринга эга бўлди.
Депутатлик сайловида давомат 74,72 фоизни ташкил этди
Марказий сайлов комиссияси раиси Зайниддин Низамходжаев якшанба куни бўлиб ўтган депутатлик сайловида рўйхатга олинган сайловчиларнинг 74,72 фоизи овоз берганини маълум қилди.
«Ҳали қилинадиган ишлар кўп». Акмал Бурхонов — парламент ва кенгашлардан кутилмалари ҳақида (видео, фото)
Коррупцияга қарши кураш агентлиги раҳбари Акмал Бурханов сайлов участкасига қизи билан бирга келди. «Газета.uz» билан суҳбатда у нима учун сайловда қатнашаётгани, парламент ишидан қанчалик қониқиш ҳосил қилаётгани ва унинг янги таркибидан нималар кутаётганини айтиб ўтди.
Видео: Сайлов якунига етди, овозларни санаш бошланди
«Газета.uz» мухбирлари Тошкентдаги 621-сайлов участкасида овоз беришнинг якунланиши ва ундан кейинги саноқ жараёнини қисман кузатди. Саноққа киришгач, участка сайлов комиссияси аъзолари мухбирлардан муассасани тарк этишни сўради.
Ногиронлиги бор ва ўзгалар парваришига муҳтож фуқаролар қандай овоз берди?
«Газета.uz» мухбири сайлов комиссияси аъзолари билан бирга Тошкентдаги ўзгалар парваришига муҳтож икки сайловчининг хонадонида бўлди. Умуман, Ўзбекистонда овоз бериш учун сайлов участкасига мустақил равишда кела олмайдиган жами 46,3 минг сайловчи рўйхатга олинган эди.
Фото: Сайлов участкасидаги келин-куёвлар, 100 билан юзлашганлар ва болалар
Депутатликка сайловларда соат 17:00 гача 14 миллиондан ортиқ фуқаро овоз бериб бўлди. Улар орасида тўйи сайлов кунига тўғри келган келин-куёвлар, ёши 100 дан ошган отахону онахонлар ҳам бор. «Газета.uz» уларнинг айримларини имкон қадар бир саҳифага жамлади.
Фото: Ўзбекистонликлар Осиё, Европа ва АҚШда қандай овоз бермоқда?
Қатор мамлакатларда Ўзбекистондаги депутатлар сайлови бўйича овоз бериш аллақачон якунланди. АҚШда эса у эндигина бошланди. Хорижий сайлов участкаларида сайлов қандай ўтмоқда? Бу билан Ўзбекистоннинг Европа, Осиё ва АҚШдаги элчихоналари томонидан «Газета.uz»га тақдим этилган суратларда танишинг.
Ўзбекистондаги депутатлик сайловларида энг паст давомат Тошкент шаҳрида кузатилмоқда
Ўзбекистондаги депутатлик сайловларида соат 17:00 ҳолатига кўра, 19,9 млн нафар сайловчидан 14,2 млн нафари ёки 71,52 фоизи овоз беришда иштирок этди. Энг паст давомат Тошкент шаҳрида — 62,39 фоиз.
Репортаж: Анқарадаги элчихонада депутатлар сайлови учун овоз берилмоқда
Анқарадаги ўзбекистонликлар Туркиядаги элчихонада депутатлар сайлови учун овоз бермоқда. Бунда 1040 киши рўйхатдан ўтган. Келганлар ош ва сомса билан меҳмон қилинди. Сўнг улар қўлда байроқ билан ватан ҳақида қўшиқ куйлаб, рақсга ҳам тушди. «Газета.uz» жараёндан репортаж тайёрлади.
Фото: Тошкентдаги сайлов участкаларида ногиронлиги бўлган шахслар учун яратилган шароитлар
Ижтимоий ҳимоя миллий агентлиги маълумотларига кўра, Ўзбекистонда ногиронлиги бўлган сайловчилар сони 831 мингдан ортиқ. Улар сайловда иштирок этиши учун участкаларда махсус кабиналар ташкил этилган. «Газета.uz» мухбирлари Тошкентдаги шароитлар билан танишди.
Олий суд: Сайлов қонунчилиги бузилиши юзасидан иккита маъмурий иш кўриб чиқилди
Олий суд вакили депутатлик сайловларида Тошкент шаҳри ва Самарқанд вилоятида сайлов қонунчилиги бузилиши юзасидан иккита маъмурий иш кўриб чиқилганини маълум қилди. Битта ҳолатда фуқаро жаримага тортилган.
Энг кўп ўқилган хабарлар | Сўнгги янгиликлар
Қўшимча имкониятлардан фойдаланиш учун сайтда рўйхатдан ўтинг