Ўзбекистонлик параатлет Сафия Бурханова Париждаги Паралимпия ўйинларида кумуш медални қўлга киритди. Бу унинг фаолиятидаги Токиодаги олтин ва Риодаги кумушдан кейин учинчи Паралимпия медали бўлди. Ўзбекистон 18 та медаль жамғариб, умумжамоа ҳисобида 12-ўринни эгаллаб турибди.
Президент Паралимпия чемпионлари Элбек Султонов, Ёрқинбек Одилов ва Асадбек Тоштемиров билан телефон орқали мулоқот қилди. Уларни ғалаба билан табриклаб, қолган иштирокчиларга муваффақият тилади. Аввалроқ давлат раҳбари Асила Мирзаёрова ва Қудратиллохон Маъруфхўжаев билан ҳам гаплашганди.
Бокс бўйича Ўзбекистон терма жамоаси бош мураббийи Тўлқин Қиличев «Газета.uz»га берган интервьюсида Париж Олимпиадасида юрак хуружига учрагани ва инглиз шифокорлар унга ёрдам бергани ҳақида гапирди. У тайванлик боксчи ва спортчиларга бериладиган мукофот пуллари ҳақида ҳам фикр билдирди.
Шавкат Мирзиёев Париж олимпиадаси иштирокчилари билан учрашувда Financial Times колумнисти Саймон Купернинг «Олимпия медаллари жадвали бизга нималар ҳақида ҳикоя қилади?» номли мақоласидан иқтибос келтирди. «Газета.uz» ушбу мақоланинг таржимасини ҳавола этади.
Шавкат Мирзиёев Париждаги ёзги Олимпия ўйинларида натижаларга эришган спортчи ва мураббийлардан бир гуруҳини орден ва фахрий унвонлар билан мукофотлади. Рўйхат.
Париж-2024 ёзги Олимпиада ўйинларида қатнашган боксчи Ситора Турдибековага 1 хонали уй совға қилинди. Ҳокимликнинг «Газета.uz»га аниқлик киритишича, хонадон тадбиркор томонидан берилган. Спортчи жинси баҳс-мунозараларга сабаб бўлган тайванлик боксчи Лин Ю Тинг билан жанг қилиб, ютқазганди.
Парижда ўтган Олимпия ўйинларида олтин медаль олган спортчиларнинг мураббийлари 50 минг доллар, кумуш олганларнинг мураббийлари 25 минг доллар, бронза медалини олганларники эса 12 500 доллардан мукофотланди.
Олимпиада ғолиблари ва совриндорларига 50 мингдан 200 минг долларгача бўлган пул мукофотлари, Tahoe ва BYD Song Plus автомобиллари, шунингдек, икки қаватли коттежлар ва квартиралар берилди. «Президент совғаси» деб ёзилган мукофотларни бош вазир ва Сенат раиси топширди.
Париж Олимпиадасидан қайтган ўзбекистонлик спортчиларни тантанали кутиб олиш жараёнлари «Газета.uz» фотомухбири Мурод Юсуф репортажида.
Париждан қайтган Ўзбекистон олимпия терма жамоаси Тошкентда тантанали кутиб олинди. Аэропортда спортчиларни Сенат раиси, бош вазир ва бошқа расмийлар кутиб олди.
12 август куни Ўзбекистон олимпия терма жамоаси Тошкент аэропортининг 3-терминалида тантанали кутиб олинади. Олимпиада чемпионлари ва совриндорлари аэропортдан МОҚ биносигача автобус кортежларида ҳаракатланади.
Париждаги Олимпиада Ўзбекистон учун мамлакат мустақил тараққиёти тарихида энг муваффақиятлиси бўлди. Республика 13 та медаль (8−2−3) билан 206 та давлат орасида умумий медаллар ҳисобида 13-ўринни, Марказий Осиёда ва МДҲда 1-ўринни ҳамда Осиёда 4-ўринни эгаллади.
Ўзбекистон бокс федерацияси бош мураббий Тўлқин Қиличевнинг юрак хуружидан кейинги ҳолатига изоҳ берди. «Ҳозирги кунда мураббийимизнинг соғлиги мўтадил, ўзини яхши ҳис қилмоқда. Бироз муолажалар олиши талаб этилади», — дея қайд этди ташкилот.
Бокс бўйича Ўзбекистон терма жамоаси бош мураббийи Тўлқин Қиличев Ҳасанбой Дўсматовнинг ғалабасини нишонлаётган вақтда юрак хуружига учради. Унга юрак-ўпка реанимацияси ва дефибрилатор қўллаган ҳолда Британия бокс жамоаси мутахассислари ёрдам берди.
Ўзбекистонлик боксчи Баҳодир Жалолов финалда испаниялик рақибини мағлуб этиб, Париж Олимпиадасининг олтин медалини қўлга киритди. Бу унинг фаолиятидаги Токио-2020 дан кейинги иккинчи Олимпиада олтини бўлди.
Париж Олимпиадасида таэквондочи Светлана Осипова финалгача етиб бориб, кумуш медални қўлга киритди. У Ўзбекистон тарихида Олимпиадада совриндор бўлган илк аёл таэквондочига айланди.
Олимпиада финалида қирғизистонлик Мунарбек Сейитбек ўғлига қарши жанг қилган боксчи Абдумалик Халоков рақибини 5:0 ҳисобида мағлуб этди. У терма жамоага 7-олтин медални келтирди.
Париждаги Олимпиада ўйинларида Ўзбекистон номидан курашаётган россиялик курашчи Разамбек Жамалов олтин медални қўлга киритди. Финалда у япониялик рақибини муддатидан аввал мағлуб этди. Бу Ўзбекистоннинг сўнгги 20 йил ичида эркин кураш бўйича олган илк Олимпия олтин медалидир.
Акбар Жўраев Париж Олимпиадасида оғир атлетика бўйича кумуш медаль олди. У даст (185 кг) ва силтаб кўтаришда (219) умумий 404 кг тўплаб иккинчи ўринни эгаллади.
Олимпия ўйинларининг 15-кунида Ўзбекистоннинг 10 нафар атлети спортнинг 7 тури: бокс, кураш, бадиий гимнастика, таэквондо, оғир атлетика, замонавий бешкураш ва енгил атлетика бўйича чиқиш қилади. Яна икки боксчи ва эркин курашчимиз олтин медаль учун финал баҳсларини ўтказади.
Қўшимча имкониятларга эга булиш учун сайтда рўйхатдан ўтинг