Сиёсат
299 та насос станциясини модернизация қилишга €700 млн ажратиш режалаштирилмоқда
299 та эскирган насос станцияларини модернизация қилишга 700 млн евро талаб этилади, дея хабар қилди президент. Мазкур лойиҳа амалга оширилгач, 78 минг гектар ер қўшимча фойдаланишга киритиш, 78 млн кВт*с электр энергиясини ва 56 млрд сўмлик бюджет маблағларини тежашга имкон яратади. Биринчи босқичда 98 та станцияни модернизация қилиш режалаштирилган бўлиб, бунинг учун 146 млн евро кредит талаб қилинади.
Шавкат Мирзиёев Ўзбекистон халқини Қурбон ҳайити байрами билан табриклади
Президент Шавкат Мирзиёев Ўзбекистон халқини Қурбон ҳайити билан табриклаб, пандемия шароитида диний ибодатларни уй шароитида адо этиш халқ ҳаёти ва саломатлигини асрашга қаратилган энг тўғри қарор эканини таъкидлади.
Президент Германияга тошқин қурбонлари муносабати билан ҳамдардлик билдирди
Президент Шавкат Мирзиёев Германия президенти Франк-Вальтер Штайнмайер ва канцлери Ангела Меркелга ушбу мамлакатда рўй берган ҳалокатли тошқинлар оқибатида кўплаб инсонлар қурбон бўлгани муносабати билан таъзия йўллади.
Шавкат Мирзиёев шу ҳафта аҳолининг даромад манбаларини кўпайтириш бўйича йиғилиш ўтказади
Президент Шавкат Мирзиёев раислигида шу ҳафта оилавий тадбиркорликни ривожлантириш ҳамда аҳолининг доимий даромад манбаларини кўпайтириш юзасидан видеоселектор йиғилиш бўлиб ўтади. Шунингдек, Бухоро, Навоий, Қашқадарё, Самарқанд ва Сурхондарё вилоятларида гидротехник иншоотларни модернизация қилиш бўйича йиғилиш ўтказилиши кўзда тутилган.
Яккабоғ туман ҳокимлигининг биноси йўқлиги маълум бўлди
Яккабоғ тумани ҳокимлиги ўз биносига эга эмаслиги, ҳокимлик ҳозирга қадар Халқ демократик партиясининг балансида бўлган бинода фаолият юритаёгани маълум бўлди. Туман ҳокими бундан бош вазир ўринбосарларининг, молия вазирининг ҳам хабари борлиги ва тез орада бино қурилишини айтди.
«Эмлашни мажбурий тарзда амалга ошириш мумкин эмас» — Нурдинжон Исмоилов
Қуйи палата Спикери Нурдинжон Исмоилов қонун ҳужжатларига мувофиқ, мажбурий эмлаш мумкин эмаслигини маълум қилди. Бунинг учун ҳуқуқий ҳужжатларга ўзгартиш ёки қўшимчалар киритиш талаб этилади. Бироқ, депутатлар Республика махсус комиссиясига ихтиёрий эмланганларни рағбатлантириш ва имтиёзлар бериш ёки ҳаракатларини чеклаш борасида тавсиялар бергани айтилмоқда. Қолаверса, ходимлари эмланган кафе ва ресторанларга чекланган вақтда ҳам ишлашга рухсат бериш таклифи билдирилган.
Самарқанд вилояти ҳокимига янги ўринбосар тайинланди
Жамшид Ҳайдаров Самарқанд вилояти ҳокимининг саноатни ривожлантириш масалалари бўйича ўринбосари — «Ургут» эркин иқтисодий зонаси дирекцияси раҳбари вазифасига тайинланди.
16 июль куни Ўзбекистонда содир бўлган энг муҳим хабарлар дайжести
Шавкат Мирзиёевнинг бир қатор хорижий ТИВ раҳбарларини қабул қилиши, автокредитларнинг 40 фоизга ошиши, Ғиждувонда бир гуруҳ аёллар кредит сабабли йўлни тўсиб қўйиши, Озарбайжоннинг Ўзбекистонга 50 минг доза AstraZeneca вакцинасини юбориши — «Газета.uz»нинг 16 июлдаги энг муҳим хабарлари дайжестида.
«Толиблар билан музокара олиб бориш учун барча чоралардан фойдаланяпмиз» — Ашраф Ғани
«Толибон» таклиф қилган ягона танлов — улар томонга ўтиш ёки таслим бўлиш, деди Афғонистон президенти Ашраф Ғани Марказий ва Жанубий Осиё бўйича конференцияда. У ҳукумат толиблар билан музокаралар олиб бориш ва уларга ён босмаслик учун барча чоралардан фойдаланилаётганини қўшимча қилди.
«Афғонистонда тинчликни илгари суриш бўйича жамоавий масъулиятни зиммамизга оламиз» — Жозеп Боррель
Евроиттифоқ ташқи ишлар ва хавфсизлик сиёсати бўйича Олий вакили Жозеп Боррель Марказий ва Жанубий Осиё бўйича конференцияда Афғонистонга қўшни давлатлар ва халқаро ҳамкорлар ушбу мамлакатда тинчлик ва тараққиётни илгари суриш борасида масъулиятни ўз зиммасига олишини таъкидлади.
«Афғонистондаги вазиятни барқарорлаштириш учун имкониятларни излашда давом этиш керак» — МО ва Россия ТИВ раҳбарлари
Марказий Осиё ва Россия ТИВ раҳбарлари қўшма баёнотда Афғонистондаги вазиятни барқарорлаштириш учун имкониятларни қидиришда давом этиш кераклигини таъкидлашди ва ихтилофдаги барча томонларни куч ишлатишдан тийилишга чақиришди.
«Бугун Афғонистон муҳим бурилиш даврини бошдан кечирмоқда» — Шавкат Мирзиёев
Ўзбекистон президенти Тошкентда ўтган халқаро конференция давомида Афғонистон ўзининг энг янги тарихидаги муҳим бурилиш даврини бошдан кечираётганини айтди. У шунингдек, афғон халқи умуммиллий муросага эришиш йўлида ўзаро келишувларга тайёр эканини намойиш этишига ишонч билдирди.
Марказий Осиё мамлакатлари давлат раҳбарлари саммити 6 август куни бўлиб ўтади
Марказий Осиё мамлакатлари давлат раҳбарларининг навбатдаги Маслаҳат учрашуви 6 август куни Туркманистоннинг «Аваза» миллий туризм зонасида бўлиб ўтади. Саммитга тайёргарлик масалалари президент Шавкат Мирзиёевнинг Туркманистон ташқи ишлар вазири Рашид Мередов билан учрашувида муҳокама қилинди.
Шавкат Мирзиёев бир қатор хорижий ТИВ раҳбарларини қабул қилди
Президент Шавкат Мирзиёев Тошкентдаги халқаро конференция дастури доирасида Россия, Ҳиндистон, Қозоғистон, Туркманистон, Тожикистон ташқи ишлар вазирлари ҳамда Европа Иттифоқининг ташқи ишлар ва хавфсизлик сиёсати бўйича Олий вакилини қабул қилди.
Ўзбекистон вакцинация сертификатларини ўзаро тан олиш таклифини илгари сурди
Шавкат Мирзиёев Тошкентда ўтаётган халқаро анжуманда Марказий ва Жанубий Осиё давлатлари ҳамкорлигини ривожлантиришга, жумладан, иқтисодий алоқаларни кенгайтириш бўйича йиллик форум ўтказиш, хавфсиз транспорт-логистика инфратузилмасини яратиш, гиёҳвандликка қарши қўшма ҳаракатлар режасини ишлаб чиқишга оид таклифларни билдирди. Қолаверса, вакцинация бўйича ўзаро тан олинган сертификатлар асосида «Янги шароитдаги туризм» концепциясини жорий этиш зарурлиги айтилди.
Шавкат Мирзиёев ҳар йили савдо-иқтисодий ҳамкорлик бўйича минтақалараро форум ўтказишни таклиф қилди
Президент Шавкат Мирзиёев Тошкент шаҳрида бўлиб ўтаётган халқаро конференцияда нутқ сўзлади. Давлат раҳбари ҳар йили савдо-иқтисодий ҳамкорлик, кооперация ва инвестициявий алоқалар бўйича форумни ўтказиш, Марказий ва Жанубий Осиён туроператорларининг ягона платформасини шакллантириш, олим ва тадқиқотчилар учун енгиллаштирилган виза тартибини жорий қилиш каби ташаббусларини илгари сурди.
«Ҳеч қандай „лазейка“ ларга жой қолмасин». Дониёр Ғаниев Ер кодексига киритилаётган ўзгартишлар ҳақида
Қонунчилик палатаси депутати Дониёр Ғаниев ерга оид президент фармони, унинг асосида Ер кодексига киритилаётган ўзгартиш ва қўшимчалар юзасидан фикр билдириб, қонунчиликда «лазейка"лар қолдириб кетилаётганига эътибор қаратди. Жумладан, чет эл фуқаролари ва юридик шахсларига ерни ижрага бериш, ДХШ асосида ердан фойдаланиш, кўп квартирали уйга туташ участкаларни ажратиш, қолаверса, якка тартибдаги уйни хусусий мулк тарзида бериш масалаларида қонунчиликда «бўшлиқ"лар қолдирилгани айтилмоқда.
Ўзбекистон, АҚШ, Афғонистон ва Покистон маслаҳатлар платформасини ташкил этмоқда
Ўзбекистон, АҚШ, Афғонистон ва Покистон Афғонистон тинчлик жараёни ва можародан кейинги даврда тартибга солишни қўллаб-қувватлаш учун тўрт томонлама маслаҳатлар платформасини ташкил этмоқдалар.
Покистон бош вазири афғон муаммосини ҳал қилишга Туркияни жалб этиш таклифини билдирди
Покистон бош вазири Имрон Хон Тошкентда бўлиб ўтган брифингда Туркияни Афғонистон можаросини ҳал этишга жалб қилиш ҳамда Афғонистон қўшнилари саммитини ўтказиш таклифини билдирди.
Ўзбекистон ва Покистон стратегик шериклик тўғрисидаги Қўшма декларацияни имзолади
Шавкат Мирзиёев ва Имрон Хон Ўзбекистон ва Покистон ўртасида стратегик шериклик алоқаларини ўрнатиш тўғрисидаги Қўшма декларацияни имзолади. Шунингдек, транзит ва савдо тўғрисидаги ҳамда ишбилармонлар ва сайёҳлар учун виза тартибларини соддалаштириш тўғрисида ҳукуматлараро битимлар, қолаверса, 500 млн долларлик келишувлар ҳам имзоланди.
Қўшимча имкониятлардан фойдаланиш учун сайтда рўйхатдан ўтинг