Сиёсат
COVID-19 беморлари билан ишлаётган шифокорлар иш ҳақини жойида олади
Шавкат Мирзиёев пандемияга қарши курашни кучайтиришга қаратилган бир қатор топшириқлар берди. Хусусан, коронавирус беморлари билан ишлаётган шифокорлар иш хақини жойида олиш тизими жорий этилади, шифохоналарни қўшимча ЎСВ аппаратлари ва бошқа ускуналар, дори-дармон билан таъминлаш, янги даволаш ўринларини кўпайтириш, ПЦР-таҳлил натижаларини тезлаштириш чоралари белгиланди.
Муса Ерниязов ва Тўра Боболовнинг коронавирусга чалингани маълум қилинди
Қорақалпоғистон Республикаси Жўқорғи Кенгеси раиси Муса Ерниязов ва Сурхондарё вилояти ҳокими Тўра Боболов коронавирусга чалинди. Уларнинг аҳволи европалик мутахассислар иштирокида таҳлил қилиниб, ҳолати стабил деб топилган.
«Аниқ маълумот, таҳлилий материаллар йўқлиги туфайли қарорларимиз натижани бермаяпти» — президент
Коронавирусга қарши кураш бўйича қабул қилинган қарорлар аниқ маълумот ва таҳлилий материаллар йўқлиги туфайли кутилган натижаларни бераётгани йўқ, дея маълум қилди президент. «Ҳокимлар, сектор раҳбарларининг, барча мутасадди ва масъулларнинг мияси соат механизмидай куну тун, аниқ ва бехато ишлаши лозим», — дея қўшимча қилди у.
«Ўзбекистон суд тизимини ҳозирча мустақил дея олмаймиз» — БМТ махсус маърузачиси
Ўзбекистонда суд тизими доирасида президент ва прокуратура ваколатларини қисқартириш, бош прокурорни тайинлашнинг объектив мезонларини ишлаб чиқиш ва адвокатлар фаолиятининг минимал хавфсизлигини таъминлаш. БМТнинг махсус маърузачиси томонидан берилган мустақил ва холис суд тизимини яратиш бўйича тавсияларни кўриб чиқамиз.
Чуст тумани ҳокими ўзгарди
Наманган вилояти Чуст тумани ҳокими бўлиб ишлаб келган Баҳодир Охунов ўз лавозимидан озод этилди ва унинг ўрнига Бекзод Ҳамдамов ҳоким этиб тайинланди.
Президент маслаҳатчисининг ўринбосари тайинланди
Бухоро давлат тиббиёт институти ректори лавозимида ишлаб келаётган тиббиёт доктори, профессор Амрилло Иноятов президентнинг ёшлар, фан, таълим, соғлиқни сақлаш, маданият ва спорт масалалари бўйича маслаҳатчиси ўринбосари лавозимига тайинланди.
Фарғона туманига янги ҳоким тайинланди
Шуҳратжон Мўминов Фарғона тумани ҳокими этиб тайинланди. У ҳозирги пайтга қадар Фарғона вилояти ички ишлар бошқармаси бошлиғи ўринбосари вазифасида ишлаб келаётган эди.
МДҲ халқаро ахборот хавфсизлиги бўйича ҳужжат тайёрламоқда
МДҲ мамлакатлари октябрь ойида халқаро хавфсизлик ва барқарорликни таъминлашга тўғри келмайдиган мақсадларда ахборот технологияларидан фойдаланишга йўл қўйилмаслиги тўғрисида қўшма баёнот қабул қилишни режалаштиришмоқда.
Соғлиқни сақлаш вазирининг биринчи ўринбосари тайинланди
Президент қарори билан Абдуҳаким Хаджибаев Соғлиқни сақлаш вазирининг биринчи ўринбосари лавозимига тайинланди.
Президент Тошкент ҳокими ва соғлиқни сақлаш вазирига ҳайфсан эълон қилди
Тошкент шаҳар ҳокими Жаҳонгир Ортиқхўжаевга ва соғлиқни сақлаш вазири Алишер Шодмоновга коронавирус тарқалишининг олдини олиш ва даволаш бўйича Тошкент шаҳридаги ишларни талаб даражасида ташкил этмагани учун ҳайфсан эълон қилинди. Соғлиқни сақлаш вазирлигига сўнгги ойда коронавирусни даволаш стратегияси ва тактикасини кескин бузганлиги таъкидланди.
Ўзбекистон Арманистон ва Озарбайжонни сабрли бўлиш ва музокараларга чақирди
Ташқи ишлар вазирлиги Арманистан ва Озарбайжон чегарасидаги тўқнашувлар бўйича баёнот билан чиқди. Ҳолатнинг кескинлашиши тинч аҳоли орасидаги қурбонлар бўлишига олиб келиши, иқтисодий алоқаларни бузиши ва минтақавий хавфсизликка зарар етказиши мумкинлиги сабабли Ўзбекистон томонларни ўта сабр-тоқатли бўлишга ва сиёсий-дипломатик музокаларга чақирди.
Шавкат Мирзиёев 1 млн долларлик венчур фонди ташкил этилишини эълон қилди
Президент Тадбиркорликни қўллаб-қувватлаш давлат фонди қошида венчур фонд ташкил этиш тўғрисида кўрсатма берди. Дастлаб унинг ҳажми 1 млн долларни ташкил этади. Ҳар бир вилоятдаги энг яхши стартап лойиҳаларига 50 млндан 200 млн сўмгача миқдорда грантлар ажратилади.
Акмал Бурҳонов Коррупцияга қарши курашиш агентлиги директори этиб тайинланди
«Юксалиш» умуммиллий ҳаракати раиси ва Қонунчилик палатаси депутати Акмал Бурҳонов янги ташкил этилган Коррупцияга қарши курашиш агентлиги директори этиб тайинланди. «Газета.uz» нинг ҳукуматдаги манбаси хабар беришича, у «Юксалиш» умуммиллий ҳаракати раиси лавозимини тарк этади.
Шавкат Мирзиёев дори воситаларининг уч ойлик захирасини яратишга топшириқ берди
Президент топшириғи билан вилоятларда дори воситаларининг уч ойлик захираси яратилиши лозим: «Дори воситалари қимматлашса, одамларимизнинг норозилигига олиб келади». У ҳокимларга эрталаб ва кечқурун ижтимоий тармоқларда фуқароларнинг саволларига жавоб беришни ҳам топширди.
Мактабларда касбга ўқитиш тизими жорий этилади
Ўзбекистонда мактабларда касбга ўқитиш тизимини жорий этиш режалаштирилмоқда. 2020−2021 ўқув йилидан бошлаб мактаб директори ва ўқитувчиларга ўқувчиларнинг олий таълимга кириши, касб эгаллаб, ўз ишини топиши даражасига қараб оширилган иш ҳақи тўланади.
Ўзбекистон электрон ҳукуматлар рейтингида 87-ўринни эгаллади
Ўзбекистон БМТнинг электрон ҳукуматлар ривожланиш даражаси бўйича рейтингида 6 ўринга пастлади ва 193 мамлакат орасида 87-ўринни эгаллади.
«Марказий Осиёдаги келишмовчиликнинг асосий сабаби муросанинг йўқлиги эди»
Ташқи ишлар вазирининг ўринбосари Илҳом Неъматов «Газета.uz» га берган интервьюсида Марказий Осиёда мулоқот майдонини яратиш бўйича муваффақиятсиз уринишларнинг сабаблари, сувдан фойдаланиш муаммоларини ечиш, Сўх воқеаларининг Қирғизистон билан муносабатларга таъсири ва пандемия даврида минтақа давлатларининг бир-бирини қўллаб-қувватлагани ҳақида.
Президент коронавирус тестини топшириш жараёнини қайта кўриб чиқиш бўйича топшириқ берди
Президент Шавкат Мирзиёев амалдаги тест-таҳлил топшириш жараёнини қайта кўриб чиқиб, аҳоли учун қулай тизимни ишлаб чиқиш ҳамда карантин қоидаларини заруриятга кўра кучайтириш ёки юмшатиш бўйича топшириқ берди.
ЕТТБ собиқ раҳбари Сума Чакрабарти «Дўстлик» ордени билан мукофотланди
Шавкат Мирзиёев Европа тикланиш ва тараққиёт банкининг собиқ президенти Сума Чакрабарти Ўзбекистоннинг «Дўстлик» ордени билан мукофотлади.
Миллий масс-медиани қўллаб-қувватлаш ва ривожлантириш жамоат фондига директор тайинланди
Александра Колесниченко Миллий масс-медиани қўллаб-қувватлаш ва ривожлантириш жамоат фонди директори этиб тайинланди.
Қўшимча имкониятлардан фойдаланиш учун сайтда рўйхатдан ўтинг