Олий ва ўрта махсус таълим вазири 2019 йилда Ўзбекистонда олий таълим билан қамраб олиш даражаси 20 фоизга етказилишини билдирди.
Юнусобод туманининг собиқ ҳокими Бахтиёр Абдусаматов ва бошқа мансабдор шахсларга нисбатан қўзғатилган жиноят иши юзасидан дастлабки тергов ҳаракатлари олиб борилмоқда.
«Қум ота бува» фермер хўжалигига тегишли, умумий қиймати 980.000 сўмлик мошларни ўғирлаган Ш. Элбеков ва Ф.Убайдуллаева, шунингдек аёлни жазолаган шахсларга нисбатан маъмурий ҳукм ўқилди.
1 январь куни Ўзбекистонда 1708, жумладан Тошкентда 91 бола дунёга келди.
Олтиариқ туманидан оқиб ўтувчи Сўх-Шохимардонсой каналидан қиз жинсига мансуб чақалоқ мурдаси топилди.
Самарқандда ҳайдовчилик гувоҳномасисиз Lacetti автомобилини бошқарган ўсмир Matiz билан тўқнашув содир этди, уч ёшли бола ҳалок бўлди.
4 январь куни жума намози вақтида Раҳимберди Раҳмонов Тошкент бош имом хатиби сифатида таништирилди.
Автотранспорт воситасидан фойдаланишда яқин қариндошлар учун ишончнома олиш тизимини бекор қилиш тўғрисидаги петиция 10 мингдан ортиқ овоз тўплади.
Зангиота туманида ис газидан заҳарланиш оқибатида беш нафар вояга етмаган бола вафот этди. «Зангиотатумангаз» филиали мансабдор шахсларига нисбатан жиноят иши қўзғатилди.
ИИББ ходимлари бир кунда Тошкентдаги бош арча яқинида 24 йўқолган болани топди.
Андижон вилоятида ҳайвонот боғида шерлар қафасига кирган соқчи йиртқичлар ҳужумидан вафот этди.
«Денов» ташқи иқтисодий фаолият божхона постида 47 турдаги 316 миллион 882 минг сўмлик турли товарлар олиб ўтмоқчи бўлган шахс тўхтатилди.
Тўрақўрғон туманида яшаган А.Р.нинг уйида электр иситиш печига кўрпача тегиб қолиши оқибатида содир бўлган ёнғин натижасида хонадон соҳиби вафот этди.
«Хавфсиз хонадон» концепцияси жорий этилиши муносабати билан уй-жойлар ва хонадонларга зарур жиҳозларни ўрнатиш қўриқлаш хизмати маблағлари ҳисобидан бепул амалга оширилади.
Наманган вилояти ҳокимлиги аппарати учун махсус кийим-бош тайёрланди ва халқ билан мулоқот қилиш, турли тадбирларда ана шу хизмат кийимидан фойдаланиш йўлга қўйилди.
Фарғона водийсига Қозоғистон орқали барқарор табиий газ етказиб бериш бошланди.
Янги йил байрамида Тошкент шаҳрининг Юнусобод тумани, Чилонзор тумани ва Халқлар дўстлиги майдонида байрам мушакбозликлари бўлиб ўтади ва мушакбозликдан сўнг одамларни манзилларга олиб бориш учун автобуслар ажратилади.
«Тошкент-АЭРО» ихтисослаштирилган божхона комплекси ходимлари пойтахт аэропортида ноқонуний равишда олиб ўтилаётган спиртли ичимликлар, дрон ва ўқ-дорилар тўхтатиб қолинди.
Бадиий академия Марказий кўргазмалар залида рўй берган ёнғин натижасида хизмат хонасига зарар етди.
Тошкент метрополитени Янги йил кечаси тунги соат бирга қадар ишлайди.
Қўшимча имкониятларга эга булиш учун сайтда рўйхатдан ўтинг