Жамият
Тошкентда электробус иштирокида ЙТҲ содир бўлди
Пойтахтда Yutong электробуси, Malibu 2 ва Lacetti иштирокида йўл транспорт ҳодисаси содир бўлди. Ҳайдовчилардан бири шифохонага ётқизилди.
Хивадаги Тошҳовли саройи АҚШ кўмагида реконструкция қилинди
Хивадаги XIX асрга оид Тошҳовли саройини консервация қилиш лойиҳаси якунланди. Об-ҳаво ва нотўғри олиб борилган реставрация ишлари туфайли унинг безакли кошинлари ва ғиштлари парчаланганди. Лойиҳа учун маблағ АҚШ томонидан ажратилди.
Nasafnews.uz нашри ҳамда 3 нафар блогер фаолиятини тугатди. Сабаблар
Nasafnews.uz интернет нашри расман фаолиятини тугатаётганини эълон қилди. Унинг ортидан эса блогерлар Умид Каримов (Nasafnews.uz раҳбари), Отабек Артиков ва Мақсуд Музаффаров ҳам ортиқ фаолият юритмаслигини маълум қилди. «Газета.uz» улар билан боғланиб, бундай қарорга келиш сабабларини сўради.
Тошкент вилоятида мактаб ўқувчиси каналга чўкиб кетди
Янгийўл шаҳрида 16 ёшли мактаб ўқувчиси Жўн каналига чўкиб кетди. Унинг жасади орадан бир кун ўтиб топилди.
Ўзбекистонда ҳафта давомида ҳарорат кўтарилиб боради
Ўзбекистонда иш ҳафтаси давомида ҳароратнинг аста-секин кўтарилиши давом этади. Кундузи ҳаво +40 даражагача, жанубда ва чўл ҳудудларда +42 даражагача исийди. Бу июнь ойининг биринчи ўн кунлиги учун меъёрдан 4−6 даража юқори ҳисобланади.
Ипак қурти уруғини тайёрловчи 7 та янги уруғчилик корхонаси ташкил этилди
«Ўзбекипаксаноат» уюшмасининг ҳудудларда ипак қурти уруғини тайёрловчи 7 та янги уруғчилик корхонаси ташкил этилди. Шунингдек, янги тутзорлар барпо қилиш учун 105 минг гектар ер доимий фойдаланиш ҳуқуқи асосида ажратилиши белгиланди.
Фарғонада чўкиб кетган мактаб битирувчисининг жасади 9 кунда топилди
25 май куни Қўштепа туманида мактаб битирувчиси Катта Фарғона каналида чўкиб кетганди. Унинг жасади орадан 9 кун ўтиб каналнинг Олтиариқ туманидан оқиб ўтувчи қисмидан топилди.
Тошкентдаги маҳаллалардан бирини сув босди — фото
Сергели туманининг «Жунариқ» маҳалласидаги 9 та хонадонни сув босди. Тошқин Жун ва Салар каналига тўлиқ сув очилгани боис юзага келган. Ҳолат бартараф этилди, ҳодиса оқибатида жароҳат олган ва ҳалок бўлганлар йўқ, дейилади хабарда.
Қашқадарёда Damas дарага ағдарилиши оқибатида 3 киши ҳалок бўлди
Қамаши туманида Damas дарага ағдарилиб кетиши оқибатида 3 киши ҳалок бўлди, яна 3 киши жароҳатлари билан шифохонага ётқизилди. Воқеага ҳайдовчининг бошқарувни йўқотиши сабаб бўлган.
Жомбойлик аёл далага қорамол тушгани учун қайноғаси томонидан калтакланди
Жомбой туманида 37 ёшли аёл экин майдонига қорамол тушгани учун ферма ишчиси бўлган қайноғаси томонидан калтакланди. Вилоят Оила ва хотин-қизлар бошқармаси унинг аҳволи нисбатан қониқарли эканини маълум қилди. Ҳолат юзасидан тергов ҳаракатлари олиб борилмоқда.
Ўзбекистонда айрим ҳудудларга экомаҳалла, экоқишлоқ ва экоовул мақоми берилади
2024 йил 1 мартдан Ўзбекистонда айрим ҳудудларга экомаҳалла, экоқишлоқ ва экоовул мақоми берилади. Уларда электр энергияси қуёш батареяларига алмаштирилади, электробус ҳаракатланиши йўлга қўйилади ва савдо шохобчаларида пластик пакетлар савдоси тақиқланади.
Тошкентда $22,5 минг эвазига Ҳаж визасини олиб бермоқчи бўлганлар ушланди
Яшнобод ва Учтепа туманларида фуқароларга жами $22,5 минг эвазига Ҳаж визаси ва квота олиб бермоқчи бўлган фирма мутасаддилари қўлга олинди. Улар 4 минг долларни бўнак сифатида олаётганларида ашёвий далиллар билан ушланган.
Тошкент ҳайвонот боғига янги маймунлар келтирилди
Тошкент ҳайвонот боғига Исроилдан маймунлар оиласига мансуб бир қанча гамадрилалар келтирилди. Уларнинг мослашишига исроиллик мутахассислар кўмаклашди.
Ўзбекистонда миллий табиий мерос объектлари рўйхати тузилади
Гўзал манзаралар, кўп асрлик дарахтлар, фламинголарнинг келиши каби табиат ҳодисалари ва объектлари яратилаётган Ўзбекистон миллий табиий мерос объектлари рўйхатига киритилади. Бу табиатни инсон ҳаракатларидан ҳимоя қилиш ва келажак авлодлар учун сақлашга ёрдам бериши лозим.
Чилонзор ИИБнинг 4-қаватидан сакраб вафот этган йигит иши бўйича фото-видео далиллар эълон қилинди
Бош прокуратура Чилонзор ИИБ биносида 21 ёшли йигитнинг 4-қаватдаги ҳожатхонадан сакраб вафот этгани бўйича фото-видео далилларни эълон қилди. Шунингдек, ҳолат юзасидан суд-тиббий экспертизаси тайинланган. ИИО ходимларининг хатти-ҳаракатларига ҳуқуқий баҳо бериш учун текширув ўтказилмоқда.
Нукус воқеалари бўйича апелляция суди қарори 5 июнь куни эълон қилинади
Олий суд 5 июнь куни соат 15:00 да Қорақалпоғистон воқеалари бўйича қўзғатилган жиноят иши юзасидан 16 нафар маҳкумнинг биринчи суд жараёни бўйича апелляция шикоятлари, шунингдек, шартли равишда ҳукм қилинган 4 кишига нисбатан прокуратура протестини кўриб чиқишни якунлаб, ҳукмни эълон қилади.
Ҳаж-2023 мавсуми бошланди: илк зиёратчилар Тошкентдан Мадинага учиб кетди — фото
4 июнь куни Uzbekistan Airways`нинг бортида 240 нафар зиёратчиси бўлган илк рейси Тошкентдан Мадинага учиб, 2023 йилги Ҳаж мавсумини очиб берди. Мусулмонлар идораси зиёратчиларнинг яқинларига тиқилинч ва тирбандликнинг олдини олиш учун аэропортга келмай, масжидлардан кузатиб қўйишни тавсия қилди.
Фарҳод Маннопов вафот этган Star Med Center клиникаси лицензияси бекор қилинди
Суд Соғлиқни сақлаш вазирлиги талабига биноан Фарҳод Маннопов операция қилинган ва кейинчалик вафот этган Star Med Center хусусий клиникаси лицензиясини бекор қилди.
Жарқўтон ёдгорлигидан тақинчоқ ва сопол идишлар билан бирга кўмилган одам қабрлари топилди
Сурхондарёдаги 4000 йиллик Жарқўтон ёдгорлигидан тақинчоқ ва сопол идишлар билан бирга кўмилган одам қабрлари топилди. Қазишма ишлари Франция миллий тадқиқот маркази билан ҳамкорликда олиб борилмоқда.
Нима ўқиймиз? Адлия вазири Акбар Тошқулов тавсия қилади
«Газета.uz» китобхонликни тарғиб этишга қаратилган «Нима ўқиймиз?» лойиҳасини давом эттиради. Сара асарлар, ўқилиши мақсадга мувофиқ ҳисобланган китоблар рўйхати ҳақида олим, тадқиқотчи, ёзувчи-шоир, таржимон, журналист ва жамоат фаолларининг тавсияларини сизга етказамиз.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг