Жамият
«Олтин қалам» мукофотининг 2023 йилги ғолиб ва совриндорлари аниқланди
Журналистика соҳасидаги «Олтин қалам» XVII Миллий мукофоти учун ғолиб ва совриндорлар тақдирланди. Бош миллий мукофот ғолиби — ЎзМУнинг Журналистика факультети жамоасига Gentra автомобили топширилди.
Тошкентда ИИО ходимига қаршилик кўрсатган фуқаро 10 суткага қамалди
Тармоқларда Шайхонтоҳур туманида фуқаронинг ИИО ходимлари билан жанжаллашаётгани акс этган видео тарқалди. Пойтахт ИИББнинг маълум қилишича, фуқаронинг машинаси жарима майдончасига жойлаштирилган. Бироқ ҳужжатлаштириш жараёнида у ИИО ходимларининг талабларини бажармай, қаршилик кўрсатган.
Тошкентда Амир Темур кўчасининг бир қисми номаълум муддатга ёпилди
15 майдан Тошкентдаги Амир Темур кўчасининг бир қисми номаълум муддатга ёпилди. Бу вақтда кўча бўйлаб янги электр тармоғини қуриш ишлари олиб борилади.
15 май куни Ўзбекистонда содир бўлган энг муҳим хабарлар дайжести
Тадбиркорларга алоҳида имтиёзлар дастури, ёпиқ эшиклар ортида кўриладиган 12 ёшли қизнинг ўлдирилишига оид суд иши, ОТМларга кириш имтиҳонлари яна ёпиқ биноларда ўтказилиши, 2 ўқувчини уриб юборган 19 ёшли Damas ҳайдовчиси, ҳафта ўртасида ёмғир ва бошқалар — «Газета.uz»нинг кун дайжестида.
ИИВ Тошкентда бўлиб ўтган бокс бўйича ЖЧдаги тартибсизликлар ҳақидаги хабарларни рад этди
Тармоқларда Тошкентда бўлиб ўтган бокс бўйича жаҳон чемпионатидаги оммавий тартибсизликлар ҳақида хабарлар тарқалди. Ўзбекистон ИИВ 13 май куни ташкилотчилар чарм бокс қўлқопларини текинга тарқатгани, мухлислар эса бир-бирларига навбат бермасдан тартибсиз ҳаракат қилганини билдирди.
Тошкентда қалбаки 200 минг сўмликларни тайёрлаган шахс қўлга олинди
Тошкентнинг Чилонзор туманида номинал қиймати 200 минг сўм бўлган қалбаки банкноталар тайёрлаган шахс қўлга олинди. У шундай қалбаки банкнотларнинг ҳар бирини 60 минг сўмдан сотган.
Қорақалпоғистон мактабларида егулик ичидан таблетка чиққани ҳақидаги хабарлар уюштирилгани маълум қилинди
Апрель ойида Қорақалпоғистонда ўқувчиларга бепул бериладиган егуликлар ичидан таблетка чиққани ҳақидаги хабарлар тарқалганди. Қорақалпоғистон прокуратураси бу каби хабарлар кейтеринг фирмаларининг рақобатчилари томонидан қасддан тарқатилганини маълум қилди.
ДХХ тўртта вилоятда ноқонуний ер сотишда гумонланаётган мансабдорларни қўлга олди
ДХХ ўтказган тезкор тадбирларда Наманган, Жиззах, Сурхондарё ва Тошкент вилоятларида ер майдонларининг ноқонуний сотилиши билан шуғулланган мансабдор шахслар қўлга олинди. Уларга нисбатан жиноят ишлари очилди.
1 июндан тадбиркорларга алоҳида имтиёзлар тақдим этадиган дастур амалга оширилади
Ўзбекистонда 1 июндан бошлаб «20 минг тадбиркор — 500 минг малакали мутахассис» дастури амалга оширилади. Дастурга 2023−2024 йилларда жами 1 миллиард доллар ажратилади. Унда иштирок этадиган тадбиркорларга алоҳида имтиёзлар берилади.
2022 йилда 1 млн аҳоли камбағалликдан чиқарилди — президент
Шавкат Мирзиёев Ўзбекистонда ўтган йили 1 миллион нафар, 2023 йилнинг биринчи чорагида 210 минг аҳоли камбағалликдан чиқарилганини маълум қилди.
Тошкент вилоятида 19 ёшли Damas ҳайдовчиси 2 ўқувчини уриб юборди
Олмалиқ шаҳрида қизил чироқда ҳаракатланган 19 ёшли Damas ҳайдовчиси пиёдалар йўлакчасидан ўтаётган 2 ўқувчи қизни уриб юборди. Шифохонага етказилган қизлардан бирининг жароҳати енгиллиги айтилмоқда.
Тошкентда 12 ёшли қизнинг ўлдирилишига оид суд иши ёпиқ эшиклар ортида кўриб чиқилади
Олий суд январь ойида Тошкентда 12 ёшли қизнинг ўлдирилиши бўйича иш ёпиқ эшиклар ортида кўриб чиқилиши ҳақида хабар берди ва судланувчи қандай моддалар билан айбланаётганини маълум қилди.
Литва Орол денгизи минтақасига 685 минг доза COVID-19 вакцинасини юборди
Литва ҳукумати инсонпарварлик ёрдами сифатида Қорақалпоғистоннинг Хўжайли туманига 685 минг доза коронавирусга қарши вакцина юборди. Аввалроқ ЖССТ COVID-19 тарқалиши соғлиқни сақлаш соҳасида глобал фавқулодда ҳолат мақомини йўқотганини маълум қилганди.
Ўзбекистон 2030 йилга бориб сув танқис бўлган 33 та давлат қаторига тушиб қолиши мумкин
МҲТИ экспертлари Ўзбекистонда сув танқислигини қурғоқчил ҳудудларнинг қишлоқ хўжалиги тармоғига қандай таъсир кўрсатишини ўрганди. 2030 йилга бориб мамлакатда 7 млрд куб метр сув танқислиги кузатилиши мумкин. Натижада Ўзбекистон сув танқис бўлган 33 та давлат қаторига тушиб қолиш эҳтимоли бор.
UniSat 2.0 дастури иштирокчилари Навоийда 2 та наносунъий йўлдошни ишга туширди
UniSat 2.0 таълим дастури иштирокчилари Навоий вилоятида биоматериаллар, аллерген заррачалар ва ҳаво сифатини ўрганиш бўйича тажрибалар ўтказган ҳолда стратосферага иккита наносунъий йўлдошни учиришди. Дастур доирасида биринчи наносунъий йўлдош ўтган йили учирилганди.
Ўзбекистонда ҳафта ўртасида ҳарорат пасайиб, ёмғир ёғади
Ўзбекистоннинг аксарият ҳудудларида ҳафта ўртасида ёмғир ёғади, момақалдироқ бўлади, жойларда дўл ёғиши мумкин. Ҳарорат кечаси +10 даражагача, кундузи +17 даражагача пасаяди. Тошкентда чоршанба ва пайшанба кунлари момақалдироқли ёмғир ёғади.
Ишлаб чиқариш корхоналари ходимларига миллий қўшиқлар ва мақом эшиттириш таклиф этилмоқда
Ўзбекистондаги ишлаб чиқариш корхоналарида иш куни бошланиши ва тугаши пайтида миллий куй ва қўшиқлар, шу жумладан, мақомнинг эшитилиб туришини йўлга қўйиш таклиф қилинмоқда. Ҳужжат лойиҳасида бу ташаббус президентнинг Наманганга ташрифида берилган топшириқлар асосида ишлаб чиқилгани қайд этилган.
ОТМларга кириш имтиҳонлари яна ёпиқ биноларда ўтказилади
Ўзбекистонда 2023/2024 ўқув йили учун тест синовлари ўтказиладиган 92 та ёпиқ иншоот танлаб олинди. Пандемия туфайли жараён 3 йилдан буён очиқ ҳавода ташкил этилаётганди. Май ойи бошида ЖССТ коронавирус глобал фавқулодда ҳолат мақомини йўқотганини маълум қилган.
Миллий гвардияга янги ваколатлар берилди
Президент Миллий гвардия ходимларининг ваколатларини кенгайтириш, жумладан, уларга жамоат жойида спиртли ичимлик ичганлик, вояга етмаганларни ғайриижтимоий хатти-ҳаракатларга жалб қилганлик учун жарима солиш имконини берувчи қонунни имзолади.
IBA афсонавий боксчи Руфат Рисқиевга умрбод минг доллар миқдорида ойлик моддий ёрдам тайинлади
Халқаро бокс ассоциацияси (IBA) президенти Умар Кремлёв афсонавий боксчи, «Тошкент йўлбарси» Руфат Рисқиевга чемпионлик камари, «Ғалабага бўлган ирода» мукофоти ҳамда 10 минг доллар маблағ топширди. Шунингдек, унга минг доллар миқдорида ойлик моддий ёрдам ҳам тайинланди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
Қўшимча имкониятлардан фойдаланиш учун сайтда рўйхатдан ўтинг