Жамият
Ўзбекистонда 10 ойда 18,2 минг нафар эгизак дунёга келди
Январь-ноябрь ойлари давомида Ўзбекистонда 18230 нафар эгизак чақалоқ туғилди. Бу ўтган йилнинг шу даврига нисбатан 1408 нафарга кўпдир.
Равшан Умаров «билан бир кун»
Бу ASUS`нинг махсус лойиҳаси бўлиб, унинг доирасида бериб бориладиган қатор материалларда ғоя ташаббускорлари кундалик ҳаётининг бир куни ҳақида гапириб беради. Лойиҳа мақсади — уларнинг куни нималар билан бандлиги ва аслида қанча вазифани бажаришга тўғри келишини кўрсатиб беришдир.
Мактабгача таълим вазирлиги тизимида 10 ойда 383 нафар шахс жиноий жавобгарликка тортилди
10 ой давомида Мактабгача таълим вазирлиги тизимида 380 та коррупцион ҳолат аниқланди, натижада 383 нафар шахс жиноий жавобгарликка тортилди. 200 тага яқин ҳолат иш ҳақи, рағбатлантириш, қиммат нархларда давлат харидларини амалга ошириш, қурилишга ажратилган пулларни талон-торож қилиш билан боғлиқ.
Президент танқидидан сўнг Учтепадаги маҳаллада кўчаларни муздан тозалаш бошланди
Пойтахтнинг Учтепа туманидаги президент бориб кўрган «Ширин» маҳалласида кўчаларни муздан тозалаш ишлари бошланди. Бир кун аввал Шавкат Мирзиёев «Сизлар ишламаганларинг учун давлат ёмонга чиқяпти», — дея туман ҳокими Фарҳод Абдуллаевни танқид қилган эди.
Тошкентда икки автобус иштирокидаги ЙТҲ оқибатида йўловчилар жароҳатланди
Мирзо Улуғбек туманида икки йўловчи ташувчи автобус иштирокида йўл-транспорт ҳодисаси содир бўлди. Оқибатда икки нафар йўловчи тан жароҳат олди.
Қашқадарёда танқидларга жавоб қайтарувчи жамоа тузишни таклиф қилган талаба ҳокимликка ишга олинадиган бўлди
Қарши давлат университети талабаси вилоят ҳокими билан учрашувда танқидларга жавоб қайтарувчи блогерлар жамоасини тузиш таклифини берди. Қашқадарё раҳбари Муротжон Азимов эса унинг шу таклифи учун ҳокимликка ишга олинишини маълум қилди.
Андижонда фуқароларни пул эвазига «заправка»га навбатсиз киритган шахслар қамалди
Тармоқларда Андижон вилоятида пул эвазига мижозлар газ қуйиш шохобчасига навбатсиз киритилаётгани айтилган видео тарқалди. Вилоят ИИБ ҳолат Олтинкўл туманида содир бўлгани ва 2 нафар шахс 15 суткага қамалганини маълум қилди.
Jordan Aviation Ўзбекистонга парвозларни йўлга қўйди
Иорданиянинг Jordan Aviation авиакомпанияси Амман-Тошкент-Амман йўналишида янги парвоз йўналишини очди. Рейслар чартер асосида икки ҳафтада бир марта Boeing-767 самолётларида амалга оширилиши режалаштирилган.
Тошкентда Matiz ёниб кетди
Олмазор туманида ҳаракатланиб кетаётган Matiz ёниб кетди. Машинадаги қисқа туташув ўт чиқишига сабаб бўлди.
Йил бошидан бери 317 мингдан ортиқ мигрант Россиядан қайтиб келган — Миграция агентлиги
Январь-ноябрь ойларида хорижий давлатлардан 508 минг нафар, биргина Россиянинг ўзидан эса 317 мингдан ортиқ мигрант Ватанга қайтиб келган. Меҳнат вазирлиги вакилига кўра, мигрантлар қишни Ўзбекистонда ўтказиб, баҳорда яна қайтиб кетади, бу доимий кузатиладиган ҳолат.
Сурхондарёда Lada ерда ётган маст одамни босиб кетди
Ангор туманида Lada Samara ҳайдовчиси маст ҳолда йўлда ётган пиёдани босиб кетди. 46 ёшли фуқаро воқеа жойида вафот этди.
2 млндан ортиқ ўзбекистонлик мигрант чет элда ишламоқда
Ҳозирда 2 млн нафардан ортиқ ўзбекистонлик меҳнат мигрантлари хориж давлатларида ишламоқда, дея маълум қилди Ташқи меҳнат миграцияси агентлиги бошқарма бошлиғи Азим Аҳматов. Уларнинг 1,5 млн нафари Россияда, деярли 200 минг ортиқ мигрант эса норасмий фаолият юритмоқда.
Ўзбекистонда жами коронавирусга чалинганлар сони 248 минг нафардан ортди
Сешанба куни республикада яна 101 киши ковидга чалинди (олдинги кун 58 киши касаллик юқтирганди). Пандемия бошланган 2020 йилнинг март ойидан бери расман коронавирусга чалинганлар сони 248 мингдан ортди.
Самарқанднинг айрим ҳудудларида ўқувчилар қишки таътилдан эртароқ қайтади
Самарқанд шаҳри, Оқдарё, Тойлоқ, Жомбой ва Самарқанд туманларидаги айрим мактаб ўқувчилари қишки таътилдан эртароқ қайтади. Улар сентябрда ўтказилган ШҲТ саммити сабабли қолдирган дарслар ўрнини қишки таътил кунларининг охирги 5 куни ҳисобидан тўлдиради.
Ўзбекистонда эфирга узатиладиган хорижий телеканаллар рўйхати кенгайтирилди
Ўзбекистонда эфирга узатиладиган хорижий телеканаллар рўйхати 50 тадан 192 тага кенгайтирилди. АОКА бундай қарор фуқароларнинг турли манбалардан тўлиқ ва холис ахборот олиш имкониятларини кенгайтириш мақсадида қабул қилинганини маълум қилди.
Нукус воқеалари бўйича суд: жабрланган ҳарбийларнинг бир қисми судланувчиларни кечирганини айтишди
Нукус воқеалари бўйича судда фуқаровий даъвогарлар ва жабрланувчилар сўзлашда давом этмоқда. Бу ҳафтада Мудофаа вазирлиги ва Миллий гвардия ҳарбийлари, ИИВ ходимлари ва бошқалар сўзламоқда. Бир неча судланувчи кечирим сўрагач, айрим ҳарбий хизматчилар суддан уларни кечиришни сўрашди.
Блогер Олимжон Ҳайдаров 21 млн сўм миқдорида жаримага тортилди
Блогер Олимжон Ҳайдаров митинглар ташкил этиш ва ўтказиш тартибини бузганлик, ёлғон ахборот тарқатганликда айбланиб, 21 млн сўм миқдорида жаримага тортилди. У яқинда Фарғонадаги завод ишчиларининг норозилик намойиши акс этган видеони эълон қилганди, шундан сўнг 7 ишчи ҳибсга олинганди.
13 декабрь куни Ўзбекистонда содир бўлган энг муҳим хабарлар дайжести
Музлаган йўлаклар ҳақида гапирган президент, Тошкентга олиб келинадиган 1000 та автобус, 28 декабрдан қишки таътил, Мексикада ҳибсга олинган 7 нафар ўзбекистонлик, «свет» ўчирилиши бўйича жадвал, яна дарахткушлик, ис газидан вафот этганлар ортаётгани ва бошқалар — «Газета.uz»нинг кун дайжестида.
Тошкентда Солженицин романидаги собиқ саратон бўлими биноси бузиб ташланди
Эски ТошМИ ҳудудида собиқ саратон бўлими биноси бузиб ташланди. XX аср бошида қурилган ғиштин бинода адабиёт бўйича Нобель мукофоти совриндори Александр Солженициннинг «Саратон бўлими» романи воқеалари бўлиб ўтган. Бино ўрнида автотураргоҳ қуриш режалаштирилган.
Президент энг оғир йўналишларга қўшимча автобуслар қўйиш бўйича топшириқ берди
Шавкат Мирзиёев пойтахтда жамоат транспортидан фойдаланадиган 1,3 млн йўловчи учун автобуслар етишмаётганини танқид қилди. Президент энг оғир йўналишларга қисқа муддатда қўшимча автобуслар қўйиш ҳамда ҳайдовчиларнинг ойлик маошларини ошириш бўйича кўрсатма берди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг