Жамият
«Масъулларга танбеҳ берилди». ИИВ журналистларнинг ота-оналари сўроқ қилинган ҳолатга муносабат билдирди
ИИВ Самарқанд ва Қашқадарёда ИИО ходимлари журналистларнинг ижтимоий тармоқлардаги изоҳлари учун уларнинг ота-оналарини сўроқ қилган ҳолатга муносабат билдирди. Таъкидланишича, бу Нарпай тумани ва Қарши шаҳар ИИБлари «раҳбариятининг шахсий ташаббуслари» бўлиб, «масъулларга танбеҳ берилди».
11 ойда «Тез ёрдам» хизматига 5 мингга яқин ёлғон чақириқ келиб тушган
ССВ маълумотларига кўра, 2022 йилнинг январь-ноябрь ойларида жами 11 млн 735 мингдан ортиқ одам «103» хизматига мурожаат қилиб, «Тез ёрдам» чақирган. Улардан 4 911 таси асоссиз мурожаатлар ҳисобланади. Энг кўп чақириқ Фарғона ва Андижон вилоятларидан келиб тушган.
ИИО ходимлари журналистларнинг ижтимоий тармоқлардаги изоҳлари учун уларнинг ота-оналарини сўроқ қилди
«Газета.uz» мухбирининг Facebook’даги изоҳи учун ота-онасининг уйига ИИБ тергов-қидирув бўлими ходими келди. Бошқа журналистнинг Facebook’даги постлари учун ота-онаси ИИБ Миграция бўлимига чақиртирилди. Жамоатчилик бу нима — «англашилмовчиликми ё ўзбошимчалик» эканига изоҳ беришни талаб қилмоқда.
Ўзбекистоннинг етти вилоятида қор кўчиш ҳавфи эълон қилинди
10−14 декабрь кунлари Қашқадарё, Сурхондарё, Самарқанд, Жиззах,Тошкент, Наманган ва Фарғона вилоятларининг тоғли ҳудудларида қор кўчиш хавфи эълон қилинди. Шу сабабдан, ушбу ҳудудларда яшовчилар, дам олувчилар ҳамда автомашина ҳайдовчиларидан эҳтиёткорлик чораларини кўриш сўралмоқда.
Дам олиш кунлари ҳаво совуқ бўлади
Шанба ва якшанба кунлари Ўзбекистоннинг барча ҳудудларида совуқ ва қуруқ об-ҳаво кузатилади. Ҳарорат кечалари −5…−10, кундуз кунлари 0…−5 даражагача пасаяди. Шимол ва чўл ҳудудларда −22 даражагача совуқ тушиши мумкин.
Фарғонада газ узилганига қарши норозилик уюштирган завод ходимлари қамалди
Фарғона вилояти Ўзбекистон туманида газ қувуридан узилган завод ходимлари норозилик уюштирди. Вилоят ИИБ ташкилот шартномага кўра газдан узилганини маълум қилди. «Ўзбошимчалик билан жамоат тартибига қарши норозиликларни уюштирган» ходимларга 5−10 сутка маъмурий қамоқ жазоси тайинланди.
8 декабрь куни Ўзбекистонда коронавирусга чалинганлар сони 122 кишини ташкил этди
ССВ маълумотларига кўра, 8 декабрь куни Ўзбекистонда кунлик ковид статистикаси бироз камайиб, 122 кишининг вирусга чалингани маълум қилинди. Ҳудудлар кесимида пойтахт (66 нафар) биринчи ўринда.
Шавкат Мирзиёев академик Абдумавлон Абдуллаев оиласига таъзия билдирди
Ўзбекистонда хизмат кўрсатган фан арбоби, академик Абдумавлон Абдуллаев 92 ёшида вафот этди. Шавкат Мирзиёев унинг яқинларига ҳамдардлик билдирди. Абдумавлон Абдуллаев ғўза генетикасининг фундаментал асосларини ривожлантиришга ҳисса қўшган эди.
«Электр ёки газ қачон ўчганини эслолмайман». Хориждаги ўзбеклар йирик шаҳарларнинг энергия таъминоти ҳақида
Ўзбекистонда биринчи қор ёғиши билан энергия тизими инқирозга юз тутди. Бунга асосан аҳоли сони ошиб бораётгани сабаб қилиб кўрсатилди. Хориждаги йирик шаҳарларда ҳам шундай муаммо борми? Уларда ҳам газ ва «свет» тез-тез ўчадими? «Газета.uz» айни шу мавзуда чет элдаги ўзбеклар билан суҳбатлашди.
Хоразмда икки киши ис газидан вафот этгани айтилмоқда
Янгибозор туманида фуқаро ва унинг невараси уйда вафот этди. Уларнинг ўлимига ис газидан заҳарланиш сабаб бўлгани айтилмоқда.
Қоидабузар ҳайдовчиларга жарима балларини ёзиш тизими қандай ишлайди?
1 декабрдан йўлларда қоидабузарлик учун жарима балларни ҳисоблаш тест режимида бошланди. Хўш, жарима балларини кузатиб борса бўладими? Қоида бузмаган ҳайдовчилар рағбатлантириладими? Жарималар 12 баллдан ошса нима бўлади? Шу ва бошқа саволларга «Газета.uz» билан суҳбатда ЙҲХХ бошлиғи жавоб берди.
«Қандай қилиб Хитой университетларига ўқишга кириш мумкин?» Талаба Ҳожиакбар Холматов ҳикояси
2019 йилда Ҳожиакбар Холматов Хитойга ўқиш учун жўнаб кетди. Уйидан олисда ўтказган 4 йил мобайнида у хитой тилини ўрганди, мамлакатнинг энг яхши университетларидан бирига грант асосида ўқишга кирди ва 20 та шаҳарга борди. У Хитой таълим тизими ва талабалар ҳаёти ҳақида сўзлаб берди.
Шиорлар мамлакати. Фоторепортаж
Ўзбекистон — шиорлар мамлакати. Улар бутун ҳаётимиз давомида ҳамроҳлик қилади. Биз уларни сезмаслигимиз ва маъноси ҳақида фикр юритиб кўрмаслигимиз мумкин, лекин улар, хоҳлаймизми ёки йўқ, ҳамманинг хотирасида муҳрланган. «Газета.uz» журналистлари мамлакатнинг турли нуқталаридаги шиорларни тўплади.
Қаршида пиёдани уриб юбориб, воқеа жойидан қочиб кетган ҳайдовчи топилди
Қарши шаҳрида пиёдалар ўтиш йўлагидан ўтаётган вояга етмаган фуқарони уриб юбориб, кетиб қолган Cobalt ҳайдовчиси қидирувда эди. Хабар берилишича, ҳайдовчи топилган. Унга нисбатан жиноят иши қўзғатилди.
1 мартга қадар давлат ташкилотлари машиналарига вақтинча газ қуйиш тақиқланди
Президент Администрацияси раҳбари топшириғига асосан 2023 йилнинг 1 мартигача давлат муассасасига қарашли машиналарга газдан фойдаланишни вақтинча тақиқланади. Шунингдек, 2 ой муддатга АИ-80 бензини импорти ва уни чакана сотиш учун акциз солиғи ундириш бекор қилинади.
7 декабрь куни Ўзбекистонда содир бўлган энг муҳим хабарлар дайжести
402 кишини афв этган президент, Афғонистондаги темир йўл линиясини бошқариш ҳуқуқидан маҳрум бўлган Ўзбекистон, «блэкаут»дан огоҳлантирган энергетика вазири, газ ва электр муаммоларидан қамалмаганлар нолиётганини айтган депутатнинг ваколати тугатилгани ва бошқалар — «Газета.uz»нинг кун дайжестида.
Конституция лойиҳаси умумхалқ референдумига олиб чиқилади — президент
Президент Конституция куни муносабати билан йўллаган табригида унга киритилаётган ўзгартишларга тўхталди. Бу ислоҳотларни «Янги Ўзбекистон тараққиёт стратегиясининг мазмуни ва мантиғи, халқимиз билдираётган талаб, истак ва таклифлар, шиддат билан ўзгараётган даврнинг ўзи тақозо этмоқда», — деди у.
Президент 402 киши, жумладан 17 нафар чет элликни афв этди
Ўзбекистон президенти фармони билан 402 киши, жумладан, 17 нафар хорижлик ва 63 аёл афв этилди. Хусусан, 223 нафар шахс жазони ижро этиш муассасаларидан озод қилинмоқда. Шунингдек, 58 нафар шахсга тайинланган озодликдан маҳрум этиш жазосининг муддатлари қисқартирилади.
Ўзбекистон энергетика соҳаси раҳбарларига ҳайфсан берилди
Ишдаги камчиликлар ва Ўзбекистон энергетика тармоғида чеклашлар киритиш тартибини бузганлик учун «Миллий электр тармоқлари» бошқаруви раиси, «Ҳудудий электр тармоқлари» бошқаруви раисининг биринчи ўринбосари, Қашқадарё ҲЭТК филиали директори ва «Тошшаҳарнур» ДУК раҳбарига ҳайфсан берилди.
Пастдарғомдаги манзил-колонияда маҳкум вафот этди
Пастдарғом туманидаги 37-сон манзил-колонияда икки маҳкумнинг жанжаллашиши оқибатида улардан бири вафот этди. ИИВ ҳузуридаги ЖИЭД ахборот хизматининг маълум қилишича, воқеа 6 декабрь куни содир бўлган. Ҳозирда прокуратура органлари томонидан тергов ҳаракатлари олиб борилмоқда.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг