Жамият
Ўзбекистонда 14 минг истеъмолчи вақтинча газсиз қолди, 79 минггида эса босим пасайди
4 декабрда ҳаво ҳароратининг кескин пасайиши ва қор ёғиши ортидан 14 минг истеъмолчи газсиз қолди, 516 та маҳаллада эса газ босимининг пасайиши кузатилди. «Ҳудудгазтаъминот» аҳолини газдан оқилона фойдаланишни, уйдан чиқаётганда иситиш мосламалари ҳароратини пасайтиришни илтимос қилди.
Тошкент вилоятида эр-хотин ва уларнинг 3 ойлик чақалоғи ис газидан вафот этди
Тошкент вилояти Чиноз туманида эр-хотин ва уларнинг 3 ойлик чақалоғи ис газидан вафот этди. Хонадон бир кун аввал қарздорлик сабаб газдан узилган, бироқ уй эгаси ўзбошимчалик билан табиий газ тармоғига уланиб олган. Ҳолат юзасидан дастлабки тергов ҳаракатлари олиб борилмоқда.
Тошкент шаҳри аҳолиси географик объектларга ном таклиф қилиши мумкин
Эндиликда Тошкент шаҳри аҳолиси махсус веб-сайт орқали географик объектларни номлаш ва уларни ўзгартириш бўйича ўз таклифларини билдириши мумкин. Ҳозирда сайт ер усти метро линиясидаги бекатларга ном бериш бўйича таклифларни йиғмоқда.
Нукус воқеалари бўйича судда жабрланувчи ва фуқаровий даъвогарлар сўроқ қилинмоқда
Душанба куни Нукус воқеалари бўйича суд ўз ишини давом эттирмоқда. Олий суд хабарига кўра, суд ишининг 6-кунида 1−2 июлдаги воқеалар оқибатида жабрланганлар, қолаверса, фуқаровий даъвогарлар сўроқ қилинмоқда.
Кучли қор туфайли Самарқанд аэропорти фаолияти вақтинча чекланди
Самарқанд аэропортида душанба куни соат 13:00 га қадар об-ҳавонинг ёмонлашуви муносабати билан ҳаво кемаларини қабул қилиш ва қўйиб юборишга чеклов жорий этилди.
Фото: Қорли Тошкент
Пойтахт бу йилги қиш мавсумида илк бор оппоқ чойшаб билан қопланди. Болалар хурсандчилигидан ташқари қор пиёдалар ва машиналар ҳаракати, шунингдек, газ ва иссиқлик таъминоти билан боғлиқ муаммоларга сабаб бўлди. «Газета.uz» мухбирлари Тошкентнинг қор бўронидаги манзараларини фотосуратларга муҳрлади.
Semurg Insurance фермерларга ҳар қандай об-ҳаво шароитида ҳам даромад олишга ёрдам беради
Бугунги кунда Semurg Insurance компанияси Ўзбекистон бозорига боғ ва узумзорларни суғурталашнинг ўзига хос дастурини таклиф қилиб, халқаро суғурта амалиётини жорий этмоқда.
Ҳафта давомида совуқ об-ҳаво кузатилади
Сешанба кунидан Ўзбекистоннинг аксарият ҳудудларида қор ёғиши тўхтайди, аммо совуқ об-ҳаво бутун ҳафта давомида сақланиб қолади. Кундузи ҳаво ҳарорати −3…+2 даража, кечаси −3…−8, шимолда баъзи жойларда −20 даражагача бўлади. Жойларда туман тушиб, йўлларда яхмалак ҳодисалари кузатилади.
Ўзбекистонда даромадлар тенгсизлиги: таълим ва тиббиёт соҳаси вакиллари жамиятнинг энг паст даромадли қатлами бўлиб қолмоқда
Энг паст даромадга эга аҳоли гуруҳининг умумий даромадлардаги улуши йилдан-йилга қисқариб бормоқда. Иқтисодчи Миркомил Холбоев даромадлар тенгсизлигига бағишланган мақоласининг иккинчи қисмида соҳалар ва турли даромад гуруҳлари ўртасидаги даромадлар тенгсизлигининг сабабларини ҳақида фикр юритади.
Тажимуратов — қийноқлар, Нукусдаги намойишлар ва айблов моддалари ҳақида
Даулетмурат Тажимуратов кўрсатувининг якуний қисми ва сўроқ вақтида Нукусда тазйиққа учрагани, Урганчда эса қийноққа солинмагани, танқид «унинг йўналиши» экани ҳамда Ўзбекистон учун юраги оғриётганини айтди.
Ўзбекистонда талабалар учун 15 кунлик қишки таътил берилади
Талабалар ва профессионал таълим муассасалари ўқувчилари учун 2022 йилнинг 26 декабридан 2023 йилнинг 9 январига қадар қишки таътил берилади. Мазкур белгиланган тартиб нодавлат таълим ташкилотлари учун тавсиявий характерга эга.
Андижонда мактаб стадиони ўрнида қурилаётган бино бузилади
Тармоқларда Андижон вилояти Пахтаобод туманида 13-мактаб стадиони бузилаётгани айтилган хабар тарқалди. «Ўзбекистонда мактабнинг ерига кўз олайтириш — жиноятку!», дейилади хабарда. Кейинчалик вилоят ҳокимлиги суд қарорига асосан стадиондаги қурилиши тугалланмаган бино бузилишини маълум қилди.
Ўзбекистон Қаҳрамони Муса Ерниязов таваллудининг 75 йиллиги кенг нишонланади
Ҳукумат қарори билан Ўзбекистон Қаҳрамони Муса Ерниязов таваллудининг 75 йиллиги кенг нишонланади. Декабрда унинг хотира кечаси ўтказилади, ҳаёти ва фаолияти ҳақида ҳужжатли фильм яратилади, китоб-альбом ҳам чоп этилади. Қолаверса, Муса Ерниязов яшаган хонадонда ёдгорлик лавҳаси ўрнатилади.
Автобуслар қатновида оралиқ интервал чўзилиши мумкин — Тошшаҳартрансхизмат
Пойтахтда ҳаво совуқ, қор ёғиб, автомобиль йўлларида музламалар ҳосил бўлган. «Тошшаҳартрансхизмат» АЖ ҳайдовчилардан зарур бўлмаса шахсий машинада юрмасликни сўради. Пиёдалар йўлдан кесиб ўтаётганда эҳтиёт бўлиши айтилди. Айрим автобусларнинг келиш вақти ҳам чўзилиши мумкин.
Андижон вилоятида зилзила содир бўлди
5 декабрь куни 07:07 да Андижон вилоятида ер қимирлаши содир бўлди. Зилзила эпицентри Асака туманида бўлиб, 3,4 магнитудани ташкил этди.
Нукус воқеалари бўйича суд жонли эфири вақтинча тўхтатилади
Нукус воқеалари юзасидан суд мажлисидан онлайн трансляция музокаралар жараёнига қадар тўхтатилди. Бу гувоҳлар сўроқ қилиниши билан боғлиқ, чунки гувоҳлар бир-бирининг кўрсатувларини эшитмаслиги лозим.
«Нима учун йўқ газга пул тўлаяпмиз?» Тошкентдаги маҳаллада «заправка» сабаб аҳоли хонадонларида газ босими тушиб кетди
Мирзо Улуғбек туманидаги «Темурийлар» маҳалласида «заправка» сабаб аҳоли хонадонларида газ босими тушиб кетгани айтилмоқда. Туман газ ходимлари эса газ келишини айтиб, иш вақтидан кейин қўнғироқларга жавоб бермаяпти. Тошкентдаги шохобчалар олдида эса ички ишлар ходимлари навбатчилик қилишни бошлади.
Тошкентда аҳоли хонадонларини газ билан таъминлаш учун «заправка»лар ёпилади
Ҳаво кескин пасайиши ортидан шаҳарнинг айрим ҳудудларида газ ва иссиқлик таъминотида узилишлар кузатиляпти. Коммунал хизматлар газ захирасини барча истеъмолчиларга тенг тақсимлашга уринмоқда, бироқ ресурслар етишмаяпти. Шу боис газ «заправка»лар вақтинча ёпилади, дея маълум қилди пойтахт ҳокимлиги.
«Қизил йўлакка ўтинг». Қамчиқ довонида қизил ва яшил йўлак тизими ишга туширилди
1 декабрдан бошлаб яшил ва қизил йўлак тамойили Оҳангарон туманида жойлашган «Чинор» йўл-патруль хизмати стационар постида жорий этилди. Энди тўланмаган жаримаси бор, ортиқча юкли, суғурта полиси муддати тугаган ва бошқа камчиликлари бор автомобиль ҳайдовчилари Қамчиқ довонидан ҳаракатлана олмайди.
Тошкентда Lacetti 6 пиёдани уриб юборди, 2 киши вафот этди
Тошкентнинг Учтепа туманида Lacetti катта тезликда Nexia-3 билан тўқнашиб, сўнгра 6 пиёдани уриб юборди. Оқибатда улардан 2 нафари вафот этди. Ҳолат юзасидан жиноят иши қўзғатилди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
Қўшимча имкониятлардан фойдаланиш учун сайтда рўйхатдан ўтинг