Жамият
Жазирама туфайли метро поездлари тезлиги пасайтирилди
Тошкент метрополитенининг ер усти участкаларида рельслар 65 даражагача қизигани сабабли чоршанба куни поездлар тезлиги 25 км/соатгача пасайтирилди. Поездлар ҳаракат жадвалини меъёрда сақлаш мақсадида «Чилонзор» йўналишининг ер ости йўли қисмида поездлар тезлиги 40 км/соатга туширилди.
Чет тилидан касбий (ижодий) имтиҳон саналари аниқ бўлди
23 — 26 июль кунлари барча ҳудудларда 6 та ОТМнинг тегишли бакалавриат таълим йўналишларига ўқишга кириш учун чет тилидан касбий (ижодий) имтиҳонлар ўтказилади.
Самарқанддаги тўйда 11 киши овқатдан заҳарланди
Душанба куни Ургутдаги тўйхонада 56 ёшли аёл овқатдан заҳарланиб, шифоханага ётқизилди. Қолаверса, у билан бирга яна 10 киши тиббий текширувдан ўтказилди. Уларнинг барчасига «овқат токсикоинфекцияси» ташхиси қўйилди. Ургут тумани прокуратураси вазиятни ўрганмоқда.
Нотариусларга никоҳни қайд этиш ҳуқуқи берилиши мумкин — адлия вазири
Адлия вазирлиги нотариусларга ҳам никоҳни рўйхатдан ўтказиш ҳуқуқини бериш ташаббуси билан чиқишни режалаштирмоқда. Адлия вазири Русланбек Давлетовнинг ишонтиришича, «нотариуслар икки томоннинг хоҳиш-иродасини тасдиқлаб, шаҳодатлай олади».
Тошкентда жиноятчиликни жиловлаш қийин кечмоқда — пойтахт ҳокимлиги
Пойтахт ҳокимлиги профилактик чора-тадбирларга қарамасдан шаҳарда жиноятчиликни жиловлаш қийин кечаётганини маълум қилди. Жумладан, 6 ой давомида 10381 та жиноят содир этилган. Қолаверса, 5436 нафар фуқаро тиланчилик ва 19 749 нафар фуқаро дайдиликда гумонланиб, профилактик суҳбатдан ўтказилган.
Тошкент вилоятида 26 ёшли эркак дарахтга осилган ҳолда топилди
Оҳангарон туманида 26 ёшли эркак йўл четидаги дарахтга осилган ҳолда топилди. Суд-тиббий экспертизаси хулосасига кўра, унинг ўлимига бўйин қисми сиртмоқ билан сиқилиши сабаб бўлган, марҳумнинг танасида бошқа тан жароҳатлари аниқланмаган. Прокуратура текширув ўтказмоқда.
Тошкентда ёшлар орасида психотроп моддаларни истеъмол қилиш жуда кўпайган — ИИББ
Пойтахтда ёшлар орасида трамадол ва бошқа психотроп моддаларни истеъмол қилиш ҳолатлари жуда кўпайган, дея таъкидлади Тошкент шаҳар ИИББ бошлиғи ўринбосари Муродилла Алиқориев. Унинг сўзларига кўра, дорилар асосан мамлакатга айланма йўллар орқали кириб келмоқда ва «қора бозор» да сотилмоқда.
Жазирама кунларда «тез ёрдам»га 130 мингдан ортиқ чақириқ келиб тушди
Жазирама иссиқ кунлар бошланган 17 июлдан 20 июлга қадар тез тиббий ёрдам хизматига 130 мингдан кўпроқ чақирик келиб тушган. Мурожаатчиларнинг аксарияти қон босими кўтарилиши, нафас етишмовчилиги, астма хуружлари ва бошқа сурункали касалликлардан шикоят қилган.
Покистоннинг Тошкентдаги элчихонаси иншолар танловини эълон қилди
Покистоннинг Тошкентдаги элчихонаси иншолар танловини ўтказмоқда. Ғолиблар смартфонларга эга бўлишади.
Сурхондарёдаги «Хўжайикон» туз ғоридан туман тиббиёт бирлашмаси ноқонуний фойдаланиб келаётгани аниқланди
Маданий мерос агентлиги Сурхондарё вилоятидаги «Хўжайикон» туз ғоридан Шеробод туман тиббиёт бирлашмаси ҳужжатларсиз фойдаланиб келаётганини маълум қилди. Туз ғори 2019 йилда Моддий маданий мероснинг кўчмас мулк объектлари миллий рўйхатига киритилган.
Олтита ҳудудда ҳарорат 47 даражагача кўтарилиши кутилмоқда
Ҳафтанинг иккинчи ярмида Қорақалпоғистон, Хоразм, Бухоро, Навоий, Қашқадарё ва Сурхондарёда ҳаво ҳарорати 47 даражагача, Тошкентда эса 45 даражагача кўтарилиши кутилмоқда. Фарғона водийсида эса ҳарорат пастроқ бўлади, Сўх, Шоҳимардон, Исфайрамсой дарёларидан музли сел келиши мумкин.
Нукус яқинида 100 дан ортиқ кучук ва мушукларнинг ўлиги топилди
«Меҳр ва Оқибат» жониворларни ҳимоя қилиш жамияти Нукусда кучук ва мушукларнинг оммавий ўлдирилаётгани ҳақида ариза келиб тушганини маълум қилди. Ўлдирилган ҳайвонларнинг оғзи ва панжалари сим билан боғланган ҳолда эканлиги айтилмоқда.
Ярим йил ичида ЙТҲлар оқибатида 784 киши ҳалок бўлди
Ўзбекистонда олти ойда 3559 та ЙТҲ содир бўлди (бу ўтган йилнинг мос даврига нисбатан 5,2 фоизга кам), уларда 2775 киши жароҳат олди (-2,4%), 784 киши эса ҳалок бўлди (-13,9%). ЙТҲларнинг қарийб тўртдан бири тезликни ошириш оқибатида юзага келган. Салкам ярми эса пиёдаларни уриб кетиш билан боғлиқ.
19 июль куни Ўзбекистонда содир бўлган энг муҳим хабарлар дайжести
Марказий Осиё давлатлари раҳбарлари саммитида қатнашадиган Шавкат Мирзиёев, Шота Руставели кўчасида трамвай линияси тикланиши, Қорақалпоғистонда ўчиб-ёнаётган интернет, хотин-қизларга 7 йилга фоизсиз таълим кредити, 2,6 млнта кадастрсиз хонадон ва бошқалар — «Газета.uz» да кун дайжести.
Тошкент ҳокимлиги Шота Руставели кўчаси бўйлаб трамвай линиясини тиклашни режалаштирмоқда — Тбилиси мэрияси
Тошкент ҳокимлиги Шота Руставели кўчаси бўйлаб трамвай ҳаракатини тиклашни режалаштирмоқда. Бу ҳақда Тбилиси мэрияси Тошкент ҳокимига таяниб хабар берди. Грузия пойтахти мэри Каха Каладзе Грузия бош вазири Ираклий Гарибашвили ташрифи доирасида айни дамда Ўзбекистонда бўлиб турибди.
Иқтисодий тараққиёт ва камбағалликни қисқартириш вазири ўринбосари ишдан бўшатилди
Иқтисодий тараққиёт ва камбағалликни қисқартириш вазири ўринбосари Бобур Абдиназаров ишдан бўшатилди. У мазкур лавозимга 2020 йилнинг мартида тайинланган эди.
Андижонда қарийб ярим килограмм «гашиш»ни сотмоқчи бўлган икки фуқаро ушланди
Ҳуқуқ-тартибот идоралари ходимлари Андижон вилоятининг Пахтаобод туманида салкам 500 грамм гашишни 5 минг долларга сотишга уринганликда гумонлаб, икки шахсни қўлга олди. Уларнинг айби судда исботланса, гумондорлар 10 йилдан 20 йилгача қамалиши мумкин.
ХТВ: Халқ таълими ходимларининг катта қисми меҳнат таътили пулларини олиб бўлди
ХТВ Хоразмда 17 мингдан ортиқ халқ таълими ходимлари меҳнат таътили пулларини вақтида ололмагани ҳақидаги хабарларга муносабат билдирар экан, пуллар июль бошида тўланганини қайд этди. Ҳозиргача республика бўйича ходимларнинг жами 3,8 трлн сўм таътил пулларидан 3,65 трлн сўми тўлаб берилган.
Қорақалпоғистонда интернет ишлай бошлади. Ҳозирча бу вақтинча ёки доимийлиги номаълум
Қорақалпоғистонда соат 13:45 лар атрофида интернет яна ишлаб кетди, дея маълум қилди Нукус аҳолиси. Telegram-каналлар ва сайтлар жонлана бошлади. Июль бошидан бери республикада интернетга киришнинг имкони бўлмаётганди.
Хотин-қизларга 7 йилга фоизсиз таълим кредити берилади
Президент қарорига кўра, олий ҳамда ўрта махсус ва профессионал таълимда таҳсил олувчи хотин-қизларга 7 йилга 14 фоизлик таълим кредитлари ажратилади. Бунда фоиз ставкаларини Молия вазирлигининг жамғармаси қоплаб беради. Хотин-қизлар эса асосий қарзни ўқишни тамомлагач, 7 йил давомида тўлайди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг