Жамият
ССВ коронавирус билан боғлиқ вазиятдан хавотир билдирди
Сешанба куни Ўзбекистонда 604 та янги коронавирус инфекцияси аниқланган ва 4 киши вафот этган. Бундай кўрсаткич охирги марта сентябрь ойида қайд этилган эди. Соғлиқни сақлаш вазирлиги вазият хавотирли бўлиб бораётганини маълум қилди.
Абдулла Арипов Қозоғистоннинг янги бош вазирини табриклади
Ўзбекистон бош вазири Абдулла Арипов Алихан Смаиловни Қозоғистоннинг янги бош вазири этиб тайинлангани билан табриклади. Алихан Смаилов эса Қозоғистон қардош Ўзбекистон билан стратегик шерикликни чуқурлаштиришда содиқ қолишини маълум қилди.
Тошкент кимё-технология институти «супер-контракт»дан воз кечишни режалаштирмоқда
Тошкент кимё-технология институти келгуси ўқув йилидан «супер контракт» дан воз кечишни режалаштирмоқда. Шунингдек, ўқув йили 3 семестрли бўлиши мумкин. Бунда иқтидорли талабалар бакалавр босқичини 4 йилда эмас, 3,5 йилда битириши мумкинлиги айтилмоқда.
Карантин остидаги маҳсулотларни олиб кириш ва олиб чиқиш қоидаларини бузганлар жаримага тортилади
Маъмурий жавобгарлик тўғрисидаги кодексга киритилган ўзгартишларга мувофиқ, карантин остидаги маҳсулотларни Ўзбекистонга олиб кириш ва олиб чиқиш қоидаларини бузиш — фуқароларга БҲМнинг 5 бараваригача (1 млн 350 минг сўмгача), мансабдор шахсларга эса 10 бараваригача (2 млн 700 минг сўмгача) миқдорда жарима солишга сабаб бўлади.
Боғчаларда байрам тадбирлари ўтказилиши вақтинчалик чекланди
Ўзбекистонда омикрон штамми аниқлангач, давлат болалар боғчаларида ҳам байрам тадбирларини ўтказиш вақтинча чекланди. Шунингдек, уларнинг ҳудудига ота-оналар ёки меҳмонларнинг киришига йўл қўйилмайди.
11 январь куни Ўзбекистонда содир бўлган энг муҳим хабарлар дайжести
Тошкент-Чиноз автомобиль йўли ва пойтахтдаги Темур Малик кўчаси таъмирланиши, иккинчи марта суиқасд уюштирилган Юнусубоддаги дарахтлар, Олма-отадан Ўзбекистонга қайтишни хоҳловчилар рўйхати тузилгани, ҚҚС имтиёзлари 4 ойга узайтириладиган озиқ-овқатлар, Тошкентда Cobalt юкхонасидан топилган андижонлик таксичининг жасади, ниқоб тақмаганлар аввалига огоҳлантирилиши, жаримага эса қўпол қоидабузарлар тортилиши — «Газета.uz» нинг 11 январдаги энг муҳим хабарлари дайжестида.
«Бухоро нефть базаси»да 50,5 млрд сўмлик дебитор қарздорлик аниқланди
«Бухоро нефть базаси» МЧЖда муттасадилари хусусий АЁҚШларга жами 2,6 млрд сўмлик нефть маҳсулотларини тўловсиз етказиб бериб, дебитор қарздорликни яшириб келган. Шунингдек, МЧЖ қурилиш корхоналарига 298,1 млн сўм пулни асоссиз равишда тўлаб берган. Ходимларга эса 31,6 млн сўм миқдорида ортиқча иш хақи ва мукофот пуллари берилган.
Фарғонада 19 ёшли ИШИД тарафдори қўлга олингани айтилмоқда
Фарғона вилоятида аввалига «Ислом давлати» террористик ташкилоти аъзолари сафига қўшилиш ниятида Туркияга борган, Сурияга ўта олмагач, Ўзбекистонга қайтиб келиб, ташкилот ғояларини тарғиб қила бошлаган 19 ёшли шахс қўлга олингани айтилмоқда. Унга нисбатан жиноят иши қўзғатилди.
Ҳудудларда одам ДНКси суд-биологик экспертизаси лабораториялари ташкил қилинади
Ҳукумат қарори билан Фарғона, Сурхондарё ва Хоразмда Одам ДНКси суд-биологик экспертизаси лабораториялари, Самарқандда эса Материаллар, ашёлар ва буюмлар криминалистик экспертизаси лабораторияcи ташкил этилади.
Бедарак йўқолган андижонлик таксичининг жасади Тошкентда Cobalt юкхонасидан топилди
Андижон-Тошкент йўналишида таксичилик қилувчи фуқаро Тошкентга йўловчи олиб кетиб, бедарак йўқолган. Унинг жасади Тошкентдаги автотураргоҳда турган Cobalt юкхонасидан топилди. Ҳозирда 3 нафар гумонланувчи қўлга олинган.
ТИВ: Олма-отадан Ўзбекистонга қайтишни хоҳловчилар рўйхати тузилди
Ўзбекистон ТИВ расмий вакили Қозоғистондаги фуқароларга зарур ёрдам кўрсатиш ишлари олиб борилаётганини маълум қилди. Нур-Султон шаҳридан авиапарвозлар амалга оширилмоқда, қолаверса, Олма-отадан Ўзбекистонга қайтишни хоҳловчи фуқаролар рўйхати тузилган. Ҳозирда Ўзбекистон фуқароларининг ҳибсга олингани ҳақида маълумот йўқ.
Кунлик коронавирус ҳолатлари сони 400 дан ошди
Душанба куни 425 кишида коронавирус аниқланди. Яна 4 киши касалликдан вафот этди.
Ниқоб тақмаганлар аввалига огоҳлантирилади, қўпол қоидабузарлар эса жаримага тортилади
Коронавирусга қарши курашиш штаби аъзоси Ҳабибулла Оқиловнинг аниқлик киритишича, ниқоб тақмаган фуқаролар аввалига огоҳлантирилади, қўпол қоидабузарлар эса жаримага тортилади. ИИВ матбуот котиби Шоҳрух Ғиёсов эса 9 январь куни карантин қоидаларини бузган 899 кишидан, 721 нафари огоҳлантирилгани, қолган 178 нафари эса жаримага тортилганини маълум қилди.
Жиззах шаҳрида эскирган газ қувурлари алмаштирилади
Жиззах шаҳрида эски газ қувурлари 1,5 минг километрдан зиёд узунликдаги янги қувурлар билан алмаштириш режалаштирилмоқда. Газ тақсимлаш станциялари сони ҳам қисқаради. Мазкур лойиҳа Туркиянинг Aksa компанияси билан ҳамкорликда амалга оширилади.
S7 Airlines самолёти Урганчга фавқулодда қўнди
Москва — Қарши рейсини амалга ошираётган Россиянинг S7 Airlines авиакомпанияси самолёти кечаси Урганчга фавқулодда қўнди — йўловчилардан бирига тез тиббий ёрдам керак бўлди.
Юнусубоддаги дарахтларга иккинчи марта суиқасд уюштирилди
Тошкентда ниқобдаги номаълум шахслар декабрь ойидан буён иккинчи марта арча дарахтларини кесиб ташлашга уринишди. Участкани аукционда сотиб олган тадбиркор дарахтларнинг кўчирилишига рад жавобини берган экологлар устидан шикоят қилди.
10 январь куни Ўзбекистонда содир бўлган энг муҳим хабарлар дайжести
Қозоғистонга таъзия билдирган Шавкат Мирзиёев, Навоийда фуқароларни калтаклаган қора ниқобли шахслар, мактабларда ёзги таътил муддати ўзгармаслиги, Омикрон аниқланган шахс келган самолётда 200 киши бўлганлиги, Қозоғистондаги вазият туфайли импорти кечикаётган гўшт, қатъий карантин режалаштирилмаганлиги, ниқобсиз фуқароларга жарима қўлланилмаслиги ва бошқа хабарлар — «Газета.uz» нинг 10 январдаги энг муҳим хабарлари дайжестида.
Наманганда одамлар тўплангани акс этган видео Янги йил байрамида олинган — ИИБ
Наманган вилояти ИИБ йўл бўйлаб ўнлаб одамларнинг югуриб кетаётгани акс этган видео Янги йил оқшомида тасвирга олингани, йўлни ҳеч ким тўсиб қўймагани, намойишлар бўлмаганини маълум қилди.
Қашқадарёда ЙПХ инспекторлари кўпроқ «протокол» тузишга мажбурланаётганидан шикоят қилишди
Қашқадарёда ЙПХ инспекторлари кўпроқ «протокол» тузишга мажбурланмоқда, дея хабар қилди Nasafnews сайти. Нашр вилоят ЙҲХБ раҳбари ўринбосари экани тахмин қилинаётган шахснинг ходимларга 20 тадан «протокол» расмийлаштиришни топширгани акс этган аудиоёзувни тақдим этди. ИИВ ЙҲХББ хизмат текшируви бошлангани ҳақида маълум қилди.
«Жарима тўғрисида гап йўқ». Ҳабибулла Оқилов ниқоб тақмаганлар жаримага тортилиши ҳақида
Коронавирусга қарши курашиш штаби аъзоси Ҳабибулла Оқилов бош вазир Абдулла Арипов бошчилигида ўтган Республика махсус комиссияси йиғилишида ниқоб тақмаганлар жаримага тортилмаслиги, аксинча огоҳлантирилиши таъкидланганини маълум қилди. «Йўлда тўхтатган милиция, Миллий гвардия ходими ўзи ниқобни „илтимос шуни тақиб олинг“ деб беради. Ҳеч қандай жарима тўғрисида гап йўқ», — деди у.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг