Жамият
Метродаги иккинчи вестибюллар ярим тунгача ишлай бошлайди
Чоршанбадан Тошкент метрополитенининг 15 та станциясида аввал соат 7:00 дан 19:00 гача ишлаган иккинчи вестибюллар энди соат 5:00 дан ярим тунгача очиқ бўлади.
31 май куни Ўзбекистонда содир бўлган энг муҳим хабарлар дайжести
1 июлдан энергия ва газ нархини ошириш таклиф этилгани, муҳокамага қўйилган тадбиркорлик кодекси лойиҳаси, Ўзбекистонга келиши кутилаётган Тожикистон президенти, тунда ишлашига руҳсат берилган музейлар, аҳолидан тасвирий ва амалий санъат асарларини сотиб оладиган давлат, 2023 йилгача божхона божларидан озод этиладиган 22 хил озиқ-овқат ва бошқалар — «Газета.uz» нинг 31 майдаги энг муҳим хабарлари дайжестида.
«Қонун лойиҳаси биринчи ўқишга киради». Нурдинжон Исмоилов ички ишлар ходимларини суратга олишни тақиқловчи ҳужжат ҳақида
Қонунчилик палатаси Спикери Нурдинжон Исмоилов ички ишлар ходимларини суратга олишни тақиқловчи қонун лойиҳаси биринчи ўқишда кўриб чиқилиши ва муҳокама қилинишини таъкидлади. Унинг сўзларига кўра, ташаббускорлардан қўшимча маълумотлар сўралган, шунга кўра ҳужжатга ўзгаришлар киритилади. «Йўл ҳаракати хавфсизлигини таъминлаш соҳасидаги қонунчилигимизда жуда кўп бўшлиқлар бор. Керак бўлса зиддиятлар ҳам бор, уни ҳам тан олишимиз керак», — деди у.
Тошкентда ногиронлиги бўлган фуқароларга мўлжалланган такси хизмати иш бошлади
3 июндан бошлаб Тошкент шаҳрида ногиронлиги бўлган фуқароларга мўлжалланган «Меҳрибон такси» хизмати йўлга қўйилади. Машиналар кўчма пандус билан жиҳозланган. Компания вакилининг сўзларига кўра, хизматдан тушган маблағнинг бир қисми ҳайрияга йўналтирилади, ногиронлиги бор шахслар ҳам ишга жалб қилинади.
Янги тарифлар бўйича электр энергия ва газ харажатлари қандай ўзгаради?
Иқтисодий тараққиёт вазирлиги газ ва электр энергиясининг янги тарифлари бўйича аҳолининг харажатлари қанчага ошишини ҳисоблаб чиқди. Агар энергоресурслар истеъмоли табақалаштирилган тарифлар доирасида қолса, харажатлар 8−10 фоизга ошади, деб маълум қилди вазирлик.
«Ҳудудгазтаминот» кўп оилали хонадонларга икки марта суюртирилган газ етказиб беради
«Ҳудудгазтаминот» истеъмолчилар мурожаатига кўра, суюлтирилган газ етказиб бериш тартибини янгилади. Бундан буён компания газ баллонини олиш бўйича ҳар бир мурожаатни жойига чиқиб ўрганади. Оила аъзолари кўп хонадонлар ID-карта орқали икки маротаба газ олишлари мумкин бўлади. Компания шу йўл орқали олиб сотарларга қарши курашишни мақсад қилган.
Ўзгидромет тўққизта вилоятда сел келиш хавфини эълон қилди
2−4 июнь кунлари Ўзбекистоннинг 9 та вилоятининг тоғли ҳудудларида ёмғир ва дўл ёғиши оқибатида сел-сув тошқинлари юз бериши хавфи эълон қилинди. Ўзгидромет фуқаролардан эҳтиёт чораларини кўришни сўрамоқда. Қолаверса, ҳафтанинг иккинчи ярмида айрим ҳудудларда шамол тезлиги 18−23 м/с гача кучайиши, баъзи жойларда эса чанг тўзони кузатилиши мумкин.
ПМТИ тадқиқоти: Таълим даражаси иш ҳақига қандай таъсир қилади?
Прогнозлаштириш ва макроиқтисодий тадқиқотлар институти таълим даражасига қараб иш ҳақи ўсишини баҳолаш бўйича тадқиқот ўтказди. Ўрганиш натижаларига кўра, Ўзбекистонда иш ҳақидаги устама фан доктори (DSc) илмий унвони учун 61% дан, PhD ёки фан номзоди учун 41% дан юқори эканлиги, шу билан бирга бакалавр босқичининг имтиёзли дипломига эга ходимлар меҳнат бозорида оддий диплом соҳибларига қараганда 8,5% кўпроқ маош олиши маълум бўлди.
Тадбиркорлик кодекси лойиҳаси муҳокамага қўйилди
Адлия вазирлиги 9 та амалдаги қонун, 2 та янги қонун лойиҳаси ва 10 дан ортиқ қонуности ҳужжатларини яхлитлаштирувчи Тадбиркорлик кодекси лойиҳасини жамоатчилик муҳокамасига қўйди. Унга кўра, давлат корхоналарига рақобатни чекловчи тўғридан-тўғри солиқ, божхона ва бошқа турдаги имтиёз ва преференсиялар бериш тақиқланмоқда. Қолаверса, кодексдан субсидия бериш ва молиявий санкциялар қўллаш тартиблари, «хўжалик ширкати» шаклини бекор қилиш ҳам ўрин олган.
Давлат аҳолидан тасвирий ва амалий санъат асарларини сотиб олади
Ўзбекистонда 1 июлдан «Миллий меросга менинг ҳиссам!» умумхалқ акцияси ташкил этилади. Унинг доирасида аҳолидан мустақиллик йилларида яратилган, юксак бадиий қийматга эга тасвирий ва амалий санъат асарлари харид қилинади. Бунинг учун ҳар йили 3,5 млрд сўм, талабга кўра ундан ҳам кўпроқ маблағ ажратиб борилади. Қолаверса, «Мозийга саёҳат» дастури ҳам ўтказилади, дафтарларга киритилган фуқаролар учун музейларга кириш бепул бўлади.
Давлат музейларига тунги вақтларда хизмат кўрсатишга рухсат берилди
Президент қарори билан 1 июлдан бошлаб давлат музейларига ҳар куни соат 22:00 га қадар ҳамда тунги вақтларда хизмат кўрсатишга рухсат берилди. Пулли хизматлар кўрсатишда иштирок этган музей ходимларига қўшимча тўловлар тўланади ва улар моддий рағбатлантирилади. Қолаверса, туркиялик мутахассислар иштирокида учта музей реконструкция қилинади.
Учта ҳудудда валютани ноқонуний сотишга уринган шахслар ушланди
Тошкент, Андижон ва Қашқадарё вилоятларида ноқонуний валюта айирбошлаш билан шуғулланганликда гумонланган беш нафар шахс қўлга олинди. Улар жами 9100 долларни 100 млн сўмга сотишга уринишгани айтилмоқда. Гумондорларга нисбатан жиноят иши қўзғатилди.
30 май куни Ўзбекистонда содир бўлган энг муҳим хабарлар дайжести
Лола Муротованинг вафотига ҳамдардлик билдирган президент, халқаро мусобақа ғолиби Нодирбек Абдусатторов, Тошкентда мушукни деразадан улоқтирган бола, болалар кунига 200 минг сўмдан пул тарқатилаётгани ҳақида тарқалган ёлғон хабарлар, чек бўйича тадбиркорларни текшириш қоидаларини юмшатган Солиқ қўмитаси ва бошқалар — «Газета.uz» нинг 30 майдаги энг муҳим хабарлари дайжестида.
Сейсмик заиф кўп қаватли уйлар ўрнига янгилари қурилади
Президент фармони билан 1 октябрдан республикадаги кўп квартирали уй-жойлар зилзилабардошлик бўйича хатловдан ўтказилиб, улар натижаларига кўра сейсмик заиф ва авария аломатлари аниқланган уйлар ўрнига янгилари қурилади. Шунингдек, 2023 йилдан бошлаб 9 ва ундан юқори қаватли янги қурилаётган биноларда вибродинамик ускуна ёки махсус асбоб-ускуналар ёрдамида синов ва текширув ўтказиб борилади.
Таниқли спорт журналисти Ахбор Имомхўжаев 86 ёшда оламдан ўтди
Таниқли спорт журналисти, Ўзбекистонда хизмат кўрсатган ёшлар мураббийи Ахбор Имомхўжаев 86 ёшда ҳаётдан кўз юмди.
Прокрастинация нима, нега биз бунга йўл қўямиз ва уни қандай енгиш мумкин?
Ҳозирги даврда прокрастинацияга дуч келмаган, бундан азият чекмаган инсонлар жуда кам бўлса керак. Аммо биз унинг сабабларини, аслида қандай оқибатларга олиб келишини биламизми?
Июнь ойида об-ҳаво қандай бўлади?
Ўзгидромет келаётган ёз аномал иссиқ бўлиши ҳақидаги гап-сўзларни рад этди. Бироқ об-ҳавонинг ўта иссиқ бўлиши ҳам истисно қилинмайди, бу — Ўзбекистон иқлимининг ўзига хос хусусиятларидир, дея таъкидлади синоптиклар. Июнь ойи бўйича об-ҳаво прогнози.
Адвокат билан масофадан битим тузиш ва ундан онлайн юридик ёрдам олиш имконияти яратилади
2023 йил 1 январдан адвокатлик фаолияти учун лицензия бериш онлайн тарзда амалга амалга оширилади. Шунингдек, адвокат билан масофадан битим тузиш ва ундан онлайн юридик ёрдам олиш имконияти яратилади. Давлат ҳисобидан адвокатларни ишга жалб этиш электрон тартибда тасодифий танлаш йўли билан аниқланади.
Самарқандда 5 сотих ерни $100 мингга сотишга уринганликда гумон қилинган шахс ушланди
Самарқанд туманида фуқаро бошқа фуқарога қарашли иссиқхона қуриш учун ажратилган 50 сотих ер майдонининг 5 сотихини 100 минг долларга сотишга уринганликда айбланмоқда. Ҳуқуқни муҳофаза қилувчи органлар ўтказган тезкор тадбирда у 70 минг долларни олган вақтида қўлга олинди.
«Сабаблари асосли очиб берилмаган». ХДП фракцияси ЙПХ ходимларини суратга олишни тақиқлашга оид қонун лойиҳасини рад этди
ИИВ ЙПХ ходимларини суратга олиб интернетда тарқатганлик учун 15 млн сўм жарима ёки 15 сутка маъмурий қамоқ билан жазолашга оид қонун лойиҳасини Қонунчилик палатасига киритди. ХПД фракцияси таклифлар бўйича сабаблар асосли очиб берилмаганлиги учун мазкур қонунни биринчи ўқишда кўриб чиқишни рад этиб, уни кун тартибидан чиқариб ташлади. Бу ходимларни тасвирга олишни тақиқлашга бўлган навбатдаги уриниш, аввалроқ вазирлик таклиф этган ҳукумат қарори лойиҳаси жамоатчилик эътирозларига сабаб бўлганди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг