Оғир ва ўта оғир жиноят, жинсий эркинликка қарши жиноят қилганлар, оғир ва ўта оғир жиноят содир этишда гумон қилинувчи ёки айбланувчи тариқасида жалб қилинганлар ва бошқаларнинг геном бўйича мажбурий рўйхатдан ўтказилиши белгиланди. Ҳукумат Геном бўйича давлат рўйхатига олиш тартиби тўғрисидаги низомни тасдиқлади.
17 ноябрдан Ироқ, Сурия, Афғонистон, Яман, Ливан ва Ливия фуқароларининг Ўзбекистон орқали Беларусга авиатранзити вақтинча чекланди.
Сенат раиси Танзила Нарбаева таъкидлашича, аёлига зўравонлик қилаётган шахсларга нисбатан кўрилаётган чоралар қонунчиликда белгиланганига қарамай етарли эмас. Унинг сўзларига кўра, ёрдамга муҳтож аёлларни «Аёллар дафтари»га киритиб, уй-жой масаласи, касбга ўқитиш ва бандлигини таъминлаш чорасини кўриш лозим.
Ўзбекистон бўйлаб автомобилларга газ тўлдириш компрессор станцияларида хизмат кўрсатиш графигига вақтинчалик чеклов ўрнатилди. Ҳудудлар кесимида шохобчаларнинг ишлаш вақти (жадвал).
Ҳар йили ўтказиладиган ёввойи ҳайвонларнинг кулгили ҳолатлари акс этган фотосуратлар танлови натижалари эълон қилинди. «Халқ танлови» мукофоти бошига барг урилган каптар суратига берилди. Бошқа ғолиблар фотосуратларини тақдим этамиз.
Тошкент вилоятидаги тадбиркорлик субъектлари ва бюджет ташкилотларида эмланишдан бош тортган жами 3229 нафар ходим ишдан четлатилди, 374 нафари эса жаримага тортилди.
Lactel бренди ўзининг сут маҳсулотлари билан машҳур бўлиб, уларни ишлаб чиқариш учун табиий сифатли хом ашёлардан фойдаланади.
Turkish Airlines`нинг Тошкентдан Истанбулга чоршанба куни парвози об-ҳаво шароити туфайли 5 соатга кечиктирилди. Сўнг экипаж смена тугаши сабабли парвозни бекор қилди. Самолёт пайшанба куни соат 9:00 да парвозни амалга ошириши керак эди, бироқ бир оиланинг учишдан бош тортгани сабабли рейс яна 2 соатга кечиктирилди.
Андижон нефть базасида 24,3 млрд сўм, Жиззах нефть базасида эса 35 млрд сўмдан ортиқ дебитор қарздорлик, қолаверса, ишдан бўшатилган шахсларга ойлик тўлаш, мукофот пуллари ва компенсациялар ноўрин ҳисоблангани аниқланган эди. Жамиятлар раҳбарлари ишдан олиниб, жиноят иши очилганди. Бош прокуратура ҳужжатлар судга юборилганини маълум қилди.
Ҳукумат эски ҳайдовчилик гувоҳномалари ва рўйхатга олиш гувоҳномаларини янгисига алмаштириш муддатини 2022 йил охиригача узайтирди. Унинг муддати ҳайдовчилик гувоҳномаси ва рўйхатга олиш гувоҳномаси берилган йилга боғлиқ. Агар улар 2010 йилгача берилган бўлса, 31 мартгача алмаштирилиши керак.
9 ноябрь куни прокуратура маҳаллий депутат Феруза Бабашевани «Агробанк» бошқарма бошлиғининг аризаси туфайли дахлсизлик ҳуқуқидан маҳрум қилиш тўғрисида тақдимнома киритди. Бир неча кундан сўнг ижтимоий тармоқларда октябрь ойи бошида тасвирга олинган ва депутатнинг эркак киши билан тўшакдаги ҳолати акс этган тасвирлар пайдо бўлди. Феруза Бабашева вилоят ИИББ ходимларини таҳдид қилиш ва босим уюштиришда айблади. Жамоатчилик депутатни ҳимоя қилиб чиқди. ХДП шахсий ҳаётга аралашишга йўл қўйиб бўлмаслигини эслатди.
Тошкентда ёғган биринчи қор, янги амалга оширилган тайинловлар, газ қуйиш шохобчаларининг иш вақти бўйича чеклов жорий этилиши — «Газета.uz»нинг 17 ноябрдаги энг муҳим хабарлари дайжестида.
17 ноябрдан бошлаб Ўзбекистонда автомобилларга газ тўлдириш шохобчаларининг хизмат кўрсатиш графигига вақтинчалик чеклов ўрнатилади. Бунинг натижасида биринчи навбатда аҳолига газ етаказиб берилади. Масалан, Жиззах вилоятидаги 68 та газ қуйиш шохобчасида соат 17:00 дан 23:00 гача газ таъминоти тўхтатилади.
Ўзбекистонда 15 ноябрдан 7 декабргача бошланғич синфларда ўқиш (EGRA) ва математика кўникмаларини баҳолаш (EGMA) бўйича илк тадқиқот ўтказилмоқда. USAID ва Халқ таълим вазирлиги ўртасидаги қўшма лойиҳа ушбу фанлар бўйича ўқув дастурларини такомиллаштиришга ёрдам беради.
Ўзгидромет томонидан Тошкент шаҳрида кундузи ўтказилган қор намуналари таҳлиллари қордаги ифлослантирувчи моддаларнинг миқдори сезиларли даражада эмаслиги ва инсон саломатлигига зиён етказмаслигини тасдиқлади. Шунингдек, ёғинлар ёққанда биринчи ярим соатда ташқарида бўлиш тавсия этилмаслиги, чунки бу вақтда асосий ифлосланиш миқдори атмосферадан ювилиши айтилди.
Тошкент вилоятининг Зангиота, Тошкент шаҳрининг Олмазор ва Шайхонтаҳур туманларида электр энергияси таъминоти узилишлар кузатилмоқда. Бунга Зангиота туманидаги «Хасково» подстанциясида қисқа туташув натижасида ўчиш сабаб бўлган.
Навоий вилояти Конимех тумани Лолазор номли чўл ҳудудида бир гуруҳ фуқаролар тупроқ таркибидан тилла қумларини кавлаб олиш вақтида 4 нафар фуқаро қум босиб қолиши оқибатида ҳалок бўлди. Ҳолат юзасидан туман прокуратураси томонидан терговга қадар текшириш ҳаракатлари олиб борилмоқда.
«Тошкент сув таъминоти» Олмалиқ шаҳар филиали бошлиғи ва етакчи мутахассиси тадбиркордан савдо мажмуасини қуришда сарфланаётган сув баённомасини базага киритмаслик учун 2000 доллар талаб қилгани айтилмоқда. Етакчи мутахассис пулларнинг бир қисмини олганида қўлга тушган.
Президент фармони билан пахта-тўқимачилик кластерлари фаолияти тартибга солинмоқда. Эндиликда кластерлар махсус комиссия хулосаси асосида Ҳукумат қарори билан ташкил қилинади ва 30 йилга битим тузилади. Томонлардан бири қарши бўлса, мажбуриятлар ўз вақтида бажарилмаса ёки кластерга аъзо фермерларнинг 66 фоизи мурожаат қилсагина битим бекор қилинади.
Қирғизистонда кузатилган зилзила Ўзбекистон ҳудуларида ҳам сезилди. Жумладан, Хонободда 3−4 балл, Қўрғонтепада 3 балл, Жалақудуқда 3 балл, Пахтаободда 3 балл, Асакада, Норин, Марҳамат ва бошқа туманларда 2 баллик силкинишлар қайд этилди.
Қўшимча имкониятларга эга булиш учун сайтда рўйхатдан ўтинг