Қарши шаҳрида 23 йил илгари ҳужжатларда «ўлган» Анвар Жавҳаров нотариус ҳамда шаҳар прокурорини обрўсизлантириш ва уларга туҳмат қилишда айбланиб, суд қилинмоқда. Айбланувчи «фақат ва фақат ўзининг тириклигини исботлашга» урингани, унинг турмуш ўртоғи ҳужжатларни сохталаштириб, уйини сотиб юборганини айтмоқда.
Антикоррупция агентлиги ўрганишлари натижасида Тиббиёт ходимларининг касбий малакасини ривожлантириш марказининг кўп тармоқли клиникасида 9,7 млрд сўмлик молиявий хато ва камчиликлар аниқланди. Шундан 586,7 млн сўмлик бюджет маблағлари талон-тарож қилинганлигини айтилмоқда. Шифохонанинг мансабдор шахсларига нисбатан жиноий иш қўзғатилган.
Беҳзод Мусаев соғлиқни сақлаш вазири лавозимига тайинланди. Ушбу лавомизда ишлаб келган Абдухаким Хаджибаев Ўзбекистон касаба уюшмалари федерациясига ўтиши кутилмоқда.
Аввалдан ишлаб чиқилган лойиҳаларсиз дарахт экиш мумкин эмас. Касал дарахтларни кесиш эмас, балки даволаш керак. «Яшил Макон» лойиҳасини амалга оширишда ўтмишдаги хатоларни такрорламаслик учун нима қилиш керак? Дарахт турларини тўғри танлаш, уларни экиш, парваришлаш, ҳисобга олиш ва даволашни ташкил этиш тўғрисида қишлоқ хўжалиги фанлари доктори Зиновий Новицкий мақоласида.
Тошкент шаҳар ҳокимлиги Чилонзор туманидаги Маҳмуджон Ғафуров кўчасида транспорт воситаларининг ҳаракатланиши 10 ноябргача чеклангани ҳақида хабар берганди. Ҳокимликнинг маълум қилишича, йўлда таъмирлаш ишлари яна 5 кун давом этади.
12 та туман ҳокимлари кўчат экишни бошламагани учун огоҳлантириш олиши, Собиқ профилактика инспектори Қува туман ИИБ раҳбарияти устидан ИИВга шикоят қилиши, вилоятларда молия-иқтисодиёт сектори ходимлари мажбуран маҳаллада «ҳоким ёрдамчиси» лавозимига ўтказилаётгани — «Газета.uz»нинг 10 ноябрдаги энг муҳим хабарлари дайжестида.
Тошкентда олтин куз фасли ўз ниҳоясига етмоқда. Октябрь ва ноябрь ойларининг ранг-баранг манзаралари — «Газета.uz» фотожамланмасида.
Ноябрь ойида сабзининг нархи 2021 йил июнь ойи билан таққослаганда 4−5 баробаргача арзонлашди. Қишлоқ хўжалиги вазирлигининг прогнозларига кўра, нархлар 2022 йил баҳори — кутиладиган янги ҳосилга қадар шу даражада сақланиб қолади.
Қашқадарё вилояти Яккабоғ тумани ҳокимининг Captiva хизмат машинаси иштирокида ЙТҲ содир бўлди. Ҳодиса содир бўлган вақтда туман раҳбари машинада бўлмаган. Май ойида 25 нафар туман депутатидан 24 нафари 311 млн сўмга автомобиль сотиб олишни маъқуллаган. Кенгашнинг фақат бир вакили ушбу харидга қарши чиққан ва шу пулни мухтожларга тарқатишни таклиф қилган.
Собиқ профилактика инспектори Нозимжон Нишонов Қува тумани ИИБ бошлиғи ўринбосари устидан шикоят қилиб, ички ишлар вазири Пўлат Бобожоновга видеомурожаат йўллади. ИИБ бошлиғи ўринбосари профилактика инспекторларидан ҳар куни 55 минг сўмлик «ўрта фонд» ундираётгани, кунлик мажбурий режа жорий қилгани ва ходимларни ҳақоратлаб, шахсий манфаатлари йўлида ишлатаётгани айтилмоқда.
Шавкат Мирзиёев Молия вазирлигига 2022 йилда «Соғлом турмуш тарзи» платформасини (1hls.uz) янада оммалаштириш учун қўшимча 60 млрд сўм ажратиш бўйича топшириқ берди. Маълумотларга кўра, мазкур платформадан фойдаланувчилар бугунги кунда 600 минг нафарга етди, уларга пиёда юргани учун 18 млрд сўм тўлаб берилди.
Давлат меҳнат инспекцияси Бош прокуратура иш вақтида вафот этган ходими бўйича Меҳнат вазирлиги ва Тошкент шаҳар Бандлик бош бошқармасига тегишли тартибда хабар бермаганлигини маълум қилди. Олдинроқ марҳум ходимнинг отаси қонунда белгиланган нафақа пуллари тўлаб берилмагани сабабли Бош прокуратура устидан судга мурожаат қилганди. Бироқ, ФИБ Миробод туман суди даъво аризасини рад қилган.
Қум ва чанг бўронлари қандай пайдо бўлади? Улар атроф-муҳит, инсон саломатлиги ва иқтисодиётга қандай таъсир кўрсатади? Қандай эҳтиёт чораларига амал қилиш зарур ва мутасаддилардан қандай чораларни кўриш талаб этилади? «Газета.uz» ЖМТ, UNEP, ЖССТ ва бошқа ташкилотлар маълумотлари асосида мавзу юзасидан шарҳ тайёрлади.
Ўзбекистондаги жазони ижро этиш муассасалари ходимлари учун «Нельсон Мандела қоидаларининг асосий тамойиллари» тренинги ўтказилмоқда. Унда, жумладан, қамоқхоналарда қийноқларнинг олдини олиш кўникмалари ҳам ўргатилади.
Ўзгидромет 4 ноябрь куни ҳаводаги чангнинг энг юқори концентрацияси Тошкент (33 марта), Чирчиқ (26), Гулистон ва Олмалиқ (20), Бекобод (18) ва Бухоро (14) шаҳарларида кузатилганини маълум қилди. Бошқа ҳудудларда эса бу кўрсаткич 2 дан 8 мартагача бўлган.
iFly Airlines`га Ўзбекистонга парвозларни амалга ошириш вақтинча тақиқланиши, Шавкат Мирзиёев ва Жаҳонгир Ортиқхўжаевнинг Тошкентдаги чанг ҳақидаги фикрлари, президент раислигида бўлиб ўтган видеоселектор йиғилиши — «Газета.uz»нинг 9 ноябрдаги энг муҳим хабарлари дайжестида.
Марказий банк ўтказган сўровномада қарийб 70 фоиз иштирокчи даромадларининг асосий манбаи ойлик иш хақига тўғри келишини таъкидлади. 28 фоиз респондент жамғармалари 1 ойгача, 16 фоизи 1−3 ойга етишини маълум қилган бўлса, 42 фоиз қатнашчи дамғармалари мавжуд эмаслигини билдирди.
TBRG Open лойиҳаси доирасида тақдим этилган қўшиқ Spotify, Apple Music, Deezer, «Яндекс.Музыка», Amazon Music, «Музыка ВКонтакте» каби платформаларда мавжуд.
«Газета.uz» мухбири Тошкент ҳокимига чанг-қумли туман ва экологик муаммолар ҳақида савол берди. Жаҳонгир Ортиқхўжаев эса чангнинг Қозоғистондан кириб келганини айтиб, провокация қилмасликни сўради. У «Газета.uz»га экология мавзусида тадбир ташкил этишни таклиф қилди ва буни ҳокимлик қўллаб-қувватлашга тайёрлигини билдирди. Аввалроқ президент Шавкат Мирзиёев ҳам чанг ташқаридан келганини айтган эди.
Президент Шавкат Мирзиёев 2022 йилдан 40 ёшдан ошган барча фуқаролар йилига камида бир марта манзилли скринингдан ўтказилишини маълум қилди. Юрак-қон томир касалликлар аниқланган аҳолининг ягона электрон реестри юритилади. Туманлардаги ҳар бир маҳаллада «гипертония саломатлик мактаблари»ни ташкил этилади.
Қўшимча имкониятларга эга булиш учун сайтда рўйхатдан ўтинг