Жамият
Тошкентдаги яна бир чорраҳадан ўтиш бўйича қўлланма эълон қилинди
Аҳмад Дониш, Себзор ва Нурафшон кўчалари кесишмаси қайтадан ташкил этилди. Чорраҳадан фақат тўғрига ҳаракатланишга устувор аҳамият сифатида қаралган, ўнгга бурилиш қўшимча йўл, чапга бурилишлар эса айланма йўл ва ортга қайрилиш йўналишлари орқали амалга оширилади. Ҳокимият қўлланмани эълон қилди.
2022 йилдан 1hls.uz платформасидаги тўловлар тўғридан-тўғри давлат бюджетидан қопланади
Президент қарори билан Молия вазирлиги томонидан «Соғлом турмуш тарзи» платформаси орқали амалга ошириладиган тўловларни 2022 йил учун давлат бюджети параметрларида назарда тутилади. Шунингдек, 1hls.uz иловасида ҳақиқатда пиёда юрганлигини аниқловчи механизм жорий этилади.
Олмалиқда шаҳар мудофаа ишлари бўлими бошлиғи аёл кишини ургани айтилмоқда
Олмалиқ шаҳар мудофаа ишлари бўлими бошлиғи дейилаётган шахс аёл кишига қўл кўтаргани айтилмоқда. Ҳолат юзасидан суриштирув ишларини бошлаган.
Касаба уюшмаси бир ходимга йил давомида 5 млн сўмдан кўпроқ маблағ сарфлади
Касаба уюшмалари томонидан йил бошидан бери 14 мингга яқин ходимнинг меҳнат ҳуқуқлари тикланиб, улар фойдасига 13,6 млрд сўмдан ортиқ маблағ ундириб берилди. Жамоа шартномасини бажариш учун республика бўйича ўртача бир ходимга йил давомида сарфланган маблағ миқдори 1,5 млн сўмдан 5 млн 62 минг сўмгача ошди.
Самарқандда 4 киши ис газидан заҳарланиб, вафот этди
Самарқанд вилояти Нарпай туманида бир оиланинг 4 нафар аъзоси ис газидан ҳалок бўлди. Ҳолат юзасидан жиноят иши қўзғатилди.
Тошкент шаҳри ва Фарғона вилояти Экология бошқармаларига бошлиқлар тайинланди
Фарҳод Деҳқонов Тошкент шаҳар, Баҳромжон Жуманов Фарғона вилояти экология ва атроф-муҳитни муҳофаза қилиш бошқармаси раҳбари этиб тайинланди.
8 ноябрь куни Ўзбекистонда содир бўлган энг муҳим хабарлар дайжести
Навоий вилояти ҳокими лавозимидан озод қилиниши ва янги ҳоким тайинланиши, янги чиқарилган қарор ва фармонлар, президент раислигида ўтказилган йиғилишлар — «Газета.uz»нинг 8 ноябрдаги энг муҳим хабарлари дайжестида.
Айдар-Арнасой кўлидан балиқ овлаш ҳажми йилига 20 минг тоннага оширилади — президент
Шавкат Мирзиёев раислигида ўтказилган йиғилишда Айдар-Арнасой ҳудудида экотуризмни ривожлантириш учун, аввало, сув ҳажми барқарорлигини таъминлаш, биохилма-хилликни асраш кераклиги таъкидланди. Кўллар атрофида қўшимча сайёҳлик зоналари ва дам олиш масканлари барпо этиш, балиқ овлаш ҳажмини 4 минг тоннадан 20 минг тоннага етказиш ва қирғоқлар бўйидаги 800 гектар ерда дарахт ва буталар экиш топширилди.
Навоийдаги ЙТҲда вафот этган 3 нафар банк ходими дам олиш куни ишга жалб қилингани айтилмоқда
Навоий вилоятидаги ЙТҲда ҳалок бўлган 3 нафар банк ходими «юқори турувчи раҳбарлар берган топшириқларни бажариш учун дам олиш куни ишга жалб қилингани» айтилмоқда. Меҳнат вазирлиги ҳолатни ўрганишни бошлади.
Magic City қўриқчилари ва шар сотувчи шахслар ўртасида жанжал содир бўлди
Magic City мажмуаси қўриқчилари ҳамда газ тўлдирилган шарларни сотувчи шахслар ўртасида можаро содир бўлди. Ҳолат юзасидан жиноят иши қўзғатилди. Жиноят иши доирасида 4 нафар гумонланувчи ушланган, қолганларини ушлаш чоралари кўрилмоқда.
Нормат Турсунов Навоий вилояти ҳокими вазифасини бажарувчи этиб тайинланди (янгиланди)
Навоий вилояти ҳокими Қобул Турсунов соғлиги даволаниш талаб этилганлиги сабабли, ўз аризасига мувофиқ вазифасидан озод этилди. Тошкент шаҳар давлат солиқ бошқармаси бошлиғи сифатида фаолият юритиб келган Нормат Турсунов вилоят ҳокими вазифасини бажарувчи этиб тайинланди.
Нурафшонда 34,4 млрд сўмга ёдгорлик мажмуаси ва кутубхона қурилади
Нурафшонда Зулфия Зокирова ёдгорлик мажмуасини қуриш ва атрофини ободонлаштириш, шунингдек, кутубхона қуриш учун 34,4 млрд сўм (3,2 млн доллардан ортиқ) маблағ йўналтирилди. Лойиҳа Қаршидаги «Qashqadaryo Maks Servis Qurilish корхонаси томонидан амалга оширилмоқда. Ҳокимлик харажатлар юзасидан изоҳ берди.
Тошкент ҳавосидаги чанг миқдори нормал кўрсаткичга қайтди
8 ноябрь соат 11:00 ҳолатига кўра, Тошкент шаҳрида ҳавонинг чанг билан ифлосланиши рухсат этилган максимал қийматдан ошмади, деб хабар берди «Ўзгидромет».
Балки, етар энди?
Ўзбекистон шаҳар ва қишлоқларини чанг-тўзонли туман қоплади. Бундай пайтда очиқ ҳавода бўлиш соғлиқ учун хатарлидир. Айни пайтда мамлакатдаги дарахтлар ва яшил боғлар, далалар, кўл ва дарёлар нажот сўраб илтижо қилмоқда. Агар уларнинг гапиришга забони бўлганида, бизга нима деган бўлишарди? Ботир Қобилов рукнида шу ҳақда ҳикоя қилинади.
Якшанба куни 349 киши нафас сиқиши муаммоси билан мурожаат қилган — ССВ
7 ноябрь куни республика бўйлаб 3768 киши «Тез ёрдам» хизматига мурожаат қилган. Шундан 349 таси чанг-қумли бўрон натижасида нафас етишмовчилиги билан боғлиқ чақириқ бўлган.
ДХХ террористик ташкилот тарафдори сифатида айбланган шахсни Ўзбекистонга олиб келди
ДХХ томонидан «Тавҳид ва жиҳод катибаси» террористик ташкилоти таъсирига тушиб қолган шахс Ўзбекистонга олиб келинди. У Суриядаги жангарилар сафига қўшилиш мақсадида қўшни давлатларнинг бирига ўтганида қўлга олингани айтилмоқда.
Ҳафта давомида айрим ҳудудларда ёмғир ёғиши кутилмоқда
Бугун ва эртага Ўзбекистоннинг жанубий ҳудудларида нам ҳаво массалари айланиб туради. Самарқанд, Қашқадарё, Сурхондарё вилоятларида ёмғир ёғиши кутилмоқда. Пайшанба куни мамлакатга илиқ ҳаво массалари кириб келади. Ҳаво ҳарорати кечалари +3…+8 даража илиқ, кундуз кунлари +15…+18 даража илиқгача исийди.
Фарғонадаги меҳрибонлик уйларида тарбияланувчи қолмади ва муассасалар фаолияти тўхтатилди
Фарғона вилоятидаги меҳрибонлик уйларида тарбияланувчи қолмади ва муассасалар фаолияти тўхтатилди. Данғара туманида яшовчи Бердиевлар оиласи 6 нафар тарбияланувчини асраб олиб, «Болалар бахти» номли оилавий болалар уйини ташкил қилди. Шунингдек, Қўқон шаҳрининг Ўзбекистон ва Тошлоқ туманларида ҳам оилавий меҳрибонлик уйлари ташкил этилган. Муассасанинг 80 нафар собиқ ишчи-ходимлари мутахассислиги бўйича яшаш манзилларига яқин бўлган жойларда иш билан таъминланмоқда.
Тошкентда 7 киши ўртасида содир бўлган жанжал юзасидан жиноят иши қўзғатилган
31 октябрь куни пойтахтнинг Юнусобод туманида 7 киши ўртасидаги келишмовчилик оқибатида жанжал келиб чиқди. Видеоларда биринчи томон автомобилда қочмоқчи бўлганида иккинчи томон унинг балонига пичоқ тиққанини кўриш мумкин. Ҳолат юзасидан безорилик моддаси билан жиноят иши қўзғатилди.
Иқтисодиёт соҳасида ишлаётганлар ОТМларга суҳбат асосида қабул қилиниши мумкин
Иқтисодиёт тармоғида 5 йил иш стажига эга фуқаролар суҳбат асосида ОТМларга ўқишга қабул қилиниши тўғрисидаги низом тасдиқланди. Талабгорлар вазирлик, идора ва йирик хўжалик бирлашмалари томонидан берилган тавсияномалар асосида суҳбатга киритилади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг