Жамият
28 сентябрь куни Ўзбекистонда содир бўлган энг муҳим хабарлар дайжести
Шавкат Мирзиёевнинг фарғоналик сайловчилар билан учрашуви, Ўзбекистонда 12 ёшдан катта болалар COVID-19`га қарши эмланишга рухсат берилиши, Коррупцияга қарши курашиш Тошкент шаҳар Кенгаши таъсис этилиши — «Газета.uz»нинг 28 сентябрдаги энг муҳим хабарлари дайжестида.
Қашқадарёлик ота икки ёшли ўғлини кома ҳолатига тушгунча калтаклагани айтилмоқда
Қашқадарёнинг Деҳқонобод туманида яшовчи аёл эри икки ёшли ўғлини кома ҳолатига тушгунча қийнаганини маълум қилди. Аёлнинг айтишича, ўқитувчи бўлиб ишлайдиган эри аввалги икки никоҳидан бўлган болаларини ҳам қийнаган — бирининг қўл терисини куйдирган, бошқа бирини пичоқ билан қўрқитган.
KFC Самарқанд филиалига ишга таклиф қилади
KFC Самарқандда жойлашган ресторанига ишга кирмоқчи бўлган номзодларни суҳбат учун таклиф қилмоқда.
Фарғонада «Эко шаҳар» ҳамда «Янги Ўзбекистон» боғи қурилади — Шавкат Мирзиёев
ЎзЛиДеПдан президентликка номзод Шавкат Мирзиёев Фарғона шаҳрида 300 гектар майдонда 40 минг аҳолига мўлжалланган замонавий «Эко шаҳар» барпо этишни таклиф қилди. Шаҳарчада 25 қаватгача бўлган уйлар, ижтимоий инфратузилма объектлари, 70 гектар майдонда «Янги Ўзбекистон» боғи бунёд қилинади.
«Мен муаллимнинг маошини 1000 долларга етказмагунча тўхтамайман» — Шавкат Мирзиёев
Шавкат Мирзиёев Фарғона вилояти сайловчилари билан учрашувда, агар президентликка сайланса, алоҳида таълим дастури қабул қилинишини ваъда қилди. «Мен муаллимнинг маошини 1000 долларга етказмагунча тўхтамайман», — деди у. Президентликка номзод тиббиётда янги тартибни жорий этиш режалари ҳақида ҳам гапирди. Унга кўра пул касалхоналарга эмас, балки беморларнинг ўзига ажратилади.
Коррупцияга қарши курашиш Тошкент шаҳар Кенгаши таъсис этилди
Тошкент шаҳар Коррупцияга қарши курашиш ҳудудий Кенгаши таъсис йиғилиши ўтказилди. Коррупцияга қарши курашиш бўйича таклифлар ишлаб чиқиш, маҳаллий давлат органлари раҳбарларининг ҳисоботларини эшитиш ва «Коррупциясиз соҳа» лойиҳасини амалга ошириш унинг асосий вазифаларидан этиб белгиланди.
Ўзбекистонда хорижий давлатлар ҳарбий кадрлари тайёрланади
Президент қарори билан Ўзбекистон Мудофаа вазирлигининг олий ҳарбий таълим муассасаларида хорижий давлатлар ҳарбий кадрлари ўқитилади. Улар кириш имтиҳонларисиз ўқишга қабул қилинади.
Наманганда «Янги Ўзбекистон» боғи ва «Янги Наманган» шаҳарчаси қурилади
Наманган вилоятида «Янги Ўзбекистон» боғини қуриш режалаштирилмоқда. У Тошкент вилоятида барпо қилингани каби Ўзбекистонни янада ривожлантириш бўйича Ҳаракатлар стратегиясини ифодаловчи дарахтнинг бешта шохи кўринишида бунёд этилади. Шунингдек, «Янги Наманган» шаҳарчасини қуриш ҳам режалаштирилмоқда.
Сурхондарёда Lacetti ҳайдовчиси ЙПХ ходимини машина капотида ҳайдаб кетди
Қумқўрғон туманида Lacetti ҳайдовчиси ЙПХ ходими илтимосига бўйсунмасдан, уни капотда 3 км дан ошиқ масофага ҳайдаб кетди. Ҳуқуқбузарга нисбатан жиноий иш қўзғатилди.
27 сентябрь куни Ўзбекистонда содир бўлган энг муҳим хабарлар дайжести
Шавкат Мирзиёевнинг наманганлик сайловчилар билан учрашуви, талабаларга ижара тўловининг бир қисмини қоплаб бериш тартиби белгиланиши, Абдулазиз Камиловнинг Туркий тилли давлатлар ҳамкорлик кенгашининг Ташқи ишлар вазирлари кенгашидаги иштироки — «Газета.uz»нинг 27 сентябрдаги энг муҳим хабарлари дайжестида.
Enter Engineering немис концерни ThyssenKrupp билан ҳамкорлик қилишга келишиб олди
Ўзбекистон учун стратегик аҳамиятга эга бўлган ушбу лойиҳада янги иш ўринларини яратиш, мамлакатдаги кон манбааларини такомиллаштириш ва энергия қувватини тежаш бўйича илғор технологияларни жорий этиш кўзда тутилган.
«Аёлларга қўлидан ҳеч нарса келмайдиган одамдек қарашлари ёқмайди». Вилоятдан пойтахтга келган қизлар билан суҳбат (2-қисм)
«Газета.uz» Ўзбекистоннинг турли ҳудудларидан Тошкентга келиб ўқиётган ва турли соҳаларда фаолият олиб бораётган ҳамда жамиятда ўз ўрнига эга бўлиб бораётган қизлар билан суҳбатнинг 2-қисмини ҳавола қилади. Қизлар пойтахтдаги қийинчиликлар, ўз йўлларини топишдаги иккиланишлар ва жамиятда хотин-қизларга бўлган муносабатлар ҳақида сўзлаб беришди.
1 октябрдан Ўзбекистонда нималар ўзгаради?
«Тонировка»га рухсатноманинг фақат my.gov.uz орқали берилиши, энг яхши лойиҳалар учун ёшларга 54 млн сўмгача грант маблағларининг берилиши, экспортёр корхоналарга $5 млнгача бир марталик молиявий ресурсларнинг тақдим этилиши, алкоголь ва тамаки маҳсулотларининг айрим турларига солиқ ставкаларининг оширилиши — 1 октябрдан Ўзбекистон қонунчилигида қандай ўзгаришлар бўлади?
2 млн дан ортиқ фуқаро ҳайдовчилик гувоҳномасини ўзгартирмаган — ДХА
ДХА маълумотларига кўра, 3,6 млн ҳайдовчи эски намунадаги ҳайдовчилик гувоҳномасини янгисига ўзгартирган. 2 млн ндан ортиқ киши эса ҳали ҳам ўзгартирмаган. Агентлик навбатларнинг олдини олиш учун яратилган қулайликларни яна бир бор эслатиб ўтди.
Ҳафта охирида ҳаво ҳарорати пасаяди
Ҳафта давомида Ўзбекистонда кучсиз ва бироз шамоллар билан барқарор қуруқ об-ҳаво сақланиб туради. Октябрь ойининг биринчи кунларида совуқ ҳаво кириб келиши Ўзбекистоннинг барча ҳудудига тарқалади. Ҳаво ҳарорати кундуз кунлари +15…+20 даражагача пасаяди.
Тошкентда 1 гектар ер майдонини $200 мингга олиб бермоқчи бўлганлар ушланди
Юнусобод туманида Тошкент вилояти, Ўрмон хўжалиги тасарруфидаги 1 гектар ер майдонини 200 минг АҚШ доллари эвазига олиб бермоқчи бўлганлар ушланди. Фирибгарлик ва пора бериш моддалари билан жиноят иши қўзғатилган.
Талабаларга ижара тўловининг бир қисмини қоплаб бериш тартиби белгиланди
Ижарада яшаётган талабаларга ойлик ижара тўловининг бир қисмини давлат бюджетидан қоплаб бериш тўғрисидаги низом тасдиқланди. Унга кўра, ОТМнинг фақат кундузги таълим шаклида ўқийдиган талабларга ижара тўловининг бир қисми қоплаб берилади. Ижара тўловининг бир қисмини қоплаб бериш ўқув йилининг давомийлигига қараб белгиланади.
«Бу тизимни бошқа жойларда ҳам қиламиз». Шавкат Мирзиёев мактабларда бепул овқатланиш ҳақида
Президент Шавкат Мирзиёев Самарқандда бўлиб ўтган сайловолди йиғилишида Ўзбекистоннинг бошқа ҳудудларидаги мактаб ўқувчилари учун ҳам бепул овқатланиш тизимини жорий этишга ваъда берди. «Биз буни аутсорсинг тизимида, коррупциядан холи ташкил этишни ишлаб чиқамиз», — деди у.
Тошкент вилоятида 5 гектар ерни $150 минг эвазига олиб бермоқчи бўлганлар ушланди
Тошкент вилояти Бўстонлиқ туманида 5 гектар ерни 150 минг АҚШ доллари эвазига олиб беришни ваъда қилган шахслар ушланди. Жуда кўп миқдорда фирибгарлик ва пора бериш моддалари билан жиноят иши қўзғатилиб, фуқароларга нисбатан «қамоққа олиш» тарзидаги эҳтиёт чораси қўлланган.
Ўзбекистонда велоспорт маҳорат мактаб-интернати очилади
Президент қарори билан 2022/2023 ўқув йилидан Республика велоспорт маҳорат мактаб-интернати ташкил этилади. Муассасага белгиланган синов имтиҳонлардан муваффақиятли ўтган ўқувчилар ҳар йили 5-синфга қабул қилинади. Жисмоний тарбия ва спорт университетининг Нукус ва Фарғона филиалларида велоспорт турлари бўйича бакалавриат таълим йўналиши очилади. Бўстонлиқ туманида велошоссе спорт мажмуаси қурилади.
Энг кўп ўқилган хабарлар | Сўнгги янгиликлар
Қўшимча имкониятларга эга булиш учун сайтда рўйхатдан ўтинг