Жамият
Коронавирус статистикаси кескин пасайди
7 март куни 27 кишида коронавирус инфекцияси қайд этилди. Бу сўнгги 12 ой ичидаги энг паст кўрсаткич.
Президент ҳудудлар раҳбарларига озиқ-овқат захираларини шакллантиришни буюрди
Шавкат Мирзиёев глобал бозорлардаги нархларнинг кескин тебранишини ҳисобга олиб, ички бозорда нархлар барқарорлигини сақлаш, аҳолини етарли миқдорда озиқ-овқат маҳсулотлари билан таъминлаш лозимлигини таъкидлади. Ҳудудлар раҳбарларига озиқ-овқат маҳсулотлари захираларини шакллантириш вазифаси қўйилди. Шунингдек, товарларни экспортга етказишда логистика масалаларини тезкор ҳал қилиш бўйича кўрсатмалар берилди.
Ўзбекистонда ишсизлик даражаси 9,6 фоизни ташкил этди
2022 йил 1 январь ҳолатида Ўзбекистондаги меҳнат ресурслари сони 19 миллион 345 минг кишини ташкил этди. Мамлакатда 1 миллион 441,8 минг киши ишга муҳтож бўлиб, ишсизлик даражаси 9,6 фоизга етди. Ёшлар орасида ишсизлик даражаси 15,1 фоизни, аёллар орасида эса 13,3 фоизни ташкил этди.
Молдовадаги ўзбекистонликлар эвакуациясини ишлаб чиқиш бошланди — ТИВ
Польшанинг Катовице аэропорти орқали Украинадан эвакуация қилинган ўзбекистонликлар сони 4787 нафарга етди. Молдовада бўлиб турган Ўзбекистон фуқароларини олиб чиқиш масаласини ишлаб чиқиш бошланганлиги айтилди.
7 март куни Ўзбекистонда содир бўлган энг муҳим хабарлар дайжести
Украинадандан эвакуация қилинган 4359 нафар ўзбекистонлик, «Олмалиқ КМК» дан 117,5 млн сўмлик қимматбаҳо металларни ўғрилашга уринганлар, туман ҳокими бўлган биринчи ҳоким ёрдамчиси, талаба қизларга 7 йил муддатга бериладиган фоизсиз таълим кредити, колонияда туриб 31 киши билан Сурияга кетишни режалаштирган сирдарёлик маҳкум ва бошқалар — «Газета.uz» нинг 7 мартдаги энг муҳим хабарлари дайжестида.
Сурхондарёда Мирзо Улуғбек ҳукмронлиги даврига оид мис тангалар топилди
Сурхондарёдаги Тўпаланг дарёси қирғоғидан Мирзо Улуғбек ҳукмронлиги даврига оид мис тангалар топилди. Тангаларнинг бет тарафида «Самарқанд», «Адлийя» сўзлари, ҳижрий 823 ва 832 каби зарб қилинган йиллари акс этган.
Европада газ нархи 3950 долларгача кўтарилди
Лондоннинг ICE биржасида апрель ойи учун минг кубометр газнинг фючерс нархлари 3950 долларгача кўтарилди. Бир соат ичида нархлар 1000 долларга пастлади ва айни пайтда 2900 доллар атрофида бўлиб турибди.
Ҳафта давомида ёмғир ёғиши кутилмоқда
Ўзбекистонга Эрон ва Каспий денгизи ҳудудларидан бир қатор нам ҳаво массалари кириб келиши ҳисобига мамлакатда беқарор об-ҳаво сақланиб туради. 10 март санасидан ташқари ҳафта давомида турли жадалликда ва танаффус билан ёмғир ёғиши кутилмоқда.
Сирдарёлик маҳкум колонияда туриб 31 киши билан Сурияга кетишни режалаштирганликда гумонланмоқда
Гулистондаги колонияда жазо ўтаётган фуқаро турли вилоятлардаги колонияларда жазо ўтаётган 20 нафар маҳкум ва 11 нафар озодликдаги киши билан Сурияга чиқиб кетишни режалаштирганликда гумонланмоқда.
Ўзбекистон ва Россия ўртасида авиақатновлар тўхтатилмайди — Uzbekistan Airways
Uzbekistan Airways Ўзбекистон ва Россия ўртасида авиақатновлар тўхтатилмаслиги ва жадвалга мувофиқ узилишларсиз амалга оширилишини маълум қилди.
Тошкент шаҳар ҳокими ўринбосари Мухтор Муҳитдинов лавозимидан озод қилинди
2020 йилдан бери Тошкент шаҳар ҳокимининг ўринбосари сифатида ишлаб келган Мухтор Муҳитдинов бошқа ишга ўтганлиги муносабати билан лавозимидан озод этилди. Ҳокимликнинг «Газета.uz» га аниқлик киритишича беришича, у маҳалла вазири ўринбосари сифатида фаолиятини давом эттиради.
Ҳар қандай уруш ва ҳарбий-сиёсий зиддиятлар — оғир иқтисодий оқибатларга олиб келади
Ҳар қандай сиёсий зиддият, қуролли тўқнашув ва урушлар ижтимоий-иқтисодий йўқотишларга олиб келиб, инсоният тараққиётининг бир неча йиллар ортда қолишига сабабчи бўлади. Уруш натижасида халқ камбағаллашади, иқтисодиёт, таълим, соғлиқни сақлаш таназзулга юз тутади, бутун бошли авлодлар, умрлар бой берилади. Урушнинг иқтисодиёт ва инсон капиталига салбий таъсири ҳақида — «Газета.uz» колумнисти, иқтисодчи Муқаддамхон Саидрасулова мақоласида.
Барча талаба қизларга 7 йил муддатга фоизсиз таълим кредити берилади
Шавкат Мирзиёев 2022−2026 йилларга мўлжалланган Хотин-қизлар таълимини қўллаб-қувватлаш миллий дастури қабул қилинганини айтди. Унга кўра, хотин-қизлар учун алоҳида университет ва жойларда унинг техникумлари ташкил этилади. Қолаверса, энди барча талаба қизларга таълим контрактларини тўлаш учун 7 йил муддатга фоизсиз кредит берилади.
Шерзод Исмаилов Хоразм вилояти ҳокимига ўринбосар этиб тайинланди
Ўзбекистоннинг Индонезиядаги элчихонасида маслаҳатчи лавозимида ишлаган Шерзод Исмаилов Хоразм вилояти ҳокимига ўринбосар бўлди.
Украинадан эвакуация қилинган ўзбекистонликлар сони 4359 нафарга етди
6−7 март кунлари Польшанинг Катовице аэропортидан яна 674 нафар Ўзбекистон фуқароси олиб келинди. Польша ҳудудида Ўзбекистоннинг 350 дан ортиқ фуқароси қолмоқда. 7 март куни яна битта рейсни амалга ошириш режалаштирилган.
«Олмалиқ КМК»дан 117,5 млн сўмлик қимматбаҳо металларни ўғрилашга уринган шахслар ушланди
ДХХ фуқаро «Олмалиқ КМК» ишчилари билан келишиб, кийим алмаштириш хонасига таркибида 117,5 млн сўмлик қимматбаҳо металлар бўлган 4,4 кг саноат қумларини яшириб қўйганини аниқлади. Гумондорнинг ўзи комбинатнинг қўриқлаш хизматига ишга кириш учун суҳбатга келган вақтида қўлга олинган. Унга нисбатан жиноят иши қўзғатилди.
Пойтахт кўчаларидан бирига Мустафо Камол Отатурк номи берилиши мумкин
Тошкент кўчаларидан бирига Туркиянинг биринчи президенти Мустафо Камол Отатурк номи берилиши кутилмоқда. Мазкур ном остидаги кўча аввал ҳам бўлган, у 2011 йилда Зарафшон кўчаси этиб ўзгартирилганди.
5 нафар ўзбекистонлик юк ташувчи Украина-Россия чегарасида қолиб кетди
Ўзбекистоннинг Москвадаги элчихонаси Украинанинг Суми, Харьков вилоятлари ҳамда «Нехотеевка» нейтрал ҳудудида бўлган 12 нафар юк ташувчини Россияга киришида ёрдам кўрсатди. Яна 5 нафар Ўзбекистон фуқароси 4 та юк машинасида Украина чегараси чизиғидан узоқроқ масофада қолиб кетди.
Президент Халқаро хотин-қизлар куни муносабати билан бир гуруҳ аёл-қизларни мукофотлади
Президент Шавкат Мирзиёев давлат ва жамият ҳаётида фаол бўлган бир гуруҳ аёл-қизларни турли унвон, орден ва медаллар билан мукофотлади. Улар орасида тадбиркор, ўқитувчи, санъат соҳаси вакиллари, ҳоким ва прокурор лавозимида фаолият юритаётган аёллар бор. Шунингдек, 28 нафар аёл-қизлар Зулфия номидаги Давлат мукофоти билан тақдирланди.
5−6 март кунлари 440 нафар ўзбекистонлик Украинадан эвакуация қилинди
28 февралдан 5 мартга қадар Украинадан Польша орқали жами 3 685 нафар ўзбекистонликлар эвакуация қилинди. Польша ҳудудида 850 дан ортиқ Ўзбекистон фуқароси қолаётгани айтилмоқда.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонликлар 8 март муносабати билан неча кун дам олади?
Қўшимча имкониятлардан фойдаланиш учун сайтда рўйхатдан ўтинг