Суд 2005 йилда Ўзбекистоннинг биринчи президентини судга берган Чўян Маматқуловни тўлиқ оқлади. Ҳуқуқ ҳимоячиси конституцион тузумга тажовуз қилиш, фирибгарлик, одам ўғрилаш ва бошқа жиноятларда айбланган эди.
Бухорода Nexia 3 автомобилига ўрнатилган газ баллони портлашидан уч киши ҳалок бўлди, икки киши жароҳатланди. Қашқадарёда эса сомсахонадаги газ баллони портлаши натижасида етти киши, жумладан, тўрт мижоз жароҳат олди.
Тўй-ҳашамлар, оилавий тантаналар, маърака ва маросим сингари оммавий тадбирлар ўтказилиши тақиқланди. Шунингдек, кўнгилочар объектлар, жумладан, чойхона ва ошхоналар фаолияти тўхтатилади.
Ўзбекистон бош санитар врачи Баҳром Алматов коронавирус бўйича мамлакатдаги вазият, ушбу инфекциянинг олдини олиш ва бошқа саволларга жавоб берди.
World Happiness Report ҳисоботига кўра, Ўзбекистон бахтли мамлакатлар рейтингида уч поғонага кўтарилиб, 38-ўринни эгаллади. Тошкент — аҳолиси энг оптимист шаҳар бўлди.
Ўзбекистон халқ артисти Ойбарчин Бакирова 70 ёшида оламдан ўтди.
21 март куни қарийб бутун мамлакат бўйлаб ёмғир ёғиши, шамол тезлигининг кучайиши ва ҳаво ҳароратининг +18 даражагача тушиши кутилмоқда.
UzReport телеканалида академик лицей ўқувчилари учун география, математика ва физика фанларидан теледарслар бошланди.
Фуқаролар Ғалабанинг 75 йиллиги шарафига очилаётган Шон-шараф музейини ташкил этишда қатнашишлари мумкин. Мудофаа вазирлиги музей учун экспонат ва материаллар қабул қилмоқда.
Фуқаролардан ўзларини уйларни коронавирус инфекциясидан дезинфекция қилувчи деб таништираётган номаълум шахсларни уйга киритмаслик сўралмоқда. Бундай ҳолатларда «102» рақамига ёки профилактика инспекторига қўнғироқ қилиш лозим.
Пойтахтнинг Юнусобод туманида Lacetti тартибга солинмаган пиёдалар йўлакчасидан йўлни кесиб ўтаётган эркакни уриб юборди. Пиёда олган тан жароҳатлари натижасида шифохонада вафот этди.
«Олтинсой туманида мансабдор шахслар томонидан ўз вазифаларига лоқайдлик ёки виждонсизларча муносабатда бўлиши оқибатида суғориладиган ер майдонлари талон-торож қилинган» — Бош прокуратура
Коронавирус эпидемияси сабабли болалар ўйин заллари, дискотека ва дискобарлар, массаж салонлари фаолияти тўхтатилади.
Тошкент ҳайвонот боғи карантин сабабли вақтинчалик ёпилди. Ботаника боғи эса ҳали фаолият юритмоқда.
Шавкат Мирзиёев маҳаллаларда оилавий ҳаётга тайёрлаш курсларини ташкил этиш, хотин-қизлар ўртасида бизнес лойиҳа бўйича танлов ўтказиб, ғолибларга грантлар, кредит ва жой ажратиш бўйича топшириқлар берди. Эндиликда маҳалладаги вазиятга профилактика инспектори билан бирга Миллий гвардия ҳам жавоб беради.
Ўзбекистонга мулкларни Гулнора Каримованинг ўзи қайтарганлиги ҳақидаги таъкидлар ҳуқуқий асосга эга эмас ва шу боис ҳақиқатга тўғри келмайди, дея маълум қилди Адлия вазирлиги. 1,3 млрд доллардан ортиқ миқдордаги мулкларни қайтариш бўйича иш олиб борилмоқда.
Мисрдан Ўзбекистонга олиб келинган 181 нафар фуқаро Кармана туманидаги НКМК санаториясига карантинга жойлаштирилди.
Тошкентда сифат сертификати бўлмаган 123 млн сўмлик 62 минг дона тиббий ниқоблар савдога чиқарилгани аниқланди ва вақтинча олиб қўйилди.
Эшитиш қобилияти паст бўлган одамларнинг ижтимоийлашувини яхшилаш бўйича синов лойиҳа ишга туширилди — банклар, ҳокимиятлар ва давлат хизматлари марказларига сурдотаржимонлар онлайн марказига уланган планшетлар ўрнатилади. Улар ёрдамида кар-соқов ташриф буюрувчилар оператор билан мулоқот қилишлари мумкин.
«Ўзбеккино» яқин икки ҳафтада премьераси ўтказилиши режалаштирилган 30 та янги фильмни телеканалларга бепул тақдим этди. Фильмлар Наврўз байрами кунлари намойиш этилади.
Қўшимча имкониятларга эга булиш учун сайтда рўйхатдан ўтинг