Жамият
ИИВ блогер Отабек Сатторий ишини муҳокама қилишда жавобгарлик тўғрисида огоҳлантирди
ИИВ сурхондарёлик блогер Отабек Сатторийнинг жиноий иши бўйича терговга аралашганлик учун жавобгарлик тўғрисида «ижтимоий тармоқ фаолларини» огоҳлантирди. «Қонун устуворлиги ҳақида бонг ураётган ижтимоий тармоқ фаолларидан юртимиз қонунчилигини ҳурмат қилишларини талаб қиламиз», деди ИИВ матбуот котиби Шохрух Ғиёсов.
Зойир Мирзаев Қашқадарёдаги ҳокимларга янги хизмат машинаси сотиб олишни тақиқлади
Зойир Мирзаев Қашқадарёдаги 15 та ҳоким ва уларнинг ўринбосарларига янги хизмат машинаси сотиб олишни тақиқлади. У фақат яқинда тайинланган вилоят ҳокими ўринбосари Баҳром Юсуповга рухсат берилганини қўшимча қилган.
Андижонда ноқонуний қурилиш тадбиркорнинг ўз ҳисобидан бузилмоқда
Андижон вилоятида 7 қаватли уй қуришга рухсат олган тадбиркор яна бир қават қуриб олгани аниқланди. Ноқонуний қурилиш тадбиркор ҳисобидан бузилмоқда. Бундан ташқари, қурилишдаги техник назоратчининг қурилиш бўйича маълумот ва тажрибаси йўқлиги, савдо йўналишида фаолият юритиши маълум бўлди.
МегаФон ва USM Telecom Ўзбекистон бозорига кирмоқда
«USM Telecom» ва МегаФон Ўзбекистон ҳукумати билан биргаликда Ucell ва USM холдинги ўзбек активлари — CRPT Turon ҳамда ICS Holding Uzbekistan таркибига кирадиган Digital Holding қўшма корхонасини ташкил этмоқда.
Қишлоқ хўжалиги вазирлиги ҳузурида Инновациялар маркази барпо этилади
Президент фармони билан Қишлоқ хўжалиги вазирлиги ҳузурида Қишлоқ хўжалигида билим ва инновациялар миллий маркази ташкил этилди. Марказ илмий ишланмалар ва рақамли технологияларни жорий этиш билан шуғулланади. 2021−2022 йилларда барча ҳудудларда агрохизматлар марказлари очилади.
Қоракўлчилик кластерларига озуқа учун ер майдонлари ажратилади
2021 йил 1 мартгача қишлоқ хўжалигида фойдаланилмаётган суғориладиган ерларни фойдаланишга киритиш шарти билан қоракўлчилик кластерларига озуқа учун ер майдонлари ажратилади. «Қоракўлчилик» уюшмаси аъзоларига 3 йил муддатгача, шу жумладан 1 йиллик имтиёзли давр билан кредитлар тақдим этилади.
2021 йилда 31 та янги мактаб қурилади, 320 таси таъмирланади
2021 йилги давлат дастурида 31 та янги мактаб қуриш ҳамда 320 та мактабни таъмирлаш кўзда тутилган. Бундан ташқари, Андижон, Нурафшон, Гулистон, Навоий ва Термиз шаҳарларида Президент мактаблари қурилиши режалаштирилган.
Катта муаммоларга етаклайдиган арифметика
Ҳукумат қарори лойиҳасида абитуриентларнинг кириш имтиҳонларида олган балларига мактабнинг сўнгги 6 йилида олган баҳоларининг ўрта арифметик кўрсаткичини қўшиш таклиф этилмоқда. Бу қарор мактабдаги таълим сифатини ошириш ўрнига, «сотиб олинган» баҳолар сонининг кўпайишига олиб келиши мумкин. Ушбу таклифнинг таҳлили колумнист Комил Жалилов мақоласида.
Божхона ходимига 9400 доллар пора беришга уринган шахс қўлга олинди
Божхона ходимига 4 млрд сўмлик товарларни ноқонуний олиб кириш учун 9400 АҚШ доллари миқдорида пора беришга уринган шахс фош этилди. Ҳозирда жиноят иши қўзғатилиб, тергов ҳаракатлари олиб борилмоқда.
Ўзбекистонда ҳар йили бачадон бўйни саратонига чалинганларнинг 42 фоиздан ортиғи вафот этади
Ўзбекистонда ҳар йили 1800га яқин аёллар бачадон бўйни саратонига чалинади. Уларнинг 42 фоиздан ортиғи вафот этади. Ўлимларнинг аксарияти ташхисни кеч қўйиш натижасида рўй беради. Бачадон бўйни саратонини 99 фоиз ҳолатларжа одам папиллома вируси келтириб чиқаради.
Навоийда 3 ойлик фарзандини 25 минг долларга сотмоқчи бўлган аёлнинг озодлиги чекланди
Навоий вилоятида ниқоҳсиз дунёга келган 3 ойлик боласини 25 минг АҚШ долларига сотган аёл ушланди. Болани сотиб олмоқчи бўлган фуқаро чақалоқ учун шу нархга баҳоланган икки хонали уй олиб беришни таклиф қилган.
Ўзбекистон фуқаролари ҳам туристик йиғим тўлайди
1 мартдан бошлаб Ўзбекистон фуқаролари ҳам туристик йиғим тўлашни бошлайди. Ҳозирда уни фақат хорижий фуқаролар тўлайди.
Қорақалпоғистонда давлат буюртма қўриқхонаси ташкил этилди
Мўйноқда алоҳида экологик қимматга эга бўлган табиий объектлар ва мажмуаларни, ҳайвонларнинг ноёб турларини сақлаб қолиш мақсадида «Судочье-Акпетки» давлат буюртма қўриқхонаси ташкил этилди.
Ўзбекистонда иқлим ўзгаришига қарши стратегия ишлаб чиқилади
2021 йилги давлат дастурида Ўзбекистоннинг 2030 йилгача бўлган иқлим ўзгариши оқибатларига қарши кураш стратегияси тасдиқлаш кўзда тутилган. Бу борада президентнинг тегишли қарори лойиҳаси 1 сентябрга қадар ишлаб чиқилади.
Урганчдан Қарши ва Термизга авиақатновлар йўлга қўйилади
Урганчдан Қарши ва Термизга авиақатновлар йўлга қўйилади. Олдинроқ, Фарғонага ҳам рейс очилган эди. Қолаверса, энди Термиз-Қарши-Хива, Хива-Урганч-Нукус ва Термиз-Қарши-Самарқанд йўналишлари бўйича доимий темир йўл қатнови ҳам амалга оширилади.
Байрамлар арафасида ишланмайдиган кунлар камида 3 кун бўлади
Наврўз, Мустақиллик куни, Янги йил, Рамазон ҳайити ва Қурбон ҳайити диний байрамларини нишонлаш даврида қўшимча ва кўчириш ҳисобига ишланмайдиган кунлар камида 3 кун этиб белгиланади.
«Бу мажбурий меҳнатнинг бир кўриниши». ОТМ вазири — меҳмонларни кутиб олишга жалб қилинаётган талаба-қизлар ҳақида
Олий ва ўрта-махсус таълим вазири Абдуқодир Тошқулов хорижлик меҳмонларни кутиб олишга жалб қилинаётган талаба қизлар бўйича муносабат билдирди. «Нега менинг гул қизларим, гул кўтариб чиқиши керак? У ерга ҳам ўзингизни фарзандингизни қўйиб кўринг», — деди вазир. У шунингдек, «бу мажбурий меҳнатнинг бир кўриниши» эканини айтган.
Ғолиб Холжигитов молия вазири ўринбосари вазифасидан озод этилди
Молия вазирлиги ҳузуридаги Давлат-хусусий шерикликни ривожлантириш агентлиги директори — молия вазирининг ўринбосари Ғолиб Холжигитов бошқа ишга ўтиши муносабати билан ўз вазифасидан озод этилди.
АҚШдан Ўзбекистонга 27 нафар инглиз тили мутахассиси ташриф буюрди
Ўзбекистондаги таълим муассасаларида инглиз тилини ўқитиш учун АҚШдан 27 нафар ўқитувчи ва олимлар ташриф буюрди. Улар маҳаллий ўқитувчилар даврасига қўшилиб, синфхоналардаги дарсларда бевосита иштирок этади.
Жанубий Корея Ўзбекистондаги болалар боғчаларига ақлли роботларни совға қилди
Жанубий Корея Ўзбекистондаги болалар боғчаларига робототехника ва дастурлаш кўникмаларини ўргатиш учун 275 дона ақлли робот ва 350 та қўлланмани совға қилди.
Энг кўп ўқилган хабарлар | Сўнгги янгиликлар
- Навоийда 8 ёшли қиз машина босиб кетиши оқибатида ҳалок бўлди
- Озодбек Назарбеков иштирокидаги реклама ролиги бўйича ўрганиш ишлари бошланди — Рақобат қўмитаси
- Фото: Юнусободнинг қувур ёрилиши оқибатида сувга тўлган ҳовлилари
- Юнусободда сув тошди: сабаблар, оқибатлар, масъуллардан қарама-қарши баёнотлар (+ фото, видео)
Қўшимча имкониятларга эга булиш учун сайтда рўйхатдан ўтинг