Жамият
Ўзбекистон волонтёрлари ассоцияцияси ташкил этилди
4 декабрь куни Адлия вазирлиги томонидан «Ўзбекистон волонтёрлари ассоциацияси» давлат рўйхатидан ўтказилди. Ассоциациянинг асосий мақсади волонтёрлик фаолиятини ташкил этиш ташаббусларини ривожлантириш, қўллаб-қувватлаш ҳамда волонтёрларнинг ҳуқуқ ва манфаатларини ҳимоя қилишдан иборат.
Президент Давлат хавфсизлик хизматига раҳбар тайинланди
Олдин Давлат хавфсизлик хизмати раисининг ўринбосари бўлиб ишлаган Алишер Усмонов Ўзбекистон президенти Давлат хавфсизлик хизматига раҳбар бўлди.
Қандай фойдали егуликлар тайёрлаш мумкин: тўғри овқатланиш учун рецептлар
Соғлом турмуш тарзига риоя қилувчилар учун Zira.uz тўғри овқатланиш тартибига оид рецептлар тўпламини тақдим этади.
Ноқонуний равишда кесилган дарахтлар учун жарима икки баравар оширилди
Ўрмон ва дарахтларга зарар етказиш ва уларни кесиш, экинларни йўқ қилиш учун жарималар миқдори 50−100 БҲМ дан 100−150 БҲМ гача оширилди. Шунингдек, юридик шахсларга қарашли ёки бириктирилган ҳудудларда дарахтларни муҳофаза қилиш ва асраб-авайлаш чоралари кўрилмаганлиги учун жавобгарлик жорий этилди.
Гулнора Каримова Швейцария банкидаги музлатиб қўйилган 350 млн долларлик активларини қайтариб олиши мумкин
Швейцариянинг федерал апелляция суди Гулнора Каримованинг Takilant Ltd. компанияси қонуний бенефициари экани тўғрисидаги даъвосини кўриб чиқади. 2018 йилги ушбу компанияга тегишли 350 млн доллар музлатилган эди. Энди, Каримованинг вакиллари ушбу музлатилган активларни қайтариб олиши мумкин. «Бу Гулнора Каримова учун муҳим ғалаба», — деди унинг адвокати Грегори Манжа.
Қашқадарёда носоз йўл сабаб рўй берган ЙТҲ оқибатида икки киши вафот этди
Қашқадарё вилоятида «Matiz» автомашинаси носоз йўлни айланиб ўтиш чоғида қарама-қарши йўналишга чиқиб кетиб, «Cobalt» автомашинаси билан тўқнашув содир этди. Мазкур ЙТҲ оқибатида икки киши вафот этган.
Дам олиш кунлари ҳаво салқин бўлади
Дам олиш кунлари антициклон периферияси кучайиб, ҳаво ҳарорати одатдагидан бироз паст бўлади. Кундузи ҳаво ҳарорати 4−7 даража илиққача кўтарилиб, кечалари 4−7 даража совуққача, шимолнинг энг чеккасида баъзи жойларда 17−20 даража совуққача бўлади.
Россиянинг «Спутник V» вакцинаси Ўзбекистонга олиб келинди
Ўзбекистонга Россиянинг коронавирусга қарши «Спутник V» вакцинаси олиб келинди. Препарат намуналари Ўзбекистон ҳудудида вакцинани рўйхатдан ўтказиш ва саноат ишлаб чиқаришни йўлга қўйиш учун зарур бўлган синовлар учун етказилди.
Сурхондарё вилояти ҳокимига янги ўринбосар тайинланди
Файзулла Маманов Сурхондарё вилояти ҳокими биринчи ўринбосари лавозимига тайинланди. У Тошкент тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари — Иқтисодий тараққиёт ва камбағалликни қисқартириш бўлими бошлиғи сифатида фаолият юритиб келган.
«Пулимиз бор, ҳудудларда ҳам, тармоқларда ҳам имкониятимиз бор, лекин лойиҳа йўқ» — Шавкат Мирзиёев
Президент мамлакатдаги илм-фан соҳасидаги ютуқ ва камчиликлар ҳақида нутқ сўзлаб, ОТМларда илмий тадқиқотлар даражаси ўта паст, илм ва инновация масалалари бўйича масъул проректорлар умуман ишламаётганини қайд этди. Бундан ташқари, ҳудудлардаги сув хўжалиги соҳасидаги муаммоларга ҳам тўхталиб ўтилди.
Россияга олиб борилган қуруқ меваларда зарарли организм аниқланди
Ўзбекистондан Россияга етиб борган 1 тонна қуритилган ўриклар орасида карантин аҳамиятига эга бўлган зарарли организм — капр қўнғизи (Trogoderma granarium Ev.) аниқланган. Ушбу партия Россия фитосанитария талабларига мувофиқлигини тасдиқловчи ўзбекча сертификат билан Россияга олиб кирилган. Капр қўнғизи Ўзбекистонда расмий равишда йўқ қилинган объект ҳисобланади.
Андижонлик блогерга нисбатан қўзғатилган жиноят иши бекор қилинди
Андижон вилояти прокуратураси блогер Отабек Нуритдиновга қарши қўзғатилган жиноят ишини бекор қилди. Аввалроқ Андижон шаҳридаги 25-мактаб директори ўринбосари Гулчеҳра Мирзаеванинг шикоятидан сўнг иш очилган эди.
Ғилдиракдаги карантин
Наташа ва Люда — Смоленск вилоятидан бўлган опа-сингиллар. 2019 йилда улар ишдан бўшаш учун ариза ёзиб, ити Юни ўзлари билан олиб, Марказий Осиё бўйлаб кўп ойлик велосаёҳатига чиқдилар. Уларни барқарор иш жойини велосипед эгарига, иссиқ ором кўрпаларни сайёҳлик чодирига алмаштиришга нима мажбур қилди ва уйни йўлда ҳис қилиш нима эканлиги ҳақида — «Газета.uz» материалида.
«Ҳукумат матбуотни хавф-хатар эмас, ўзига шерик деб билиши керак» — Хелена Фрайзер
БМТнинг Ўзбекистондаги доимий координатори Хелена Фрайзер инсон ҳуқуқлари доирасида сўз эркинлигининг аҳамияти ҳақида сўзлади. Шунингдек, у блогерлар, журналистлар, ОАВ ходимлари фаолиятини эркин олиб боришларига таъқиқлар қўйилмаслигини ва бундай вазиятларда химоя чоралари кўрилиши мумкинлигини таъкидлаб ўтди.
2021 йилда қўшимча дам олиш кунлари белгиланди
3 декабрь куни қабул қилинган президент фармонига кўра, 2021 йилда 2−3 сентябрь кунлари қўшимча дам олиш кунлари этиб белгиланди.
Тошкентда Япония рақамли университети ташкил этилди
Тошкент шаҳрида Япония рақамли университети ташкил этилди. Университет ахборот-коммуникация технологиялари ва ахборот тизими каби соҳаларда мутахассисларни тайёрлашга ихтисослашади. Ўқитиш япон ва ўзбек тилларида тўлов-контракт асосида амалга оширилади.
Содиқ Сафоев: «Сўз эркинлиги бўлмаганида, пандемия даврида аҳволимиз анча мураккаб бўларди»
Сенат раисининг биринчи ўринбосари Содиқ Сафоев коронавирус пандемияси давридаги сўз эркинлигининг аҳамияти ҳақида сўзлади. «Сўз эркинлиги, матбуот эркинлиги — демократиянинг қон айланиш тизимидир, усиз бу тушунчалар фаолият кўрсата олмайди», — дея таъкидлади у.
Яна учта шифохона одатий иш фаолиятига қайтди
Коронавирусга чалиниш ҳолатлари камайгани сабабли COVID-19 беморларини даволашга ихтисослашган яна 3 та шифохона — Тошкент шаҳар тез тиббий ёрдам клиник шифохонаси, Тошкент шаҳар перинатал маркази ва Тошкент шаҳар 3-сон юқумли касалликлар шифохоналари ўз йўналиши бўйича одатий иш фаолиятига қайтди.
Учувчи бўлишни орзу қилувчи инклюзия қаҳрамони
Халқаро ногиронлиги бўлган инсонлар кунига бағишлаб «Газета.uz» ЮНИСEФ томонидан тайёрланган оддий мактабга борувчи, тенгдошлари билан осон дўстлашувчи ва доимо кулиб турувчи Даун синдроми мавжуд бўлган 8 ёшли бола ҳақидаги ҳикояни тақдим этади.
Пешкў ва Шеробод туманларига янги ҳокимлар тайинланди
Савдо-саноат палатаси вилоят ҳудудий бошқармаси бошлиғи Ваҳоб Қаҳҳоров Бухоро вилоятининг Пешкў туманига, Жарқўрғон тумани ҳокими лавозимида фаолият юритиб келаётган Зиёдулла Давлатов эса Сурхондарё вилоятининг Шеробод туманига ҳоким этиб тасдиқланди.
Энг кўп ўқилган хабарлар | Сўнгги янгиликлар
- ИИВ Мубашшир Аҳмадга қидирув эълон қилингани хақидаги ахборотни жойлашда техник хатога йўл қўйилганини билдирди (1)
- ЙҲХХ ва ҳокимлик ҳаракатсизлиги туфайли Амир Темур кўчасида яна одам уриб кетилди
- Ўзбекистонда ҳайдовчилар учун жарима баллари тўғрисидаги қонун имзоланди. Асосий маълумотлар
- ИИО ходимининг тўхташ талабини бажармаслик ҳайдовчини бир йилга ҳайдовчилик ҳуқуқидан маҳрум қилиши мумкин
Қўшимча имкониятлардан фойдаланиш учун сайтда рўйхатдан ўтинг