«аукцион» тегли мақолалар
Энди кўп қаватли уй қуриш учун ерлар аукционда фақат ҚҚС тўловчи юридик шахсларга сотилади
Шавкат Мирзиёев Ўзбекистонда бундан буён қурилишга салоҳиятли девелоперларни жалб қилиш мақсадида кўп қаватли уй қуриш учун ерлар аукционда фақат ҚҚС тўловчи юридик шахсларга сотилишини маълум қилди. Жисмоний шахслар бу мақсадда сўнгги 3 йилда сотиб олган ерларнинг аксариятида қурилиш бошланмаган.
Ўқув муассасалари ошхоналари электрон аукцион орқали ижарага берилади
Ҳукумат қарори билан ўқув муассасалари ошхоналари E-auksion орқали ижарага берилиши белгиланмоқда. Ижарачилар талабларга жавоб беришини тасдиқловчи ҳужжатларнинг нусхаларини илова қилади. Танловда ғолиб деб эътироф этилган ижарага олувчи билан ижара шартномаси шу даврдаги ўқув йили учун тузилади.
«Тошкент-Шарқий» аэропорти рўпарасидаги 25,5 га ер 522,7 млрд сўмга сотилди
«Тошкент-Шарқий» аэропорти рўпарасида, «Янги Ўзбекистон» боғи яқинида қурилаётган 25,5 гектар ер участкаси 522,7 млрд сўмга сотилди. Аукционда битта таклифдан сўнг Valid Trading ғолиб бўлди.
«Иккала ғолиб ҳам шартнома имзоламади». E-auksion — Тошкентдаги пулли парковкалар учун қайта савдо ўтказилгани ҳақида
Тошкентда пулли автотураргоҳлар бўйича ўтказилган биринчи аукционда 2 компания иштирок этди ва нархни 120 млрд сўмгача кўтарди. Бироқ улар шартнома имзоламагани учун ғолиблик бекор қилинди, дея хабар берди E-auksion. Янги аукционда 3 иштирокчи қатнашди, лекин ғолиб икки таклифдан сўнг аниқланди.
Тошкентдаги пулли парковкалар учун кимошди савдоси қайта ўтказилди. Ғолиб — Streetpark Systems
Тошкент шаҳрида пулли автотураргоҳларни ташкил этиш ҳуқуқини берувчи такрорий аукцион ўтказилди. 120 млрд сўм таклиф қилган аввалги ғолиб Balcomuz компанияси билан шартнома тузилмаган. Янги ғолиб Streetpark Systems бўлди, у иккита таклифдан сўнг 62,9 млрд сўмлик таклиф билан ғолиб чиқди.
Тошкентдаги пулли «парковка»ларни ташкил этиш бўйича аукционда Balcomuz компанияси ғолиб чиқди
Пойтахтда умумий узунлиги 111,6 км бўлган 86 та участкада пулли автотураргоҳлар ташкил этиш ҳуқуқини берувчи ким ошди савдоси якунланди. Унда бошланғич баҳодан 2 баравар юқори — 120,1 млрд сўм таклиф этган Balcomuz компанияси ғолиб деб топилди. Компания ҳақида нималар маълум?
«Ўзсаноатқурилишматериаллари» биноси 100,4 млрд сўмга сотилди
«Ўзсаноатқурилишматериаллари» уюшмасининг беш қаватли биноси 100,4 млрд сўмга сотилди. Аукциондаги ягона таклиф фасад-парда ва эшик тизимларини етказиб берувчи компания томонидан тақдим этилди.
Тошкент шаҳри ҳокимлиги — маҳаллаларда ер участкаларини сотиш платформаси ишга тушгани ҳақида
Тошкентда маҳаллалардаги ер участкалари сотиладиган ва ижарага бериладиган projects.toshkentinvest.uz платформаси ишга тушди. Йиғилган маблағлар маҳалла ва туман ривожлантириш жамғармасига йўналтирилади, дея таъкидлади ҳокимлик. Шаҳар маъмурияти сотувга қўйилган болалар майдончасига ҳам изоҳ берди.
Тошкент аэропортида янги фудкорт майдони кимошди савдосига қўйилди
Тошкент халқаро аэропортининг учиш терминалидаги июль ойи охиригача фойдаланишга топшириладиган янги қисмидаги жойлар кимошди савдосига қўйилди. Лойиҳага кўра, у ерда турли тоифадаги учта умумий овқатланиш шохобчаси — Европа таомлари ресторани, миллий таомлар ресторани ва фаст фуд жойлашади.
Халқ банкининг Қатортол бозори ёнидаги бош офиси салкам 120 млрд сўмга сотилди
Тошкентдаги Қатортол бозори ёнида жойлашган Халқ банки бош офиси биноси салкам 120 миллиард сўмга сотилди. Аукционда ягона таклиф Oazis Samarkand умумий овқатланиш корхонаси томонидан тақдим этилди.
Ўзбекистондаги энг қиммат мобил рақам қарийб 85 минг долларга сотилди
«20 000 00 00» мобил рақами аукционда рекорд даражадаги 1,07 миллиард сўмга (85 минг доллар) сотилди. Аукционда 10 нафар талабгор иштирок этиб, 87 та таклиф киритди, шу боис рақамнинг бошланғич баҳоси 5 баробарга ошди.
Тошкентда ҳарбий госпитал яқинидаги ер участкаси аукционида 7 кунлик компания ғолиб чиқди
Тошкентда ҳарбий госпитал яқинидаги ер участкаси аукцион савдосига етти кун қолганида рўйхатдан ўтган Smart Fast Story томонидан сотиб олинди. 1 гектар ер 48,07 млрд сўмга баҳоланди.
Бош прокуратура академияси биноси яна аукционга қўйилди
Тошкент шаҳри Миробод туманида жойлашган Бош прокуратура академияси биноси яна кимошди савдосига қўйилди. Бошланғич қиймат ўзгаришсиз қолди — 171,47 млрд сўм.
АКТ вазирлиги ва «Алоқабанк» бинолари битта компания томонидан банк кредити эвазига сотиб олинди
Тошкент марказидаги Рақамли технологиялар вазирлиги ва «Алоқабанк» маъмурий бинолари электрон аукционда Black Gold Industry компанияси томонидан 387 млрд сўмга сотиб олинди. «Алоқабанк» аукциондан бир кун аввал ушбу компанияга 15 йил муддатга 14 фоиз ставкада 390 млрд сўм кредит берган.
Бош прокуратура академияси биноси сотувга қўйилди
Тошкент шаҳри Миробод туманида жойлашган Бош прокуратура академияси бино ва иншоотлари аукционга чиқарилди. Лотнинг бошланғич нархи 171,5 млрд сўм, бўнак пули (закалат) эса 8,5 млрд сўмни ташкил этади.
Шавкат Мирзиёев ерларни аукцион орқали сотишни соддалаштириш чора-тадбирларини тасдиқлади
Президентга ерларни аукцион орқали сотишни соддалаштириш учун савдога қўйиш босқичлари ва муддатларини қисқартириш, бу жараёнга кадастр органлари ходимларини жалб этиш ҳамда хусусийлаштириш бўйича йиғим миқдорини камайтириш таклиф этилмоқда. Давлат раҳбари ушбу чора-тадбирларни тасдиқлади.
Олти ой ичида онлайн аукцион орқали 174 млрд сўмлик авторақамлар сотилди
2022 йилнинг январь-июнь ойларида 174 млрд сўмлик 77 мингдан зиёд авторақамлар онлайн-аукционлар орқали сотилди. Тузилган битимларнинг ўртача қиймати 2,2 млн сўмни ташкил этган.
Дмитрий Муратовнинг Нобель медали аукционда $103,5 млнга сотилди
«Новая Газета» бош муҳаррири Дмитрий Муратов 2021 йилда тинчлик бўйича қўлга киритган Нобель мукофотини аукционга қўйди. Бошланғич нархи $700 минглик лот бир неча дақиқада $16,6 млнга кўтарилди, якунда эса $103,5 млнга сотилди. Маблағлар украиналик қочқинларнинг оилаларига ёрдам беришга сарфланади.
12 йил обод қилган чўл майдонини аукцион орқали тортиб олишмоқчи — «Саҳро ишғолчиси»
Жарқўрғон туманидаги 35 га чўлли майдонда 100 минг тупдан ортиқ саксовул экиб, тупроқ кўчишига қарши курашиб келган Номоз Жумаев вилоят ҳокимлиги ушбу ерга эгалик ҳуқуқини унга бермаётганлигини айтди. Ҳокимлик президент фармонига кўра, эндиликда ер фақат аукцион орқали сотилишини таъкидламоқда.
Тошкент марказидаги АКТ вазирлиги биноси аукционга қўйилди
Давлат активларини бошқариш агентлиги пойтахт марказида 0,26 гектар майдонда жойлашган Ахборот технологиялари ва коммуникацияларини ривожлантириш вазирлигига тегишли бинони сотувга қўйди. Лотнинг бошланғич нархи — 66,52 млрд сўм этиб белгиланди.
Энг кўп ўқилган хабарлар | Сўнгги янгиликлар
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Тошкентда Амир Темур кўчасидаги аянчли ЙТҲдан сўнг янги йўл чизиқлари олиб ташланмоқда. Бу етарлими?
Қўшимча имкониятлардан фойдаланиш учун сайтда рўйхатдан ўтинг