«афғонистон» тегли мақолалар
АҚШ элчиси — Афғонистондан Ўзбекистонга 2021 йилда ўтган 40 дан ортиқ ҳарбий авиатехника ҳақида
2021 йил августида Афғонистондан Ўзбекистонга ноқонуний олиб ўтилган 22 та ҳарбий самолёт ва 24 та вертолёт тақдири ҳамон АҚШ ва Ўзбекистон расмийлари томонидан муҳокама қилинмоқда, дея АҚШнинг Тошкентдаги элчиси Жонатан Хеник «Газета.uz»га маълум қилди. Ҳарбий авиатехникалар Сурхондарёда қолмоқда.
ЕИ ва БМТТД Ўзбекистонда афғонларни ўқитиш ва касбга тайёрлаш лойиҳасининг иккинчи босқичини бошлади
ЕИ ва БМТ Тараққиёт дастури амалга оширган Ўзбекистонда вақтинча яшаётган Афғонистон фуқароларини ўқитиш ва касбга тайёрлаш бўйича лойиҳанинг биринчи босқичида 330 дан ортиқ киши иштирок этди. Термизда лойиҳанинг 400 нафар Афғонистон фуқаросини қамраб олган иккинчи босқичи бошланди.
«Толибон» Қўштепа канали қурилишининг 2-босқичига старт берди
Афғонистонда узунлиги 280 км, эни 100 метр бўлиши кутилаётган Қўштепа канали қурилишининг 2-босқичига старт берилди. «Толибон» вакиллари канал қурилиши бўйича Ўзбекистондан ташвишланмасликни сўради.
Ўзбекистон зилзиладан жабр кўрган Афғонистонга қарийб 100 тонна инсонпарварлик ёрдами юборди
7 октябрдаги кучли зилзилалардан жабр кўрган Афғонистонга Ўзбекистондан қарийб 100 тонна инсонпарварлик ёрдами етказилди. Жўнатма таркибида озиқ-овқат ва бирламчи тиббий ёрдам воситалари бор.
Афғонистонда содир бўлган зилзила қурбонлари сони икки мингдан ошди
Шанба куни Афғонистоннинг ғарбий ҳудудларида содир бўлган 6,3 магнитудали зилзила оқибатида ҳалок бўлганлар сони икки мингдан ошди. Ўзбекистон ТИВ зилзила қурбонларининг оила аъзоларига ҳамдардлик билдирди.
«Яккалаб қўйиш ва санкциялар афғон халқи аҳволини янада оғирлаштирмоқда» — Ўзбекистон президенти
Халқаро хавфсизлик Афғонистондаги жараёнлар билан бевосита боғлиқ. Уни ўз муаммолари билан яна ёлғиз қолдириш катта хато бўлади, деди Мирзиёев БМТ Бош ассамблеясида. У инсонпарварлик ёрдамини давом эттириш, Афғонистоннинг музлатилган активларини ижтимоий муаммоларни ҳал этишга йўналтиришга чақирди.
БМТ маблағ етишмаслиги сабабли Афғонистонга озиқ-овқат ёрдамини қисқартиради
БМТнинг Жаҳон озиқ-овқат дастури «молиялаштиришдаги улкан тақчиллик» туфайли миллионлаб афғонларга ёрдамни қисқартиришга мажбур бўлмоқда. Ташкилот маълумотларига кўра, бугунги кунда мамлакатнинг 90 фоизгача аҳолисида озиқ-овқат тақчиллиги кузатилмоқда.
Ўзбекистон Афғонистонга протеин ва витаминлар етказиб бериш бўйича келишувга эришди
Ўзбекистон Афғонистонга 1 млн долларлик протеин ва витаминлар етказиб бериш бўйича келишувга эришди. 25 кунгача бўлган муддатда дори воситаларини давлат рўйхатидан ўтказишнинг ўзаро соддалаштирилган тизимини жорий этиш бўйича келишув лойиҳаси ҳам ишлаб чиқилмоқда.
Ўзбекистон Афғонистон орқали Покистонга транзит юк ташувларини кенгайтирмоқчи
Ўзбекистон делегацияси Кобулга ташрифи давомида Афғонистонга сармоя киритишни кўпайтириш, бу мамлакат ҳудуди орқали транзитга қўйилган чекловларни бекор қилиш ва юкларни Покистонга олиб ўтишда транзит тўловларини камайтириш, божхона хизматлари фаолиятини узлуксиз режимга ўтказишни муҳокама қилди.
«Толибон» ҳокимиятга келгач, юзлаб собиқ афғон расмийлари ва ҳарбийлари қатл этилди — БМТ
БМТнинг Афғонистонга ёрдам миссияси «Толибон» ҳокимиятга келганидан бери ағдарилган афғон ҳукумати амалдорлари ва аскарларининг камида 218 та ҳолатда судсиз қатл этилганини қайд этди.
«Биз бировга қарам бўлмаймиз». Шавкат Мирзиёев — Афғонистон орқали ўтадиган темирйўл ҳақида
Шавкат Мирзиёев тадбиркорлар билан мулоқотда Афғонистон орқали ўтадиган темирйўл Жанубий Осиёга чиқадиган «энг маъқул, арзон ва хавфсиз йўл» эканини айтди. «Мана шу иккита катта темирйўл бўлса, биз ҳам тариф орқали манфаат кўрадиган давлатга айланамиз, бировга қарам бўлмаймиз», — деди президент.
БМТ махсус элчиси Гаага судини «Толибон»нинг аёлларга қарши жиноятларини тергов қилишга чақирди
БМТнинг глобал таълим бўйича махсус элчиси Гордон Браун Гаагадаги Халқаро жиноий судни Афғонистонда аёллар ва қизларга нисбатан дискриминация учун «Толибон»ни жавобгарликка тортишга чақирди.
Ўзбекистон ва ЕИ Афғонистон бўйича маслаҳатлашувларни давом эттириш ниятида
Ўзбекистон ва Европа Иттифоқи Афғонистон масаласи бўйича маслаҳатлашувларни давом эттиришдан ўзаро манфаатдор эканини билдирди.
Афғонистон 67 та вагондаги нефтни сифатсиз деб Ўзбекистонга қайтармаган, харидор пулини 100% тўлаган — «Ўзбекнефтгаз»
Афғонистон стандарт агентлиги Ўзбекистондан импорт қилинган 67 та вагон нефтни сифатсиз деб қайтарилганини маълум қилди. «Ўзбекнефтгаз» эса нефтни Ўзбекистон эмас, харидор ўзи Афғонистонга олиб киргани, нефть учун пул 100% тўланганини қайд этди.
Трансафғон темирйўли бўйича музокараларнинг якуний босқичи бошланди
Ўзбекистон, Покистон ва Афғонистон Трансафғон темирйўл линиясини қуриш бўйича музокараларнинг якуний босқичини бошлади. Лойиҳа қиймати 4,6 млрд доллардан 8,2 млрд долларгача баҳоланмоқда ва 2027 йилгача якунланиши режалаштирилган. Афғонистон томони Ўзбекистон ишларни баҳорда бошлашини маълум қилди.
Қозоғистон Ўзбекистонга кўмир ташиш тарифларини оширмоқчи, бироқ ун транзити учун тарифларни камайтиришни сўрамоқда
Қозоғистон Ўзбекистонга кўмир ташиш тарифларини оширишни режалаштирмоқда, бироқ айни пайтда Ўзбекистондан Афғонистонга ун маҳсулотлари транзити учун тарифларни камайтиришни сўрамоқда. Мамлакатлар бош вазирлари ўринбосарлари Қарағандада маиший техника ишлаб чиқаришни йўлга қўйишни ҳам муҳокама қилди.
Афғонистонда аёллар гўзаллик салонлари фаолияти тақиқланди
«Толибон» ҳаракати Афғонистондаги аёллар гўзаллик салонларини ёпишга буйруқ берди. Аввалроқ мамлакатда аёлларга ўқиш тақиқланган, ҳижоб ўраш эса шарт этиб белгиланганди.
Ўзбекистон сув вазири Қўштепа канали орқали Афғонистон Амударёдан қанча сув олиши мумкинлигини маълум қилди
Афғонистон Қўштепа канали орқали 600 минг гектар ерни суғормоқчи экани ҳақидаги гаплар асоссиз. Ўзбекистон сув хўжалиги вазири Шавкат Хамраевнинг айтишича, «Толибон» тахминан 300 минг гектарни суғормоқчи, бунга 4−5 млрд куб метр сув етади. Ўзбекистон мана шу миқдор сақланиб қолишига интилади.
Афғонистонда ҳам, минтақада ҳам террорчилик таҳдиди кучаймоқда — БМТ ҳисоботи
БМТ ҳисоботида айтилишича, «Толибон» бир қатор террористик гуруҳлар билан алоқада ва терроризм таҳдиди Афғонистонда ҳам, минтақада ҳам кучаймоқда. «Толибон» раҳбарияти ичида ҳам келишмовчиликлар бор. «Толибон» бу ҳисоботни «асоссиз ва нохолис» деб атади.
Ўзбекистон президенти МО ва ЕИ ўртасидаги мулоқот доирасида қатор ташаббусларни илгари сурди
Шавкат Мирзиёев «Марказий Осиё — ЕИ» етакчилари саммитида Ўзбекистонда ЕИ талаблари бўйича стандартлаштириш лабораториялари ҳали яратилмаган бўлса-да, GSP+ тартибини узайтиришдан манфаатдор эканини таъкидлади. Шунингдек, у Транскаспий йўлагини ривожлантириш учун қулайроқ тарифлар зарурлигини айтди.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг