«журналистлар» тегли мақолалар
2024 йилда дунё бўйлаб 54 нафар журналист ўлдирилди — «Чегара билмас мухбирлар»
«Чегара билмас мухбирлар» ташкилоти ҳисоботига кўра, 2024 йилда 17 давлатда 54 нафар журналист ўз хизмат вазифасини бажараётиб ҳалок бўлди. Уларнинг ярмидан кўпи жанговар зоналарда вафот этган. Дунё бўйлаб 550 нафар журналист қамоқда қолмоқда.
«Толибон» ҳукумати даврида 250 дан ортиқ ҳолатда журналистлар ҳибсга олинди — БМТ
БМТнинг Афғонистондаги миссияси «Толибон» уч йил аввал ҳокимиятни қўлга олганидан буён журналистларни ўзбошимчалик билан 256 марта ҳибсга олганини маълум қилди. Шунингдек, у ердаги расмийларни оммавий ахборот воситаларини ҳимоя қилишга чақирди.
Шавкат Мирзиёев Матбуот ва ОАВ ходимлари куни муносабати билан бир гуруҳ соҳа вакилларини мукофотлади
Президент Матбуот ва оммавий ахборот воситалари ходимлари куни муносабати билан қатор соҳа вакилларини орден ва медаллар билан мукофотлади (рўйхат).
Жаҳонгир Ортиқхўжаев баъзи журналистларни «УЖЖ» деб атаб, «сал пастроққа тушишни» сўради
Собиқ ҳоким Жаҳонгир Ортиқхўжаев журналист ва блогерларни танқид қилиб, айримларини УЖЖ — «уюшган жиноий журналистлар» деб атади. У улардан «сал пастроққа тушишни» ва ўзларини «бутун жамоатчилик» деб ҳисобламасликни сўради. Унинг сўзларига кўра, улар хорижий ОАВ билан рақобатга дош бера олмайди.
IFJ: 2023 йилда 100 га яқин журналист ўлдирилди
2023 йил бошидан буён дунё бўйлаб 94 нафар журналист ва ОАВ ходимлари ҳалок бўлди, уларнинг аксарияти Ғазо уруши қурбони саналади. 400 га яқин журналист турли мамлакатлар қамоқхоналарида қолмоқда.
Журналистлар коррупциянинг янги кўринишларини очишда ёрдам беряпти — Акмал Бурханов
ОАВда чиқаётган коррупцияга оид ҳар бир материал алоҳида назоратга олиняпти, дея қайд этди Коррупцияга қарши курашиш агентлиги директори. «Журналистлар суриштирувлар орқали коррупциянинг янги кўринишларини очишда бизга ёрдам беряпти ва улар жиноят сифатида эътироф этиляпти», — деди Акмал Бурханов.
Журналистлар ва фаоллар президентга «яширин, лекин кучли цензура» сабабли мурожаат қилишди
Журналистлар ва жамоат фаоллари Ўзбекистон президентига «яширин, лекин кучли цензура» юзасидан мурожаат қилишди. Мурожаат муаллифлари давлат раҳбаридан матбуотнинг том маънодаги мустақиллигини таъминлашда тарихий ёрдам беришини сўрашди.
«Сўз эркинлигининг чегарасини Адлия вазирлиги белгиламайди». Тармоқ фаоллари вазирлик эслатмасини қоралади
Адлия вазирлиги ОАВ ва блогерларни «жамиятдаги муаммоларни фақат ҳуқуқий воситалар асосида ҳал қилиш»га чақириб, ОАВдаги туҳмат ва ҳақорат учун жазоларни эслатди. Фаоллар эса бу каби эслатмалардан «сўз эркинлиги ютқазаётгани», «эркин матбуот ҳали адлиянинг ўзига ҳам керак бўлиши»ни таъкидлади.
2022 йилда дунё бўйлаб 86 журналист ўз вазифасини бажаргани учун ўлдирилган
2022 йилда дунёда 86 нафар журналист ўз касбий фаолияти учун ўлдирилган. БМТ Инсон ҳуқуқлари бўйича олий комиссари Фолькер Тюрк сўнгги 10 йил ичида 1300 дан ортиқ журналист ўлдирилганини маълум қилди.
Ахборот кодекси лойиҳаси: Жамоатчилик нимадан норози?
Ахборот кодекси лойиҳаси жамоатчилик муҳокамасига қўйилгач фаолларнинг эътирозларига сабаб бўлди. Жумладан, Масс-медиа фонди Васийлик кенгаши раиси Нозима Давлетова 45-моддани «хавфли» деб атади. Нурбек Алимов эса «7-модда ҳар қандай блогер ёки ОАВни синдириб юбориши мумкин»лигини таъкидлади.
Йил бошидан бери дунёда 67 нафар журналист ўз вазифасини бажариш чоғида ҳалок бўлди
Халқаро журналистлар федерациясининг маълум қилишича, йил давомида 67 нафар журналист ҳамда ОАВ вакиллари ўз вазифасини бажариш чоғида ҳалок бўлди. Федерация бош котиби БМТ Бош Ассамблеясида «Журналистларнинг хавфсизлиги ва мустақиллиги бўйича» конвенция қабул қилиш вақти келганини айтмоқда.
ИИО ходимлари журналистларнинг ижтимоий тармоқлардаги изоҳлари учун уларнинг ота-оналарини сўроқ қилди
«Газета.uz» мухбирининг Facebook’даги изоҳи учун ота-онасининг уйига ИИБ тергов-қидирув бўлими ходими келди. Бошқа журналистнинг Facebook’даги постлари учун ота-онаси ИИБ Миграция бўлимига чақиртирилди. Жамоатчилик бу нима — «англашилмовчиликми ё ўзбошимчалик» эканига изоҳ беришни талаб қилмоқда.
Шавкат Мирзиёев оммавий ахборот воситалари ходимларини табриклади
Шавкат Мирзиёев ОАВ ходимларига табригида улар фаолиятига тўсқинликлар демократик ислоҳотларга қарши ҳаракат сифатида баҳоланиши кераклигини таъкидлади. «Суд ва прокуратура органлари бизга мутлақо ярашмайдиган бундай салбий ҳолатлар бўйича қатъий чоралар кўриши лозим», — деди у.
290 дан ортиқ журналист ҳибсда сақланмоқда — ЖҲҚ
2021 йилда дунё бўйлаб қамоқхоналардаги журналистлар сони рекорд даражага етди — 293 нафар ОАВ ходими қамоққа олинган. Яна 24 нафар журналист ҳалок бўлган.
Сўнгги 14 йил ичида дунё бўйлаб 1200 дан ортиқ журналист ўлдирилган
2006 йилдан 2020 йилгача бўлган даврда дунё бўйлаб 1200 дан ортиқ журналист ўлдирилган. Бу қотилликларнинг ҳар 10 тасидан деярли 9 таси судда очилмаган. Ташкилот сўровида иштирок этган журналист аёлларнинг 73 фоизи ўз иши билан боғлиқ ҳолда интернет орқали таҳдид, қўрқитиш ва таъқибга учраб келаётганини айтган.
«20 йилдан ошди, қонун қабул қилдик, лекин уни бузганлик учун жавобгарлик йўқ» — депутат журналистлар ҳимояси бўйича қонундаги камчилик ҳақида
Депутат Расул Кушербаев журналистлар ҳимоясига оид қонунларни бузганлик учун жавобгарлик белгиланмагани соҳада кўплаб муаммоларни келтириб чиқараётганини таъкидлади. Унинг айтишича, Қонунчилик палатаси депутатлари бу масалада бир неча бор ҳаракат қилиб кўришган. «Биз, шахсан мен ҳам тарафдорманки, ҳимоя қонунини қабул қилдикми, ҳимояни бузганга доир жавобгарлик масаласини ҳам жиноят кодексида белгилаб қўйишимиз шарт», — деди депутат.
«ОАВларни ишига аралашиб, у нотўғри, бу тўғри дейиш давлатнинг иши эмас» — Танзила Нарбаева
Сенат раиси журналистлар учрашувда давлат идора ва ташкилотлари мансабдорлари цензура ўрнатиши, ОАВ ишига тўсқинлик қилиши, тазйиқ ва босим ўтказишига қарши жавобгарлик янада кучайтирилишини маълум қилди. «Сизларни фаолиятингизга аралашишга, кўрсатма, йўналиш беришга ҳеч кимнинг ҳаққи йўқ», — деди у.
Effect.uz журналистлари суд биносидаги воқеадан кейин қидирувга берилди
Effect.uz сайтининг икки мухбири январь ойида жиноят ишлари бўйича Термиз туман судидаги ҳодисадан сўнг қидирувга берилиб, сиртдан ҳибсга олинди. Улар ҳокимият вакилига қаршилик кўрсатиш ва терговга ёки суд ишларининг ҳал қилинишига халақит берганликда сиртдан айбланмоқда. Ўз навбатида, нашр раҳбари ходимларининг бирига чақирув қоғози келмагани, бири икки марта прокуратурага борганини маълум қилди. Ҳодиса тафсилотлари.
Daryo.uz бош муҳаррири ҳуқуқни муҳофаза қилиш органларига чақиртирилганини рад этди
Daryo.uz бош муҳаррири Муҳрим Аъзамхўжаев уни «профилактик суҳбат учун» ҳуқуқни муҳофаза қилиш органларига чақиртиришгани ҳақидаги хабарларни рад этди. «Газета.uz» манбалари эса бир неча журналистлар чақиртирилганини маълум қилди.
«Бу ерда гапларимиз бор-да бизнинг, рухсат ҳаммаларингизга» — Касаба уюшмаларидаги йиғилишдан ОАВ вакиллари чиқариб юборилди
Касаба уюшмалари федерациясида бўлиб ўтган видеоселектордан ОАВ вакиллари чиқариб юборилди. «‘Телевизорчик'лар кетсин, бўлди. Бу ерда гапларимиз бор-да бизнинг, илтимос сизлардан, рухсат ҳаммаларингизга. Бўлди кетаверсин», — деди федерация раиси Қудратилла Рафиқов. Шундан сўнг, федерация матбуот хизмати раҳбари журналистларга «материал эфирга берилиши олдидан уларга кўрсатилиб, рухсат олиш кераклигини уқтирган». Йиғилишда Сенат раиси ва президент маслаҳатчиси ҳам қатнашган.
Энг кўп ўқилган хабарлар | Сўнгги янгиликлар
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Тошкентда Амир Темур кўчасидаги аянчли ЙТҲдан сўнг янги йўл чизиқлари олиб ташланмоқда. Бу етарлими?
Қўшимча имкониятлардан фойдаланиш учун сайтда рўйхатдан ўтинг