«ижтимоий ҳимоя миллий агентлиги» тегли мақолалар
Ижтимоий ҳимоя агентлиги — Ўзбекистонда ижтимоий карталарни ишга тушириш учун хусусий шерикни танлаш ҳақида
Ижтимоий ҳимоя миллий агентлиги Ўзбекистонда «Ижтимоий карта» тизимини ишлаб чиқиш ва жорий этиш бўйича БААдаги Oxinus Holding Limited компанияси билан шартнома тузди. Давлат органи маълумотларига кўра, компания 3 млн доллар сармоя киритмоқда.
Россияда ота-она қарамоғисиз қолган яна 15 нафар бола Ўзбекистонга қайтарилди
Россиянинг турли шаҳарларида ота-она қарамоғисиз қолган яна 15 нафар бола Ўзбекистонга қайтарилди. Уларнинг 10 нафари вақтинча Вояга етмаганларга ижтимоий-ҳуқуқий ёрдам кўрсатиш марказига, қолган 5 нафари эса Болалар уйига жойлаштирилди.
Асила Мирзаёрова ногиронлиги бўлган шахслар ҳуқуқларини ҳимоя қилиш бўйича махсус вакил бўлди
Пара енгил атлетика бўйича паралимпия чемпиони Асила Мирзаёрова Ижтимоий ҳимоя миллий агентлигининг ногиронлиги бўлган шахслар ҳуқуқларини ҳимоя қилиш бўйича махсус вакили лавозимига тайинланди.
Усмон Шарифходжаев Ижтимоий ҳимоя миллий агентлиги директорига ўринбосар бўлди
Усмон Шарифходжаев Ижтимоий ҳимоя миллий агентлиги директорига ўринбосар бўлди. У 2020 йилдан буён мактабгача ва мактаб таълими вазирининг биринчи ўринбосари сифатида ишлаб келаётганди.
Россияда ота-она қарамоғисиз қолган яна 4 нафар ўзбекистонлик бола ватанга қайтарилди
Россияда ота-она қарамоғидан маҳрум бўлган яна 4 нафар вояга етмаган Ўзбекистон фуқароси ватанга қайтарилди. Болалар «МДҲ иштирокчи давлатларининг вояга етмаганларни доимий яшаш жойига қайтариш масалаларида ҳамкорлик тўғрисидаги битим» доирасида олиб келинмоқда.
Ўзбекистонда қарийб 6 ойда 19 минг фуқаро учун 32,5 млрд сўмлик протез ва реабилитация воситалари берилди
Салкам ярим йилда 19 минг ногиронлиги бўлган ва ногиронлик гуруҳига эга бўлмаган пенсия ёшидаги шахсларнинг протез ва реабилитация воситалари учун 32,5 млрд сўм субсидия ажратилди. Ижтимоий ҳимоя миллий агентлигига кўра, фуқароларга 30 турдаги маҳсулот электрон ваучер шакллантириш орқали берилмоқда.
Ўзбекистонда Камбағал оилалар реестри шакллантирилади
Ўзбекистонда 1 декабрдан Ижтимоий ҳимоя миллий агентлиги томонидан Камбағал оилалар реестри шакллантирилади. Бу «маҳалла еттилиги» томонидан камбағал оилаларнинг ижтимоий шароити ва камбағалликка тушиш сабабларини ўрганиш орқали амалга оширилади.
Россияда қаровсиз қолган ўзбекистонлик бола ватанга қайтарилди
Россияда ота-она қарамоғисиз қолган ўзбекистонлик бола Тошкентга олиб келиниб, бувисига топширилди. Болага психологик ва ҳуқуқий ёрдам кўрсатилиши таъкидланди.
Россияда қаровсиз қолган 14 нафар бола Ўзбекистонга қайтарилди
Россиянинг Санкт-Петербург шаҳрида ота-она қарамоғисиз қолган 14 нафар бола Ўзбекистонга қайтарилди. Уларга ўзларининг яшаш манзилига яқин «Инсон» ижтимоий хизматлар марказлари томонидан ёрдам кўрсатиб бориш белгиланди.
Диёра Келдиёрова гендер тенгсизлиги ва болаларга нисбатан зўравонликка қарши курашиш бўйича махсус вакил бўлди
Дзюдо бўйича 2024 йилги Олимпиада чемпиони Диёра Келдиёрова Ижтимоий ҳимоя миллий агентлигининг гендер тенгсизлиги ва болаларга нисбатан зўравонликка қарши курашиш бўйича махсус вакили лавозимига тайинланди.
Сенат «Болаларни зўравонликнинг барча шаклларидан ҳимоя қилиш тўғрисида»ги қонунни маъқуллади
Сенаторлар «Болаларни зўравонликнинг барча шаклларидан ҳимоя қилиш тўғрисида»ги қонунни маъқуллади. Зўравонлик шаклларига ғамхўрлик қилмаслик, эксплуатация ва буллингни ҳам киритиш, шунингдек, болаларни ҳимоялаш тартибини жорий этиш ва тарбия жараёнида жисмоний жазолашни тақиқлаш таклиф этилмоқда.
Адаптив спорт турлари ассоциацияси ташкил этилди
Президент топшириғига асосан, ногиронлиги бўлган шахсларни спортга жалб қилиш мақсадида шу йўналишдаги федерацияларни ўз ичига олган Адаптив спорт турлари ассоциацияси ташкил этилди. ИҲМА директорининг ўринбосарлари ташкилот тузилмаларидаги масъул лавозимларга сайланди.
Камбағалликни қисқартириш Ижтимоий ҳимоя агентлиги зиммасида бўлади
Камбағалликни қисқартириш ва ижтимоий ҳимоя масаласи Ижтимоий ҳимоя миллий агентлиги зиммасига юкланади, деди президент. Ҳозир камбағаллик масалалари билан Камбағалликни қисқартириш ва бандлик вазирлиги шуғулланади, олдин бунга Иқтисодий тараққиёт ва камбағалликни қисқартириш вазирлиги жавоб берган.
АҚШнинг Колумбия университети Ижтимоий иш мактаби Ўзбекистонга ижтимоий ҳимоя тизимини йўлга қўйишда ёрдам беради
Ўзбекистон Ижтимоий ҳимоя миллий агентлиги ва АҚШ Колумбия университети Ижтимоий иш мактаби Ҳамжамиятларни мустаҳкамлаш ва ижтимоий фаровонликни ривожлантириш марказини ташкил этди. У аҳолини ижтимоий қўллаб-қувватлаш ва ижтимоий ходимларни тайёрлаш соҳасида илмий-тадқиқот ишлари билан шуғулланади.
Жаҳон банки Ўзбекистонда аҳолининг ижтимоий ҳимояси учун 100 млн долларли кредит ажратди
Жаҳон банки Ўзбекистонда аҳолининг ижтимоий ҳимояга муҳтож қатламларини ҳимоялашга қаратилган «Инсон» лойиҳаси учун 100 млн доллар миқдорида имтиёзли кредит ажратди. Лойиҳа, жумладан, 50 мингдан ортиқ аҳолига сифатли ижтимоий ва реабилитация хизматларидан фойдаланиш имконини беради.
Зўравонлик қурбонларига маҳалла, туман ва вилоят миқёсида ёрдам кўрсатилади
Маҳаллаларда зўравонликка учраган аёлларга ижтимоий ёрдам берилмаяпти, дейилади президент билан учрашувда. Буни ўзгартириш режалаштирилмоқда. «Инсон» марказлари томонидан туман миқёсида ёрдам кўрсатилади. Зўравонликка қарши кураш таълим ва меҳнат муносабатлари соҳаларида ҳам кўриб чиқилади.
Тошкентда ногиронлиги бўлган шахслар ишлаб чиқарган маҳсулотларнинг савдо кўргазмаси ўтказилади
1−2 май кунлари «Ўзэкспомарказ»да имконияти чекланган шахслар томонидан ишлаб чиқарилган маҳсулотларнинг савдо кўргазмаси бўлиб ўтади. Унда мебель, тўқимачилик, пойабзал, маиший техника ва озиқ-овқат маҳсулотлари тақдим этилади.
Газ ва электр тарифлари ошиши сабабли муҳтож оилаларга қандай ёрдам берилади?
ИҲМА газ ва электр энергияси тарифлари оширилиши муносабати билан 1,5 миллионга яқин муҳтож оилаларга қандай ёрдам кўрсатилишини тушунтирди. Камбағаллик чегараси, пенсия ва нафақа миқдорини ошириш, иситиш мавсумида 270 минг сўм миқдорида бир марталик компенсация тўлаш кўзда тутилган.
USAID Ўзбекистонда 25 млн долларлик «Барча болалар муваффақиятли» лойиҳасини ишга туширди
USAID Ўзбекистонда 5 йилга мўлжалланган «Барча болалар муваффақиятли» лойиҳасини бошлади. 25 млн долларлик лойиҳа дастлаб Наманган ва Сирдарё вилоятларида тажриба тариқасида амалга оширилади. Дастур мактаб таълими, ўқув материаллари ва ўқитувчилар малакасини инклюзивлаштиришга хизмат қилади.
Ташқи ишлар вазирлиги яна бошқа бинога кўчди
Ташқи ишлар вазирлиги собиқ Иқтисодий тараққиёт ва камбағалликни қисқартириш вазирлиги биносига кўчди. ТИВ биносида эса янги ташкил этилган Ижтимоий ҳимоя миллий агентлиги жойлашади.
Энг кўп ўқилган хабарлар | Сўнгги янгиликлар
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Тошкентда Амир Темур кўчасидаги аянчли ЙТҲдан сўнг янги йўл чизиқлари олиб ташланмоқда. Бу етарлими?
Қўшимча имкониятлардан фойдаланиш учун сайтда рўйхатдан ўтинг