«омбудсман» тегли мақолалар
Самарқанддаги 60 ўринли махсус қабулхонада 160 киши сақланаётгани аниқланди
Самарқанд вилоятидаги 60 ўринли маъмурий тартибда ҳибсга олинган шахсларни сақлаш учун махсус қабулхонада 161 киши сақланаётгани аниқланди. Омбудсманнинг минтақавий вакили томонидан сақланувчи шахсларнинг яшаш ва меҳнат шароитлари ўрганилди. Уларнинг бир кунлик даромади ўртача 40 500 сўмни ташкил қилади.
«Маҳкумлар шикояти бўйича 7 нафар ички ишлар ходимига интизомий жазо қўлланилган» — Омбудсман
2021 йилда Омбудсман номига маҳкумлар, уларнинг яқин қариндошлари ҳамда адвокатлари томонидан 6104 та мурожаат келиб тушган. Маҳкумларнинг шикоятлари асосида 4 та ҳолатда ички ишлар ходимларининг 7 нафар ходимига интизомий таъсир чоралари қўлланилди. 59 нафар маҳкумга тайинланган жазолар енгилроқларига алмаштирилди.
2021 йилда Омбудсман офисига 18,7 мингдан ортиқ мурожаат келиб тушди
Олий Мажлиснинг Инсон ҳуқуқлари бўйича вакили офисига 2021 йилда 18,7 мингдан кўпроқ мурожаат келиб тушди, бу бир йил аввалги кўрсаткичга (14,9 минг) қараганда ошган. Шундан 11257 таси кўриб чиқиш учун иш юритувига олинган. Мурожаатларнинг асосий қисмини мулкка бўлган ва меҳнат ҳуқуқларини таъминлаш, ижтимоий имтиёз ва нафақалар олиш каби масалалар ташкил этган.
2021 йилда Омбудсман аралашуви билан 53 нафар маҳкум озодликка чиқарилди
2021 йилда Инсон ҳуқуқлари бўйича вакил аралашуви билан 53 нафар маҳкум озодликка чиқарилди. Жумладан, 48 нафар маҳкумга тайинланган озодликдан маҳрум қилиш жазоси аҳлоқ тузатиш ишларига, 3 нафар маҳкумни жазоси эса шартли равишда озод этишга ва 2 нафар маҳкумники уй қамоғига алмаштирилган.
«Қамоқхоналарда қийноқ ҳолатларини деярли учратганим йўқ» — Омбудсман
Инсон ҳуқуқлари бўйича вакил Феруза Эшматова 9 ой ичида қамоқхоналарга 120 та мониторинг ташрифлари амалга оширилганини маълум қилди. Унинг айтишича, мониторинг давомида қамоқхоналарда «қийноқ ҳолатлари деярли учрамаган». «Шу пайтгача уларнинг ҳеч қайсисидан „мени бу қийнаяпти“, „урди“ ёки қанақадир „руҳий тазйиқ, босим, қийноқлар ўтказаяпти“ деган мурожаат бўлмади», — дейди омбудсман.
Пробация хизмати 60 мингдан ортиқ шахсни назоратга олган
Сентябрь ҳолатига Пробация хизмати томонидан 60 минг 434 киши назорат остига олинган. Уларнинг 91,5 фоизини эркаклар, 8,5 фоизини аёллар, 28 фоизини ёшлар ва 1 фоиздан камроғини вояга етмаганлар ташкил қилади. 2001 йилда битта инспектор 13 кишини назорат қилган бўлса, 2021 йилга келиб бу кўрсаткич 108 кишига етди.
Омбудсманга қонунчилик ташаббуси ҳуқуқи берилади
Олий Мажлиснинг инсон ҳуқуқлари бўйича вакилига (омбудсман) қонунчилик ташаббуси ҳуқуқи берилади.
Омбудсманнинг жойларда минтақавий вакиллари фаолияти йўлга қўйилади
Барча ҳудудларда омбудсманнинг минтақавий вакиллари фаолияти йўлга қўйилади. Улар фуқаролардан шикоятларни қабул қилиб, инсон ҳуқуқлари мониторингини юритади.
Омбдусман мажбурий эмлаш ортидан инсон ҳуқуқларига путур етиш ёки етмаслигига оид саволларга жавоб берди
17 июлда Ўзбекистон Бош давлат санитария врачи қарори билан 14 тоифадаги фуқаролар коронавирусга қарши мажбурий эмланиши шарт этиб белгиланди. Орадан 11 кун ўтиб, қуйи палата депутатлари мажбурий эмлашни қонунийлаштиришга оид қонун лойиҳасини маъқуллаб, Сенатга юборди. «Газета.uz» сўровига биноан омбудсман Феруза Эшматова мажбурий эмлаш ва уни қонунийлаштириш жараёни, бу борада халқаро норма ва тажриба, фақат бир вакцина мавжудлиги туфайли аҳолининг танлов ҳуқуқи бузилиши каби саволларга жавоб берди.
«Мурожаатларнинг 30 фоизи ижобий ҳал бўлган». Омбудсманнинг 6 ойлик фаолияти сарҳисоб қилинди
Жорий йилнинг биринчи ярмида Омбудсманга 9 632 та мурожаат келиб тушган, бу ўтган йилга нисбатан 32 фоизга кўп. Ҳозирга қадар уларнинг 30 фоизи ижобий ҳал қилинган. Натижада 13 та жиноий, 4 та маъмурий ва 8 та интизомий иш қўзғатилган. 16 нафар мансабдор жавобгарликка тортилган, қолаверса, 10 дан ортиқ фуқаро ишга тикланган.
Омбудсман ҳузурида қийноқларни аниқлаш бўйича гуруҳ ташкил этилади
Президент қийноқларнинг олдини олиш тизимини такомиллаштириш тўғрисидаги янги ҳужжатга имзо чекди. Омбудсман ҳузурида қийноқларни аниқлаш бўйича жамоатчилик гуруҳлари ташкил этилади. Жабрланганларга ёрдам кўрсатиш ва етказилган зарарни компенсация қилиш тизими йўлга қўйилади.
«2021 йил ҳисобидан ҳали бирорта маҳкум коронавирусга чалингани йўқ» — ИИВ вакили
Омбудсман Феруза Эшматова бошчилигидаги экспертлик гуруҳи 23-сон маҳкумларга мўлжалланган ихтисослашган касалхонага борди. Унга ҳамроҳлик қилган ИИВ Жазони ижро этиш департамени тиббий бўлими бошлиғи Баҳодир Юсуповнинг айтишича, қамоқхоналарда йил бошидан бери COVID-19`га чалиниш ҳолатлари қайд этилмаган.
ЎзДЖТУнинг 4 курсдан йиқилган 6 нафар талабаси ўқишга қайта тикланди — Омбудсман
Давлат жаҳон тиллари университетининг 6 нафар талабаси масофавий таълим вақтида электр узилиши сабаб назорат ишларини модулга кирита олмай, 4 курсдан йиқилган. Ота-оналарнинг вазирлик ва ташкилотларга қилган мурожаати эса бесамар кетган. Орадан қарийб бир йил ўтиб, Омбудсман аралашуви билан талабалар ўқишга қайта тикланди.
Маҳкумларнинг Омбудсман ва Бизнес омбудсманга йўллаган шикоятини кўздан кечириш тақиқланиши мумкин
Маҳкумларнинг Омбудсман ва Бизнес омбудсманга йўллаган шикоятини қамоқхона раҳбарияти кўздан кечириши тақиқланиши мумкин. Қолаверса, олувчига йигирма тўрт соатдан кечиктирмай юборилиши белгиланмоқда. ИИВ тегишли буйруққа ўзгартиш ва қўшимчалар киритишни таклиф этмоқда.
«Қийноқлар аниқланмаётганига сабаб қамоқхоналардаги тиббий ходимлар ИИВга бўйсунади» — Расул Кушербаев
Депутат Расул Кушербаев Омбудсманнинг 2019 йилги ҳисоботида 139 нафар маҳбусдан қийноқлар билан боғлиқ шикоят келганини, лекин улар тасдиқланмаганини қайд этди. Бунга «Қамоқхоналардаги тиббий хизмат ИИВга бўйсуниши» сабаб бўлаётгани таъкидланди. У қамоқхоналардаги тиббий хизматни Соғлиқни сақлаш вазирлиги тасарруфига ўтказиш бўйича омбудсманнинг ўтган йилги таклифи очиқ қолганини таъкидлади.
Феруза Эшматова Инсон ҳуқуқлари бўйича вакил этиб сайланди
Сенаторлар Инсон ҳуқуқлари бўйича вакил лавозимига Феруза Эшматова номзодини тасдиқлашди. У мазкур лавозимда Улуғбек Муҳаммадиев ўрнини эгаллади. Бундан ташқари, Сенатнинг Хотин-қизлар ва гендер тенглик масалалари қўмитаси раислигига эса Малика Кадирханова сайланди.
Феруза Эшматова Инсон ҳуқуқлари бўйича вакил (Омбудсман) этиб сайланди
Ўзбекистон янги омбудсмани этиб Хотин-қизлар ва гендер тенглик масалалари қўмитаси раиси вазифасида фаолият юритган Феруза Эшматова сайланди.
ИИВ собиқ ходимаси орадан 8 йил ўтиб, лавозимига тикланди
ИИВ собиқ ходимаси Хуршида Джалилова 2012 йилда Ўзбекистон Республикаси фуқаролигига мансуб эмаслиги хулосаси билан ишдан бўшатилган. Омбудсман Олий суд ишга тиклаш бўйича ажрим чиқарган бўлсада, нима сабабдан ижроси таъминланмагани бўйича ўрганишлар олиб борди. Унинг натижасида ИИВ собиқ ходимаси 8 йил ўтиб, лавозимига қайта тикланишига эришилди.
Омбудсман Акмал Саидовнинг танқидига жавоб қайтарди
Инсон ҳуқуқлари бўйича Миллий марказнинг директори Акмал Саидов Андижондаги қийноқ масаласида Омбудсманнинг минтақавий вакилига нисбатан танқидий фикр билдирди. Олий Мажлиснинг Инсон ҳуқуқлари бўйича вакили (Омбудсман) ушбу ҳолат ҳақида хабар тарқагач, ташкилот уни ўрганиб, алоҳида назоратига олганлигини ҳамда бу пайтда Инсон ҳуқуқлари бўйича Миллий марказ жим турганига ишора қилди.
Энг кўп ўқилган хабарлар | Сўнгги янгиликлар
- Хонанда Ширин Абдуллаева 19 ёшида вафот этди
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Тошкентда вояга етмаган қизни меҳмонхонага олиб бориб, унга шилқимлик қилган ва жароҳат етказган эркак қамалди
Қўшимча имкониятлардан фойдаланиш учун сайтда рўйхатдан ўтинг