«солиқ» тегли мақолалар
Январь-ноябрь ойларида республика бўйлаб қурилиш компаниялари 6,6 трлн сўм солиқ тўлаган
1 декабрь ҳолатига кўра, Ўзбекистонда қурилиш фаолияти билан шуғулланувчи 17 467 та корхона томонидан 6,6 трлн сўм солиқ тўланган. Хусусан, умумий солиқ тушумларининг 41,1 фоизи ёки 2,7 трлн сўми Тошкент шаҳри ҳисобига тўғри келади.
Тўлов хизматлари барча турдаги тўловларни қабул қилишни қайта тиклади
Тўлов хизматлари сешанба оқшомида таъминотчиларга тўлов, QR-код бўйича тўлов ва жойлардаги тўлов хизматларини қайта тиклади. Apelsin сервиси ҳамкорлардан маҳсулот ва хизматларнинг идентификацион кодларини 15 ноябрга қадар тақдим этишни сўради.
Деярли 4,5 млн ўзбекистонлик солиқлардан 2,7 трлн сўм қарздор — Солиқ қўмитаси
Давлат солиқ қўмитаси деярли 4,5 млн ўзбекистонлик мол-мулк ва ер солиғидан 2,7 трлн сўм қарздор эканини маълум қилди. Соҳалар кесимида энг кўп қарздорлик қишлоқ хўжалиги вазирлиги таркибидаги ташкилотларда ишловчи ходимларда экани кўрсатилди.
Тадбиркорлик субъектлари фаолиятида текширув ўтказиш рўйхатга олинади
Президент қарори билан тадбиркорлик субъектларида ўтказиладиган текширувлар «Ягона давлат назорати» ахборот тизимида рўйхатга олинади. Тизимда бўлмаган текширувларни ўтказиш эса ноқонуний ҳисобланади. Қарорга кўра, айрим ҳолларда тадбиркор назоратчиларни текширув учун ҳудудига қўймасликка ҳақли.
Фуқаролар ва тадбиркорлар бир қатор солиқларни тўлашдан озод қилинди — Солиқ кодексига ўзгартишлар
Фуқароларнинг хусусий боғча ва мактабларга тўлайдиган 3 млн сўмгача маблағлари солиқдан озод этилади, мобиль алоқа хизматлари учун солиқ ставкалари 15 фоиздан 10 фоизга туширилади, тадбиркорлар ва балиқ етиштирувчиларга солиқ имтиёзлари берилади — Солиқ кодексига қўшимча ва ўзгартиришлар киритилди.
Хонандалар даромад солиғини декларация асосида тўлаш тартиби белгиланди
Президент фармони билан хонанда ва ижрочиларга даромад солиғини декларация асосида тўлаш тартиби белгиланди. Шунингдек, тўйхона ва ресторанларда хизмат кўрсатувчи ижрочилар 2024 йил 1 январгача даромад солиғини тўлашдан озод этилади.
Ўзбекистондаги 10 та энг йирик солиқ тўловчилар прогнози эълон қилинди
Молия вазирлиги Ўзбекистондаги 10 та энг йирик солиқ тўловчи ташкилот бўйича прогноз маълумотларини эълон қилди. Унда Навоий (20,2%) ва Олмалиқ (11%) кон-металлургия комбинати энг юқори ўринларни эгаллади.
Йил якунигача давлат органларига ортиқча харажат қилиш тақиқланди
Президент давлат органларига жорий йил якунигача ортиқча харажат қилишни тақиқлади. 2022 йилда ҚҚС бўйича даромадларни ошириб бажарилган қисмидан ҳудудий бюджетларга йўналтириладиган маблағларнинг 40 фоизи, ҳудудларнинг бюджетдан ташқари жамғармаларига келиб тушган маблағларнинг 15 фоизи республика бюджетига қайтарилади. Қолаверса, давлат ташкилотларига автомобиль харид қилиш, бино ва иншоотларни таъмирлаш ҳам тақиқланмоқда.
Февраль ойи учун 18,4 млрд сўм кешбэк тўлаб берилди — ДСҚ
Давлат солиқ қўмитаси февраль ойида харид чекини рўйхатдан ўтказган 183 мингдан ортиқ истеъмолчига 18,4 млрд сўм кешбэк тўлаб берилганини маълум қилди.
Тадбиркор солиқ ўзгаришларини билмаса, унга жазо бериш эмас, тўғри йўлни ўргатиш керак — Шавкат Мирзиёев
Президент Шавкат Мирзиёев солиқ органи раҳбарларига соҳадаги янгича ҳисобот ва ўзгаришларни билмаган тадбиркорларни жазолаш эмас, тўғри тушунтириш кераклигини таъкидлади. «Фақат биз тўғри қиляпмиз, деб юришимиз нотўғри… Энг катта муаммоингиз — тушунтириб бермаганингиз», — деди давлат раҳбари.
2024 йил якунигача жисмоний шахсларнинг акциялардан олган дивидендлари солиқдан озод қилинади
Президент қарори билан 2022 йил 1 апрелдан 2024 йил 31 декабргача жисмоний шахсларнинг акциялардан олган дивидендлари даромад солиғидан озод қилинади. Норезидент юридик шахслар учун эса 5% ставкада фойда солиғи тадбиқ этилади.
Меҳнат мигрантлари даромадлари икки томонлама солиққа тортилмаслиги мумкин
«Ташқи меҳнат миграцияси тўғрисида»ги қонун лойиҳаси Қонунчилик палатасида биринчи ўқишда қабул қилинди. Қонун лойиҳасида меҳнат мигрантларининг даромадлари икки томонлама солиққа тортилмаслиги белгиланмоқда.
«Мигрантлар ҳам мамлакат тараққиёти учун солиқ тўласин» — Алишер Қодиров
«Миллий тикланиш» партиясидан президентликка номзод Алишер Қодиров сайловчилар билан мулоқотда мигрантлардан ҳам солиқ ундириш таклифини билдирди. «Келинглар энди яна ҳам ватанпарварроқ бўлайлик, мигрантлар ҳам ўзининг солиғини мамлакат тараққиёти учун тўласин», — деди у.
Google ва Microsoft Store оператори Ўзбекистонда солиқ тўловчи сифатида рўйхатдан ўтди
Google LLC ва Microsoft Ireland Operations Limited компаниялари Ўзбекистонда солиқ тўловчилар сифатида рўйхатдан ўтди. Энди хизматлар учун тўловни амалга оширишда 15 фоиз ҚҚСни ҳисобга олиш талаб этилади.
Фарғона вилоятининг айрим ҳудудларига алоҳида тартибдаги солиқ режими жорий этилади
Президент Солиқ кодексига ўзгартиш ва қўшимчалар киритиш тўғрисидаги қонунни имзолади. Унга кўра, Фарғона вилоятининг баъзи туманларида солиқ солишнинг алоҳида тартибини назарда тутувчи солиқ режими киритилди.
Белгиланган муддатда солиқ ҳисоботини тақдим этмаганлик учун жарима бекор қилинади
2022 йилдан бошлаб тадбиркорлик субъектлари томонидан солиқ ҳисоботини белгиланган муддатларда тақдим этмаганлик учун молиявий санкциялар, шунингдек камерал солиқ текширув асосида аниқланган ҳуқуқбузарликлар учун молиявий санкциялар бекор қилинади. Хоразмда солиқ органлари томонидан солиқ ҳисоботларини шакллантириш бўйича эксперимент ўтказиш режалаштирилган. Шундан сўнг янги тартиб бошқа ҳудудларда ҳам жорий этилади.
2020 йилда Facebook, Google ва Apple компаниялари Ўзбекистонда қанча солиқ тўлашди?
2020 йилда Facebook томонидан Ўзбекистонда деярли 6 млрд сўм солиқ тўланган. Шунингдек, Google — 3,4 млрд сўм, Apple — 1,9 млрд сўм қўшилган қиймат солиғини тўлаган.
ДСҚ «нақдлаштирувчи корхоналар» фаолиятига қарши курашади
«Бир кунлик фирмалар» нинг ноқонуний фаолиятига қарши курашишнинг самарали механизми жорий этилди. Пул маблағларини нақдлаштириш билан шуғулланувчи 396 та «бир кунлик фирмалар» хизматидан фойдаланган 10 мингга яқин ташкилотлар рўйхати шакллантирилди. Шунингдек, 2960 тадбиркорлик субъектларининг банк ҳисобварақларига жойлаштирилган инкассо топшириқлари 1 мартгача вақтинчалик бекор қилинди.
Кўп қаватли уйларда яшайдиганлар гаражлари учун солиқ тўлайди
Давлат солиқ қўмитаси вакили жисмоний шахслар ҳам кўп қаватли уйлар олдидаги автотураргоҳ учун солиқ тўлашини маълум қилди. Унинг айтишича, тураргоҳ учун алоҳида кадастр ҳужжати ҳам расмийлаштирилади.
Бир ойда 10 трлн сўм солиқ тушади, ортиқча тўланган 126 млрд сўм, бу — нормал рақам — ДСҚ раиси
Қонунчилик палатаси депутатлари 9 ойда ортиқча тўланган 126 млрд сўм солиқни қайтариш масаласи билан қизиқишди. «Бир ойда 10 трлн солиқ тушумлари тушади, ортиқча тўланган 126 млрд сўм бу нормал рақам», — деди ДСҚ раиси Шерзод Қудбиев. У, шунингдек, ортиқча тўланган солиқ тадбиркорлик субъекти мурожаати ёки судни қарори билан қайтарилишини маълум қилди.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг