«суд» тегли мақолалар
Нукус воқеалари бўйича гумонланувчиларга қўйилган айбловлар эълон қилинди
Олий суд Нукус воқеалари иши бўйича судланувчилар, жумладан Даулетмурат Тажимуратов, Лолагул Қаллиханова, Азамат Турданов ва бошқаларга қўйилган айбловларни эълон қилди. Улар орасида Қорақалпоғистон ИИВ бўлим бошлиғи, университет ўқитувчиси ҳамда Нукус олимпия захиралари коллежи директори ҳам бор.
Фото: Нукус воқеалари бўйича 22 кишига нисбатан суд бошланиш арафасида
Яқин фурсатларда Бухоро вилояти судида Нукус воқеалари бўйича 22 киши нисбатан суд муҳокамалари бошланади. Томонлар бирин-кетин суд залига кириб келмоқда, ОАВ вакиллари учун эса махсус матбуот маркази ташкил этилган. Ҳозирча айбланувчиларнинг адвокатлари ва прокуратура ходимлари етиб келишди.
Қорақалпоғистон воқеалари бўйича суд жараёнлари бошланмоқда
Жорий йилнинг июль ойида Қорақалпоғистонда бўлиб ўтган воқеалар бўйича суд жараёнлари 28 ноябрь куни бошланади.
МН17 иши: Уч нафар айбланувчи сиртдан умрбод қамоқ жазосига ҳукм қилинди, бир киши оқланди
Гаагада МН17 рейси Донбасс осмонида ҳалокатга учрагани (8 йил аввал 298 киши ҳалок бўлганди) иши бўйича ҳукм чиқарилди. Игорь Гиркин, Сергей Дубинский ва Леонид Харченко сиртдан умрбод қамоқ жазосига ҳукм қилинди. Суд самолёт РФ ҚКнинг «Бук» ракета тизимидан уриб туширилганини аниқлади.
Тошкент ҳокими ўринбосари инста-блогерни судга берди
Тошкент шаҳар Оила ва хотин-қизлар бошқармаси бошлиғи Нодира Умарова инста-блогер Севинч Саъдуллаевани судга берди. Суд вақтида блогер ўз қилмишларини бошқа такрорламаслик ҳамда барча видео ва фотосуратларни ўчириб ташлашга ваъда бериб, енгилроқ жазо тайинланишини сўраган, бироқ 5 суткага қамалган.
«Сардоба иши» бўйича яна 29 кишига суд ҳукми ўқилди
Сардоба сув омборини лойиҳалаштириш ва қурилишига масъул бўлган яна 29 кишига нисбатан суд ҳукми эълон қилинди. Уларнинг 3 нафари 5 йилдан 10 йилгача қамалди, қолган 26 нафари эса жаримага тортилди. Уларга шунингдек, 3 йил мансабдорлик ва моддий жавобгарлик лавозимларида ишлаш тақиқланди.
Андижон шаҳрининг собиқ ҳокими ва 43 нафар шахс иши бўйича суд жараёни бўлиб ўтмоқда
63 млрд сўмдан зиёд маблағни талон-торож қилишда гумонланаётган Андижоннинг собиқ ҳокими, вилоят ХТБнинг собиқ раҳбари, прокуратура ходими ва бошқалардан иборат 44 кишилик гуруҳ иши бўйича суд жараёни бўлиб ўтмоқда. Суд мажлиси ҳафтанинг ҳар душанба, сешанба ва чоршанба кунлари бўлиб ўтмоқда.
Олий суд Гулжаҳон Йўлдошеванинг ишини апелляцияда такроран кўриш учун қайтариб юборди
Олий суд Тошкент вилояти собиқ бош инфекционисти Гулжаҳон Йўлдошева киритган апелляция шикоятини кўриб чиқишда судлов ҳайъати ЖПКнинг 6 та моддаси талабларини бузган деб топди. Иш апелляцияда такроран кўриб чиқиш учун Тошкент вилоят судига қайтарилди.
Андижонда қандай қилиб IMEI-кодларни ноқонуний рўйхатдан ўтказишган?
2020 ва 2021 йилларда судлар Андижонда мобил қурилмаларнинг IMEI-кодларни учинчи шахсларнинг паспортлари орқали ноқонуний рўйхатдан ўтказиш билан шуғулланган жиноий гуруҳ фаолиятига оид жиноят ишини кўриб чиқди. Суд қандай якунлангани ва судланувчилар нима учун жазолангани — «Газета.uz» материалида.
Адлия вазирлиги тиббиёт ва таълим соҳалари ходимлари номидан судларга қарийб 7,2 млрд сўмлик даъво киритди
15 мартдан бери Адлия вазирлиги тиббиёт ва таълим соҳалари ходимлари манфаати йўлида судларга салкам 7,2 млрд сўмлик даъво киритди. Натижада 5,2 млрд сўмлик иш ҳақи, устама ва бошқа тўловлар ундирилди, қолаверса, 398 та шахс интизомий, 33 та шахс эса маъмурий жавобгарликка тортилди. Мурожаатларнинг энг кўпи Андижон, Қашқадарё ва Навоий ҳиссасига тўғри келмоқда. Қолаверса, ССВ, Олий таълим, Халқ таълими ва Мактабгача таълим вазирликлари тизимида ҳам ўрганишлар олиб борилмоқда.
Наманганда собиқ участкавойга 7 та модда бўйича айблов эълон қилинди
Наманганда суд ИИБ раҳбариятининг ноқонуний хатти-ҳаракатлари ҳақида маълум қилган собиқ профилактика инспектори Сардорбек Отабоевга нисбатан жиноят ишини кўриб чиқишни бошлади. У Жиноят кодексининг 7 моддаси, жумладан, фирибгарлик, мансаб ваколатини суиистеъмол қилиш ва бошқалар бўйича айбланмоқда. Судланувчи айбловларни рад этмоқда.
Қашқадарёда расман «ўлган» фуқаро нотариус ва шаҳар прокурорини обрўсизлантиришда айбланмоқда
Қарши шаҳрида 23 йил илгари ҳужжатларда «ўлган» Анвар Жавҳаров нотариус ҳамда шаҳар прокурорини обрўсизлантириш ва уларга туҳмат қилишда айбланиб, суд қилинмоқда. Айбланувчи «фақат ва фақат ўзининг тириклигини исботлашга» урингани, унинг турмуш ўртоғи ҳужжатларни сохталаштириб, уйини сотиб юборганини айтмоқда.
Суд Жаҳонгир Отажоновни огоҳлантириш билан кифояланди
Суд мажлисида қўшиқчи Жаҳонгир Отажонов ИИБ ходимларини ҳақорат қилганини тан олди ва қилган ишидан пушанмон эканлигини билдирди. Шуни ҳисобга олган ҳолда суд уни жавобгарликдан озод қилиб, огоҳлантириш билан чекланди.
Кекса фуқарога тан жароҳати етказган ИИБ собиқ ходимларига суд ҳукми ўқилди
73 ёшли кишига қарши куч ишлатганликда айбланган Тошкент шаҳар ИИББ ППХ собиқ ходимларига суд ҳукмк ўқилди. Улар 2 йил муддатга Ички ишлар органларида ишлаш ҳуқуқидан маҳрум қилинди ва беш йил муддатга озодликни чеклаш жазоси қўлланилди.
«Муродбой иши» бўйича суд залида юз берган тартибсизлик юзасидан ИИВ изоҳ берди
Ижтимоий тармоқларда ЖИБ Янгийўл шаҳар суди мажлислар залида судланувчилар қўлларини кесиб, тартибсизликни юзага келтиргани акс этган видео тарқалди. ИИВ маҳбуслар лезвия бўлаклари билан ўзларига тан жароҳати етказгани, ноўрин талабларни қўйиб, ички ишлар ходимларининг қонуний талабларини бажармаганини маълум қилди. Вилоят ИИББ эса воқеанинг келиб чиқиш сабабларини ўрганмоқда.
Солиқ қўмитаси касаба уюшмаси ва Расул Кушербаев ўртасидаги масала судгача олиб борилмайди
Давлат солиқ қўмитаси бирлашган касаба уюшмаси вакиллари ҳамда Қонунчилик палатаси депутати Расул Кушербаев ўртасидаги масала судгача олиб борилмасликка қарор қилинди. «Ҳар икки томоннинг ҳам мақсади ва маслаги бирлиги, яъни мамлакатимиз тараққиёти ва халқимиз турмуш фаровонлиги йўлида хизмат қилиш эканлиги таъкидланди», — дея қайд этди қўмита.
«Сўх воқеалари» бўйича барча судланувчиларнинг охирги сўзи эшитилди
Сўх туманида бўлиб ўтган оммавий тартибсизликлар юзасидан айбланган 22 киши устидан давом этаётган суд жараёнида барча судланувчиларнинг охирги сўзи эшитилди.
Халқаро тижорат арбитражи тўғрисида қонун қабул қилинди
Шавкат Мирзиёев «Халқаро тижорат арбитражи тўғрисида"ги қонунни имзолади. Ушбу қонун арбитраж келишувга эришиш, арбитрларни тайинлаш ва арбитраж муҳокамасини ўтказиш тартибини белгилайди.
Конституцияга ўзгартишлар киритиш тўғрисидаги қонун Сенат сайтида эълон қилинди
Сенати суд ҳокимияти фаолияти оид Конституцияга ўзгартишлар тўғрисидаги қонунни ўз сайтида эълон қилди. Ушбу қонун матни Қонунчилик палатаси томонидан маъқулланган бўлса-да, жамоатчилик муҳокамаси учун тақдим этилмаган эди.
Гулжаҳон Йўлдошева судда Фаррух Рустамовнинг ўлимига умуман алоқаси йўқлигини айтди — адвокат
Тошкент вилояти бош инфекционисти Гулжаҳон Йўлдошеванинг адвокати у Фаррух Рустамовнинг ўлимида умуман алоқаси йўқлигини айтганини маълум қилди. Гулжаҳон Йўлдошевага нисбатан жиноят иши юзасидан суд жараёнида унинг кўрсатмаси тингланди.
Энг кўп ўқилган хабарлар | Сўнгги янгиликлар
- Ўзбекистонда 17−23 февраль кунлари об-ҳаво қандай бўлади? «Газета.uz» шарҳи
- «Диссертация учун 3000−5000 доллар». Ўзбекистонда докторантура ислоҳоти нима учун натижа бермади? Тадқиқот
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Март ва августдан иш ҳақи ва пенсияларнинг ошиши ҳақидаги хабарлар ёлғон — Молия вазирлиги
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
Қўшимча имкониятлардан фойдаланиш учун сайтда рўйхатдан ўтинг