«фото» тегли мақолалар
Ўзбекистонда 2023 йил — суратларда
Аномал совуқ ва энергоинқироз, муддатидан аввалги Ўзбекистон президенти сайлови, жаҳон етакчиларининг ташрифлари, дорилар билан боғлиқ болалар фожиалари, Сергелидаги портлаш. «Газета.uz» Ўзбекистонда якунига етаётган йилнинг асосий воқеалари ҳақида сўзловчи фотосуратларни жамлади.
«Тошкент. Йил фасллари. Вивальди». Евгений Сорочин фотолойиҳаси
«Газета.uz» фотомухбири Евгений Сорочин бир йил аввал Тошкентда фасллар қандай намоён бўлишини кўрсатувчи лойиҳасини бошлаганди. У шаҳарнинг саккиз жойини бир хил нуқтадан туриб қиш, баҳор, ёз ва кузда суратга олди. Буюк Антонио Вивальдининг «Йил фасллари» концертлари эса лойиҳага саундтрек бўлди.
Фото: Конституция ҳаётидан бир соат
Аслида бу «Конституция ҳаётидан бир кун» номли репортаж бўлиши лозим эди. Афсус, харитада кўринган ҳамма нарса ҳам реал ҳаётда бўлавермас экан. Аммо бу «Газета.uz» ижодкорларини тўхтата олгани йўқ: «Конституция ҳаётидан бир кун» бўлмаса, унда мана — «Конституция ҳаётидан бир соат» бор!
Сентобга саёҳат: Жаҳондаги энг яхши туризм қишлоқларидан бирида нималар ҳайратга солади?
Ўзбекистонда ҳозирда бешта туризм қишлоғи бор: Конигил ва Боғи Баланд, Овжазсой ва Эртошсой, Сентоб. 2023 йил октябрида Сентоб жаҳондаги энг яхши туризм қишлоқларидан бири деб эълон қилинди. «Газета.uz» журналистлари Нуротада бўлиб, бу қишлоқ нималари билан ҳайратга солишини ўрганиб қайтди.
Фото: Тошкент аэропортида бешинчи расмий авиаспоттинг
Тошкент халқаро аэропортида бешинчи расмий споттинг-тур бўлди. Унда Ўзбекистоннинг турли шаҳарларидан, шунингдек, Россия, Қозоғистон ва Беларусдан 50 га яқин споттер қатнашди. Фото.
Фоторепортаж: Тошкентдаги портлаш жойида ёнғинни ўчириш ишлари давом этмоқда
«Газета.uz» мухбирлари Тошкент шаҳри Сергели туманидаги портлаш содир бўлган жойдаги вазиятни кузатишда давом этмоқда. У ерда ёнғинни ўчириш давом этяпти. Портлаш оқибатида очиқ майдонда сақланаётган автомобилларга ҳам зарар етган.
Фото: Ислом Каримовнинг шарҳсиз ва изоҳсиз суратлари
Каримов фонди ва Ислом Каримов номидаги Илмий-маърифий ёдгорлик мажмуаси 2020 йили «Ислом Каримов: Улкан тарихий даврни мужассам этган инсон» номли фотоальбом чиқарган эди. 2 сентябрь — Ислом Каримовни хотирлаш куни муносабати билан «Газета.uz» альбомдан айрим суратларни чоп этади.
Судочье — қамишлар, чинклар, қушлар макони. Бир вақтлар соҳилида юзлаб одамлар яшаган, ҳозир эса миллионлаб қушларга қўналға вазифасини бажарувчи кўлдан репортаж
Нукусдан тахминан 150 км узоқликда, Мўйноқ туманида, маҳаллий аҳоли «Суви дуччи» (ўзбекчасига «суви чучук») деб атаган, хариталарга Судочье номи билан киритилган кўллар тизими бор. У ерга борадиган тўғри ва текис йўл йўқ, шу боис масофани босиб ўтишга 4 соатча вақт кетади. «Газета.uz» репортажи.
Фото: Тошкентда минглаб абонентлар 12 соатга яқин электр таъминотисиз қолди
Тошкент шаҳрининг Мирзо Улуғбек ва Яшнобод туманларидаги минглаб хонадонлар ва кўплаб объектлар тармоқдаги носозлик туфайли 12 соатга яқин электрсиз қолди. Шунингдек, ҳудудда светофорлар ҳам ишламади. «Газета.uz» фоторепортажи.
Кўчалар жиноят жойига ўхшаши шартми?
Тошкентдаги чорраҳалар ва пиёдалар ўтиш жойлари яқинида одатда жиноят содир бўлган жойлар ва қурилиш майдончаларини белгилашда фойдаланиладиган тасмалар пайдо бўлди. Бу эса шаҳарнинг хавфли кўчаларини янада хавфли кўринишга олиб келди. Фото.
Косиблик осонми? 18 йилдан бери Миллий театр устахонасида ишлаб келаётган этикдўзлар ҳикояси
«Газета.uz» турли касб эгаларининг кўпга номаълум, заҳматли ва масъулиятли фаолияти ҳақида ҳикоя қилувчи «Профессионал» лойиҳасини давом эттиради. Навбатдаги қаҳрамонлар — ота-ўғил косиблар Бахтиёр Валиев ҳамда Ғайрат Зоҳидов.
Чегарадаги денгиз
Беруний яшаган даврларда унинг номи «Қиз денгизи» эди. Денгиздан кам жойи йўқ — узунлиги 100−120 (тахминан Тошкентдан Гулистонгача бўлган масофа), эни 30−40 км атрофида, бу қирғоғидан наригиси кўринмайди. Асрлар бўйи неча бор қуриб, сўнг яна сувга тўлган бу жой ҳозир шундай аталади — Сариқамиш.
Қулупнай, қулупнайжоним, қулупнайқизғалдоқ! Тошкент вилоятидаги бешариқлик қулупнайчилар «маҳалласи»дан репортаж
Баҳор ростманасига қачон кириб келади? Бодом гуллаганидами? Бойчечак очилганидами? Ё март бошланмай Сўқоқда «мадор-сомса» бренди уйғонганидами? Йўқ, баҳор қулупнай пишганида кириб келади! «Газета.uz» айни қулупнай-мураббо мавсумида қулупнайзорларни айланди.
Майнинг 13 лаҳзаси. Андижоннинг 18 йил аввалги ва ҳозирги манзаралари
2005 йилнинг 13 майга ўтар кечаси Ўзбекистон тарихига «Андижон воқеалари» номи билан кирган энг қонли ҳодисалардан бири бошланган эди. «Газета.uz» ушбу ҳодиса оқибатлари акс этган 13 манзарани танлаб олиб, уларни 2023 йил май ойида яна ўша нуқталарда олинган суратлар билан таққослади.
Ўзгидромет — 102 ёшда. Ўзбекистонда гидрометеорология хизмати қандай ривожланган?
Ўзбекистон Гидрометеорология хизмати бу йил 102 йиллигини нишонламоқда. Туркистон метеорология институти ташкил этилган 1921 йилнинг 7 майи Ўзгидромет таваллуд топган кун сифатида нишонланади. XIX асрнинг иккинчи ярмидан ҳозирги кунгача хизматнинг қандай ривожлангани — «Газета.uz» фотоматериалида.
Жиловланган вақт. Мутахассислиги бўйича авточилангар ва қисматига кўра соатсоз бўлган Аъзамхон Набиев ҳикояси
Аъзамхон Набиев соатларни 20 йилдан бери тўплайди. Унинг коллекциясида 200 дан ортиқ соат намунаси бор. Уларнинг айримлари вақтни кўрсата бошлаганига юз йилдан ошган. «Газета.uz» ноодатий устахонада бўлиб, соатсоз билан унинг коллекцияси, эски соатларни созлаш ва уларнинг баҳоси ҳақида суҳбатлашди.
Фото: Ўзбекистонликларнинг Иккинчи Жаҳон урушидаги иштирокига бағишланган кўргазма
Ўзбекистон тарихи музейида ўзбекистонликлар СССРнинг Иккинчи Жаҳон урушидаги ғалабасига қўшган ҳиссасига бағишланган кўргазма очилди. Унда ўнлаб архив суратлари, совет плакат санъатининг намуналари намойишга қўйилган, шунингдек, «Аскар мактублари» китоби тақдим этилган.
Президент овоз берган участкада овозларни санаш жараёни қандай кечди?
Ўзбекистонда 30 апрелда Конституциянинг янги таҳрири бўйича референдум бўлиб ўтди. 8:00 да очилган референдум участкалари 20:00 га қадар овозларни қабул қилди. «Газета.uz» айрим участкаларда, хусусан, президент Шавкат Мирзиёев овоз берган жойда бюллетенларни санаш жараёнини кузатди. Фото, видео.
Фото: Тошкентдаги референдум участкаларида овоз бериш жараёнлари
Тошкентдаги бир қатор участкаларда овоз бериш жараёнининг илк соатидаёқ «10−15 фоиз сайловчи овоз бериб бўлди». Айрим референдум участкалари гавжум. Овоз беришга фарзандлари билан келаётганлар кам эмас. «Газета.uz» фоторепортажи.
Фото: Ўзбекистонда Конституциянинг янги таҳрири бўйича референдум бошланди
Ўзбекистонда Конституциянинг янги таҳрири бўйича референдум участкалари очилди. Участка комиссиялари аъзолари кузатувчилар гувоҳлигида овоз бериш қутиларини муҳрлашди. Ўзбекистон мадҳияси янгради ва овоз бериш жараёни очиқ деб эълон қилинди. Жараённи бизнинг фоторепортажларимизда томоша қилинг.
Энг кўп ўқилган хабарлар | Сўнгги янгиликлар
- «Ўғлимни ё заҳарлашган, ё қийнаб ўлдиришган» — Олмалиқдаги колониядан ўлиги чиққан 21 ёшли маҳкумнинг онаси
- Фаоллар «Анҳор Локомотив» боғини сақлаб қолиш учун имзо йиғмоқда, у ерда кўп қаватли бинолар қурилиши мумкин
- Мубашшир Аҳмад қидирувга берилди
- Йўқ, USAID бизни «молиялаштиришни тўхтатгани» йўқ — у ҳеч қачон буни бошламаган ҳам (1)
- Тошкентда Амир Темур кўчасидаги аянчли ЙТҲдан сўнг янги йўл чизиқлари олиб ташланмоқда. Бу етарлими?
Қўшимча имкониятлардан фойдаланиш учун сайтда рўйхатдан ўтинг